ശനിയാഴ്‌ച, സെപ്റ്റംബർ 29, 2012

സിസിലിയാ കാസാ. [എട്ട്] - അവസാന ഭാഗം -

സിസിലിയാ കാസയുടെ ഇതുവരെയുള്ള അധ്യായങ്ങൾ വായിച്ചവർ തുടർന്ന് വായിക്കുക...
______________________________________________________________________


കുത്തനേ തോന്നിച്ച തുരങ്കത്തിത്തിലൂടെ ഞാൻ അതിവേഗത്തിൽ നിരങ്ങി താഴേക്ക് പൊയ്ക്കൊണ്ടിരുന്നു. ഒടുവിൽ തറയിലെവിടെയോ ഞാൻ പതിച്ചു.

ചുറ്റും അന്ധകാരമാണ്. എങ്ങും ഇരുൾ... ഇരുൾ മാത്രം...
കണ്ണിലും മുഖത്തുമൊക്കെ പറ്റിപ്പിടിച്ച പൊടി പടലങ്ങൾ ഞാൻ കൈ കൊണ്ട് തുടച്ച് കളയാൻ ശ്രമിച്ചു....

അപ്പോൾ ഒരു ഞരക്കം കേട്ടു. ആന്യയുടെ ശബ്ദമായിരുന്നു അത്. ഞാൻ പെൻ ടോർച്ച് തെളിച്ച് ശബ്ദം കേട്ട ഭാഗത്തേക്ക് നോക്കി. ആന്യ നിലത്ത് കിടക്കുകയാണ്.

ഞാൻ ഓടിച്ചെന്ന് നിലത്തിരുന്നുകൊണ്ട് അവളെ മടിയിലേക്ക് കിടത്തി. അവളുടെ ഇടുപ്പിന് ചുറ്റും രക്തം പൊട്ടി ചാലിക്കപ്പെട്ടിരുന്നു. ഞാൻ വേഗം തന്നെ എന്റെ ഷർട്ട് വലിച്ച് കീറി അവളുടെ ഇടുപ്പിന്ന് ചുറ്റും വരിഞ്ഞു കെട്ടി. മറ്റെവിടേയും വെടിയേറ്റ ലക്ഷണം ഇല്ലായിരുന്നു. രക്ത നഷ്ട്ടം പരിഹരിക്കാൻ വേണ്ടി അവളുടെ സ്കേർട്ടും വലിച്ച് കീറിയെടുത്ത് ഇടുപ്പിന് ചുടും അമർത്തി കെട്ടിവച്ചു.

ഞാൻ എമ്മയെ അന്വേഷിച്ചു. ടോർച്ച് തെളിച്ച് നോക്കവേ എമ്മ നിലത്ത് ചടഞ്ഞിരിക്കുന്നത് കണ്ടു. ഓടിയെത്തിയ ഞാൻ എമ്മയെ പിടിച്ചെഴുനേൽപ്പിച്ചു. അവൾക്ക് വെടിയേറ്റ ലക്ഷണം കാണാനില്ലായിരുന്നു. അവൾ ഭയത്തോടെ എഴുനേറ്റ് നിന്നു. അവളുടെ കാലുകൾ ഉറയ്ക്കുന്നില്ലായിരുന്നു.

പൊടുന്നനെ അന്ധകാരത്തെ അപ്രത്യക്ഷമാക്കിക്കൊക്കൊണ്ട് അവിടെ ആകമാനം പ്രകാശം വീണു. ഞാൻ ഞെട്ടലോടെ നൊക്കവേ തലയ്ക്ക് മേലേ വൈദ്യുതി ബൾബുകളുടെ നീണ്ട നിര കണ്ടു. ഞങ്ങൾ നിൽക്കുന്നിടം വിശാലമായ ഒരു മുറിയായിരുന്നു എന്ന് കണ്ട് ഞങ്ങൾ ഞെട്ടി. നിരവധി തൂണുകളുള്ള ഒരു മുറി. ആന്യ ഒരു തൂണിൽ പിടിച്ച് എഴുനേറ്റ് നിന്നു കിതച്ചു.

ഞങ്ങൾക്ക് അഭിമുഖമായി ഗോൾഡൽ ഫൈബർ പ്ലേറ്റിൽ, സിസിലിയാ കാസ എന്ന് ഇംഗ്ലീഷിൽ എഴുതി വച്ചിരിക്കുന്നത് കണ്ടു. എമ്മ ചുറ്റുപാടും നോക്കി

പൊടുന്നനെ ഒരു രൂപം നട്ന്ന് വന്ന് ഞങ്ങൾക്ക് അഭിമുഖമായി നിന്നു. രൂപം നീളൻ കോട്ട് ധരിച്ചിരുന്നു. മുഖത്തേക്ക് ഇറക്കി വെച്ച വലിയ തൊപ്പിയും.... രൂപത്തിന്റെ മുഖത്തിന് മേലേ നിഴൽ മൂടി.
അയാൾ ഉച്ചത്തിൽ പറഞ്ഞു.

സിസിലിയാ കാസയിലേക്ക് സ്വാഗതം!!!

