ശനിയാഴ്‌ച, ജൂലൈ 02, 2011

പറവൂര്‍ കേസിലെ സിനിമാ അങ്കിള്‍മാര്‍

പറവൂരെ പെണ്‍കുട്ടിയെ പീഡിപ്പിച്ച മലയാള സിനിമാ സെലിബ്രിറ്റികളാര്? പരവൂര്‍ കേസില്‍ ഉള്‍പ്പെട്ടിട്ടുള്ള മലയാള സിനിമാ, സീരിയല്‍, ആല്‍ബം മേഖലയിലെ പല പ്രമുഖരുടേയും അടിത്തറ ഇളകുമോ? പറവൂരെന്നു കേള്‍ക്കുംബോള്‍ ഉറക്കം നഷ്ട്ടപ്പെടുന്ന ഹാസ്യതാരങ്ങള്‍ ആര്? നിരവധി ചൊദ്യങ്ങളുടെ ഇടയിലൂടെ മലയാള പത്രമാധ്യമ രംഗത്തേയും, പൊതുജനത്തേയും ത്രസിപ്പിക്കാന്‍ പോന്ന ആന്റി ക്ലൈമാക്സിലേക്കാണു പറവൂര്‍ പീഡനം ട്വിസ്റ്റ് ചെയ്യപ്പെട്ടിരിക്കുന്നത്.

വിവാദങ്ങളില്ലെങ്കില്‍ എന്തോന്ന് സെലിബ്രിറ്റി എന്നു പറഞ്ഞ കാലമൊക്കെ പോയെന്നാണ്‌ തോന്നുന്നത്.ഇപ്പോള്‍ പീഡനങ്ങളില്ലെങ്കില്‍ എന്തോന്ന് സെലിബ്രിറ്റി എന്നാണു പറയുന്നത്. പീഡകരും പീഡിതരും കളങ്ങളിലെ കരുക്കളായി സ്വയം ചതുരങ്കം കളിക്കുംബോള്‍ നമുക്ക് വെറും പ്രേക്ഷകരുടെ റോളുകളാണ്‌. മലയാള പത്രങ്ങളും, ചാനലുകളും എഴുതിയെഴുതി പീഡനത്തിന്റെ അര്‍ത്ഥ തലങ്ങള്‍ പോലും മാറിക്കഴിഞ്ഞിരിക്കുന്ന ഈ കാലയളവില്‍ പീഡന വാര്‍ത്തകള്‍ മലയാളിക്കൊരു "പമ്മന്‍" നോവലു പോലെയോ, മലയാള പത്രങ്ങള്‍ കച്ചിപ്പേപ്പറില്‍ അടിച്ച് കിട്ടുന്ന കൊച്ച് പുസ്തകം പോലെയോ ആയി മാറുന്നു. എന്തെല്ലാം വാര്‍ത്തകളാണ്‌?! അപ്പന്‍ മകളെ പീഡിപ്പിക്കുന്നു, മകന്‍ അമ്മയുടെ സ്വഭാവികമല്ലാത്ത ചിത്രങ്ങള്‍ മൊബൈല്‍ ക്യാമറയില്‍ പകര്‍ത്തുന്നു, സഹോദരി സഹോദരന്റെ ഗര്‍ഭം ചുമക്കുന്നു, ഭര്‍ത്രുമതിയായ സ്കൂള്‍ ടീച്ചര്‍ തന്റെ വിദ്യാര്‍ഥിയ്ക്കൊപ്പം ഊരു ചുറ്റുന്നു.... കേരളം പുരോഗമനത്തിന്റെ എക്സ്പ്രസ്സ് വഴികളിലൂടെ കുതിച്ചുകൊണ്ടിരിക്കുന്നതിന്റെ പ്രത്യക്ഷോദാഹരണങ്ങളാണിവ. പ്രീണനമെന്നു കേള്‍ക്കുംബോള്‍ ഞെട്ടുന്നവര്‍ പോലും ഇപ്പോള്‍ പീഡനമെന്നു കേള്‍ക്കുംബോള്‍ ഞെട്ടാതായിരിക്കുന്നു. കാരണം, കേരളത്തെ സംബന്ധിച്ചിടത്തോളം അത്രമേല്‍ സര്‍വ സാധാരണമായിക്കഴിഞ്ഞിരിക്കുന്നു പീഡനങ്ങള്‍. പക്ഷേ അടുത്ത കാലത്ത് ഉണ്ടായ എല്ലാ പീഡനങ്ങളില്‍ നിന്നും വ്യത്യസ്തമായി ഇത് മലയാളക്കരയെ ഞെട്ടിത്തെറിപ്പിക്കാന്‍ സാധ്യതയുണ്ട്. എന്തെന്നാല്‍ പറവൂര്‍ പീഡനം എന്നറിയപ്പെടുന്ന ഈ കേസില്‍ള്‍പ്പെട്ടിട്ടള്ളവര്‍ മലയാള സിനിമാ ലോകത്തെ പ്രമുഖരാണ്‌. സിനിമാക്കാരെപ്പറ്റി നമുക്കൊന്നും അത്ര നല്ല അഭിപ്രായമല്ല. അവരെ ആരാധിക്കാന്‍ മാത്രമേ നമുക്ക് താല്പ്പര്യമുള്ളു. സിനിമാ ലോകത്ത് നടക്കുന്ന അനാക്രാത കുസുമങ്ങളുടേയും അവിഹിത ബന്ധങ്ങളുടേയും കൊട്ടക്കണക്കിനു കഥകള്‍ നമുക്ക് മുന്‍പില്‍ എത്രയെങ്കിലുമുണ്ട്. എങ്കില്‍ പോലും, പരസ്യമായി ഒരു നടന്‍ പീഡക്കേസില്‍ കുരുങ്ങിയെന്നറിയുംബോള്‍ നമ്മളൊന്നു ഞെട്ടും. വെറുതേയെങ്കിലും ഞെട്ടും. എന്നിട്ട്, ഇവനിത്തരക്കാരനാണെന്ന് അറിഞ്ഞില്ലല്ലോ എന്നു നെടുവീര്‍പ്പിടും. എങ്കില്‍ അതിനൊക്കെ വേണ്ടി തയ്യാറായിക്കോളൂ എന്നാണു വായനക്കാരോട് പറയാനുള്ളത്.