******************************************************

ഞാൻ വലത് പോക്കറ്റിലെ  പിസ്റ്റളിൽ മുറുകെപ്പിടിച്ചു.

പ്രകാശത്തിന് മുൻപിൽ നിന്ന രൂപം തന്റെ നീണ്ട കോട്ട് ഊരിയെറിയുന്നതും തൊപ്പി ഒറ്റത്തട്ടിന് വശത്തേക്ക് പാളിയ്ക്കുന്നതും  കണ്ടു. രൂപത്തിന്റെ മുഖം കണ്ട് ഞാൻ ഞെട്ടി.

ഒരാന്തലോടെ ഞാൻ ആന്യയെ നോക്കവേ അവളുടെ മുഖത്തും അവിശ്വസനീയത കണ്ടു. എമ്മ എന്റെ പുറകിലേക്ക് നീങ്ങി മറഞ്ഞു.

എതിരേ പ്രത്യക്ഷപ്പെട്ട രൂപം ഞാൻ തന്നെയായിരുന്നു.
എന്റെ അതേ രൂപത്തിലുള്ള മറ്റൊരു ഞാൻ!!!
ഡ്യൂപ്ലിക്കേറ്റ്.!!!!!!

ഞാൻ തലച്ചോറിലൂടെ പാഞ്ഞ ഞെട്ടലുമായി  നിൽക്കവേ രൂപം ഹ്രിദ്യമായി ചിരിച്ചു കൊണ്ട്-
മിസ്റ്റർ കെവിൻ ആൻഡ്രൂസ്...., ഇത് സിസിലിയാ കാസ.
മൊസാദിന്റെ ജർമൻ ദൗത്യത്തിന്റെ പല ബ്രാഞ്ചുകളിൽ ഒന്ന് ഇവിടം സൗത് ഇറ്റലിയിലെ സിസിലിയിൽ സ്ഥാപിതമായ ഞങ്ങളുടെ ഈ ബ്രാഞ്ചിനെ ഇവിടേക്ക് ട്രാൻസ്ഫർ ചെയ്തപ്പോൾ, ഞങ്ങൾ ഒപ്പം കൊണ്ടു വന്ന പേരാണ് സിസിലി. കൂട്ടത്തിൽ ഒരു കാസയും. രഹസ്യങ്ങളുടെ വീഞ്ഞു നുരയുന്ന കാസ... സിസിലിയാ കാസ!!!

ഞാൻ നിശബ്ദതയോടെയെങ്കിലും ജാഗരൂകനായി നിലയുറപ്പിച്ചു.
ഒരു ആക്രമണം ഏതു നിമിഷവും  എവിടെനിന്നും ഉണ്ടാവാം എന്ന കണക്കു കൂട്ടലിൽ...
ഇവിടം ഇസ്രയേൽ ചാരസംഘടന മൊസാദിന്റെ താവളമാണ്. കെ ജി ബി ആസ്ഥാനത്ത് നിന്നും തുടങ്ങിയ അന്വേഷണ യാത്ര ഇതാ മൊസാദിന്റെ താവളത്തിൽ ക്ലൈമാക്സിനുള്ള കേളികൊട്ടൊരുക്കുന്നു.....

രൂപം സംസാരിച്ചു കൊണ്ടിരുന്നു.
ഒരിക്കലും പ്രതീക്ഷിച്ചതല്ല ഞാൻ നിങ്ങളെ കണ്ടു മുട്ടുമെന്ന്.
പക്ഷേ വിധിയുടെ വിളയാട്ടം കൊണ്ട് എനിക്ക് എന്റെ ഒറിജിനലുമായി സംസാരിക്കേണ്ടി വരുന്നു......

അർദ്ദോക്തിയിൽ നിർത്തിയിട്ട് അയാൾ തുടർന്നു-
ഒരർഥത്തിൽ നല്ല  രസമുണ്ട്. നിങ്ങളുടെ മുഖത്തെ അദ്ഭ്തം കാണുമ്പോൾ എനിക്ക് എന്നേക്കുറിച്ച് തന്നെ അഭിമാനം തോനുന്നു....
അയാൾ ചിരിച്ചു.

എനിക്ക് എന്താണയാൽ പറഞ്ഞതിന്റെ പൊരുളെന്ന് മനസിലായില്ല.
നിങ്ങളാരാണ്? എന്നേപ്പോലെ തന്നെ രൂപമുള്ള നിങ്ങൾ ആരാണ്? എന്താണ് നിങ്ങളുടെ ഉദ്ദേശം???
എനിക്ക് എന്റെ സമനില നഷ്ട്ടപ്പെടും പോലെ തോന്നി.

അയാൾ സ്റ്റൈലിഷായി തറയിലേക്ക് മുഖം കുനിച്ച് രഹസ്യം വെളിപ്പെടുത്തും പോലെ പറഞ്ഞു-
ഞാൻ നീ തന്നെയാണ്. ഒന്നാം തരം നീ തന്നെ.
എന്റെ പേര് കെവിൻ ആൻഡ്രൂസ്. അതായത് നിന്റെ അതേ പേര്....
നീയും ഞാനും ഒന്നാണ്. പിതാവും പുത്രനും പരിശുദ്ദ റൂഹായും പോലെ....
പക്ഷേ നമ്മൾ രണ്ടു പേരേയുള്ളു. ഒരാളുടെ കുറവ് നമുക്ക് പരിഹരിക്കാൻ തൽക്കാലം നിവ്രിത്തിയില്ല.