പറവൂരെന്നു കേള്‍ക്കുംബോള്‍ പറവൂര്‍ ഭരതനെയായിരുന്നു മുന്‍പൊക്കെ ഓര്‍ത്തിരുന്നത്. ഇനിയിപ്പോ പറവൂര്‍ പെണ്‍കുട്ടി എന്ന വിശാലമായ ഐഡന്റിറ്റിയിലേക്ക് പറവൂര്‍ പുരോഗമിക്കുകയാണ്‌. പ്ലസ് ടൂക്കാരി പെണ്‍ കുട്ടിയെ പിതാവ് തന്നെ പീഡിപ്പിക്കുകയും, പെണ്‍ വാണിഭ സംഘങ്ങളൂള്‍പ്പെടെയുള്ളവര്‍ക്ക് കൈമാറുകയും ചെയ്ത് കേരളക്കരയെ അംബരപ്പിച്ച് കളഞ്ഞ ലേറ്റസ്റ്റ് പീഡന കഥയാണു പറവൂര്‍ സംഭവം. പറവൂര്‍ കേസിന്റെ അന്വേഷണ ചുമതല വഹിക്കുന്നത് അങ്ങ് ക്രൈം ബ്രാഞ്ച്കാരാണ്. കേസില്‍ ആദ്യം കൂടുങ്ങിയ വന്‍ ഇര സി.പി.എം. ലോക്കല്‍ കമ്മറ്റി അംഗമായിരുന്നു. ഒപ്പമുണ്ടായിരുന്ന സി.ഐ.ടി.യു. നേതാവിന്റെ പിന്നാലെ രഹസ്യപ്പോലീസ് പറന്നു കഴിഞ്ഞിരിക്കുന്നു. അതിനു പുറകേയാണ്‌ ചില മലയാള നടന്മ്മാര്‍ക്ക് വേണ്ടി ക്രൈംബ്രാഞ്ച് വല നെയ്ത് കത്തിരിക്കുന്നത്. ക്രൈം ബ്രാഞ്ചിന്റെ ഇപ്പോഴത്തെ അന്വേഷണ ഗതി യൂ ടേണടിച്ച് തിരിഞ്ഞ് പോകുന്നത് സേര്‍ച്ച് ലൈറ്റുകളുടെ വെള്ളി വെളിച്ചത്തില്‍ കൂളിച്ച് നില്‍ക്കുന്ന മലയാള സിനിമാ വേദിയിലേക്കാണ്. മുകളില്‍ നിന്നുള്ള അട്ടിമറിയുടെ ക്ലിപ്പ് വീണില്ലെങ്കില്‍ അന്വേഷണ സംഘം കിറു ക്രിത്യമായി പൊക്കാന്‍ പോകുന്നത് നമ്മള്‍ ചിരിച്ചും രസിച്ചും കയ്യടിച്ചും ആസ്വദിച്ച ചില പൊളപ്പന്‍ താരങ്ങളെയാവാം.

അതോടൊപ്പം തന്നെ, നിയമം നിയമത്തിന്റെ വഴിക്ക് പോയാല്‍ നാളുകള്‍ നീണ്ട് നില്‍ക്കാവുന്ന ഒരു പ്രമുഖ വാര്‍ത്ത്യ്ക്കാണ് സ്കോപ്പ് ഉരുണ്ട് കൂടുന്നത്. കിളിരൂര്‍ പെണ്‍കുട്ടിയെ സന്ദര്‍ശിച്ച വി.ഐ.പി. പോലെ ഇതും പത്രങ്ങള്‍ക്കൊരു ഫെസ്റ്റിവല്‍ സീസണാവാന്‍ പോകുകയാണ്. തെക്കന്‍ കേരളത്തില്‍ നിന്നു - തെക്കന്‍ കേരളമെന്നു പറയുംബോള്‍ അതങ്ങ് വെഞ്ഞാറമൂട് പാറശാല വരെയുണ്ടെന്നോര്‍ക്കുക- മിമിക്രി താരമായി വന്ന്, ഇന്ന് മലയാള സിനിമയിലെ മുന്‍ നിര ഹാസ്യ താരമായി മാറിയ നടന്‍ പീഡനക്കേസില്‍ കുടുങ്ങാനുള്ള സാഹചര്യം നിലവില്‍ സംജാതമാണ്. ഈ താരം, ഈ പെണ്‍കുട്ടിയെ കാറില്‍ വെച്ച് പീഡിപ്പിക്കുന്ന രംഗങ്ങള്‍ നെറ്റിലും മൊബൈല്‍ ബ്ലൂടൂത്തുകളിലും അടുത്തിടെ "പ്രചുര പ്രചാരം" നേടിയിരുന്നു. ഗുരുവായൂരപ്പന്‍ എന്നു ആകുലത്തില്‍ പ്രാര്‍ത്ഥിക്കും പോലെ, പ്രസ്തുത നടനിപ്പോ ഇരുപത്തിനാലു മണിക്കൂറും പറവൂരപ്പനെ വിളിച്ച് പ്രാര്‍ഥിക്കുന്നുണ്ടെന്ന് വിശ്വസ്ത് കേന്ദ്രങ്ങള്‍ റിപ്പോര്‍ട്ട് ചെയ്യുന്നുണ്ട്. നടന്റെ കട്ടേം പടോം മടങ്ങുന്ന കാര്യം ഏകദേശം ഉറപ്പ്.

മറ്റൊരു നടന്‍ ഇപ്പോള്‍ ഒരു പെട്ടിയുടെ കഥ പറയുന്ന ഒരു സിനിമയുടെ തുടര്‍ സീരീസുകളില്‍ നാല്‍വര്‍ സംഘമായി അഭിനയിച്ച നടന്മ്മാരില്‍ ഒരാളാണെന്നു പറയുന്നു. പുള്ളി അത്യാവശ്യം പാട്ടൊക്കെ പാടും. പോലീസ് വേഷങ്ങളിലൂടെ ഒട്ടനവധി ചിത്രങ്ങളില്‍ നമ്മെ അഭിമുഖീകരിച്ച ആളാണീ നടന്‍. ഒരു പക്ഷേ അത് അടുത്തിടെ ഒരു നടിയില്‍ നിന്നും വിവാഹ മോചിതനായി മറ്റൊരു യുവതിയെ വിവാഹം കഴിച്ച, സംഗീതജ്ഞരായ ഇരട്ട അച്ചന്മ്മാരുടെ മകനിലേക്കോ, കട്ടി മീശയുള്ള, വര്‍മ എന്നു പേരുള്ള നടിയെ വിവാഹം കഴിച്ച സ്വഭാവ നടനിലേക്കോ വായനക്കാരുടെ സംശയം നീണ്ടേക്കാമെങ്കിലും നിങ്ങളുടെ ഒബ്സര്‍വേഷന്‍ ക്രിത്യമായിരിക്കാന്‍ നിങ്ങള്‍ തന്നെ ശ്രമിക്കുക.

പിന്നെയും കിടപ്പുണ്ട് സീരിയല്‍, ആല്‍ബം രംഗത്തെ പല പ്രശസ്തരും അപ്രശസ്തരും... എല്ലാം കൂടി ഇതൊരു സിനിമാ പാരഡൈസോ ആകുന്ന ലക്ഷണമാണു കണ്ട് വരുന്നത്. മിക്ക നടന്മ്മാരുടേയും സിനിമാ ലോകത്തെ പറുദീസാ നഷ്ട്ടം കൂടിയായിരിക്കും ഈ കേസ്.

വാല്:

പീഡിപ്പിക്കാന്‍ ബെന്‍സേല്‍ വരുന്ന സിനിമാ അണ്ണന്മ്മര്‍ക്കൊപ്പം നിന്ന് പെണ്‍കൊച്ച് "ഫോട്ട"ത്തില്‍ പോസു ചെയ്തതാണത്രേ ഇപ്പോ തെളിവ് സഹിതം ക്രൈംബ്രാഞ്ചിന്റെ കയ്യില്‍ കിട്ടിയിരിക്കുന്നത്.. ഇനിയിപ്പോ ക്രൈംബ്രാഞ്ചിനു പണി എളുപ്പമാണ്‌. പെണ്‍കുട്ടിയ്ക്ക് അതിലും എളുപ്പം. നംബര്‍ വണ്‍ പീഡകന്‍ സ്വന്തം അച്ഛന്‍ തന്നെയായത് കൊണ്ട്, പോലീസ് ചോദ്യം ചെയ്യുംബോള്‍ സംശയം തോന്നുകയോ, ആശയ കുഴപ്പം വരുകയോ ചെയ്യുന്ന ഘട്ടങ്ങളിള്‍ അച്ചനോട് ചോദിച്ച് പെണ്‍കുട്ടിയ്ക്ക് പ്രതികളെ കണ്‍ഫോം ചെയ്യാം. പോലീസിനാണെങ്കില്‍ തിരിച്ചറിയല്‍ പരേഡ് നടത്താന്‍ പെണ്‍കുട്ടിയേയും കൊണ്ട് നാട് നാടാന്തരം നടക്കുകയോ ബുദ്ദിമുട്ടുകയോ വേണ്ട. പെണ്‍കുട്ടിയുമായി അടുത്തുള്ള സിനിമാ കൊട്ടകയിലേക്ക് പോയാല്‍ മതി. അല്ലെങ്കില്‍ വ്യാജ സീഡിയിട്ട് സ്റ്റേഷനില്‍ തന്നെ പുതിയ സിനിമാ കാണിച്ച് കൊടുത്താലും മതി. തന്നെ പീഡിപ്പിച്ച താരം സ്ക്രീനില്‍ വരുംബോള്‍ പെണ്‍കുട്ടി ഏമാന്മ്മാരോട് ഇങ്ങനെ പറഞ്ഞാല്‍ മതി. "സാറേ ദാ ല്ല അങ്കിളാ എനിച്ച് ഐസ്ക്രീം മേടിച്ച് തന്നതും തംബാനൂര്‍ രാവണന്‍ ലോഡ്ജില്‍ വെച്ച്......'. അപ്പോ രണ്ട് കൂട്ടര്‍ക്കും പണീം എളുപ്പം സമയവും ലാഭം.

വെയ്റ്റ് ആന്റ് സീ.


*വാര്‍ത്തയ്ക്ക് കടപ്പാട് മംഗളം ന്യൂസ്


Related Articles

കുരുന്നുകളുണ്ടോ, ഒന്നു പീഡിപ്പിക്കാന്‍ ...

പെണ്‍കുട്ടികള്‍ക്ക് പത്തു കല്‍പ്പനകള്‍

7 അഭിപ്രായങ്ങൾ:

  1. കേരളീയന്റെ കപട സദാചാരത്തിനും
    കേരളീയന്റെ പ്രബുദ്ധത എന്ന പെരും കള്ളവും
    ദയവ് ചെയ്തു ഇനിയും പറയരുത്
    സാദിക്കുമെങ്കില്‍ പെണ്‍കുട്ടിയുടെ അച്ചന്റെ
    സുനാപ്ലിക്കേശന്‍ മുറിച്ചുകളയണം

    മറുപടിഇല്ലാതാക്കൂ
  2. ചെകുത്താന്‍:
    കെ.എം. റഷീദ്:
    Lipi Ranju :

    വന്നതിനും, വായിച്ചതിനും, കമന്റ് ഇട്ടതിനും നന്ദി...

    മറുപടിഇല്ലാതാക്കൂ
  3. നിയമം നിയമത്തിന്റെ വഴിക്ക് പോകട്ടെ എന്നത് വെറും ഒരു പാഴ്വാക്കായി മാറി.നിയം നിയമത്തിന്റെ വഴിക്ക് പോയിരുന്നെങ്കിൽ സൂര്യനെല്ലി തൊട്ട് ഇങ്ങോട്ടുള്ള എല്ലാ പീഡനക്കേസിലെയും പ്രതികൾ ശിക്ഷിക്കപ്പെട്ടേനെ.
    (സമാനമായ വിഷയത്തിലെ പോസ്റ്റ് കാണുക http://moideenangadimugar.blogspot.com/2011/07/blog-post.html )

    മറുപടിഇല്ലാതാക്കൂ
  4. ഈ കേസിലെ അൻപത്തി അഞ്ചാം പ്രതി എന്റെ നാട്ടുകാരനാ‍ാ... എന്താല്ലെ.??

    മറുപടിഇല്ലാതാക്കൂ