ഞാൻ നിഷേധാർഥത്തിൽ തലയാട്ടി.
എന്റെ പേര് കെവിൻ എന്നല്ല. നിങ്ങൾ ഒരു പേര് സ്വയം കണ്ടെത്തിയിട്ട് അത് എനിക്ക് നൽകിയതിൽ എന്ത് കാര്യം. എനിക്ക് ഒന്നും മനസ്സിലാകുന്നില്ല...

രൂപം തല ചരിച്ച് എന്റെ കണ്ണുകളിലേക്ക് നോക്കി. അയാളുടെ കണ്ണുകളിൽ ക്രൗര്യം നിറഞ്ഞു നിന്നു.
നീ അതി ബുദ്ധിമാനാണ് കെവിൻ. നിനക്ക് കഴിഞ്ഞ കാല ഓർമകൾ നഷ്ട്ടപ്പെട്ടെങ്കിലും, കഴിഞ്ഞ കാലത്ത് നീ പ്രകടിപ്പിച്ച ബുദ്ധി സാമർഥ്യവും അന്വേഷണ ത്വരയും ഈ നിമിഷം വരെ നിനക്ക് നഷ്ട്ടപ്പെട്ടിട്ടില്ല. കഴിഞ്ഞ ദിവസങ്ങളിൽ നീയത് പ്രകടിപ്പിച്ചു കൊണ്ടിരിക്കുകയായിരുന്നു.
അതിനെ ഞാൻ അഭിനന്ദിക്കുന്നു.

അയാൾ പെട്ടന്ന് നിർത്തിയിട്ട് പതിയെ പൂരിപ്പിച്ചു.
പക്ഷേ ഇന്ന് കൊണ്ട് നിന്റെ ഈ ഭൂമുഖത്തെ അന്വേഷണ വൈഭവം വെറും ഓർമ്മച്ചിത്രം മാത്രമാകാൻ പോകുന്നു.

ഞാൻ ക്ഷോഭം അമർത്തി വെച്ച് ചോദിച്ചു-
അപ്പോൾ നിങ്ങൾ തന്നെയാണെന്നെ വധിക്കാൻ ശ്രമിച്ചത്. എങ്കിൽ അത് എന്തിന് വേണ്ടിയായിരുന്നു? എനിക്കതറിയണം. അറിഞ്ഞേ തീരൂ... എന്തിന് എന്നേക്കൊണ്ട് ഈ അധോഭാഗത്തെ, ഈ നിമിഷത്തിന്റെ ഇങ്ങേയറ്റം വരെ കൊണ്ടെത്തിച്ചു??? പറയണം. അത് കേട്ടിട്ടാവാം ബാക്കി.

എന്റെ ഇരട്ട സഹോദരൻ എന്ന് തോന്നിപ്പിക്കുന്ന ആ രൂപം ചിരിച്ചു.
അയാൾ ആന്യ നിൽക്കുന്ന ദിക്കിലേക്ക് നോക്കി പറഞ്ഞു.
ബാക്കി ആ സ്ത്രീ പറയട്ടെ.

ഞാൻ ഞെട്ടലോടെ ആന്യയ്ക്ക് നേരേ നോക്കി...

********************************************************

ആന്യയുടെ പിന്നിലെ തൂണിന്റെ മറവിൽ നിന്നും പെട്ടന്ന് ഒരു രൂപം വെളിച്ചത്തിലേക്ക് നീങ്ങുന്നത് കണ്ടു. രൂപത്തെ കണ്ട് ഞാൻ വീണ്ടും അംബരന്നു.

അത് മിസിസ് ബേണിയായിരുന്നു.
മ്യൂസിയത്തിലെ പ്രധാന റിസപ്ഷനിസ്റ്റ്!

ദുരൂഹതകൾക്ക് മീതേ ദുരൂഹതകൾ വല വിരിച്ച് കൊണ്ടിരിക്കുകയാണ്.

മിസിസ് ബേർണി പുഞ്ചിരിയോടെ പറഞ്ഞു.
തോമസ് മനാമ കൊല്ലപ്പെട്ടത് മുതൽക്കാണ് ഞാൻ നിങ്ങളെ നിരീക്ഷിക്കുന്നത്. ദിമിത്രി ബാരോസ് കൊല്ലപ്പെട്ടതോടെ  -  അത് നിങ്ങളിൽ കൂടി അല്ലെങ്കില് പോലും - ഞങ്ങൾക്ക് ഒരു കാര്യം ഉറപ്പായി.നിങ്ങൾ ഉടനേ ജർമനിയിൽ, ഇവിടേക്ക് തന്നെ എത്തിച്ചേരുമെന്ന്. ഞങ്ങളുടെ എക്സ്പക്റ്റേഷൻസ് ഒരിക്കലും തെറ്റാറില്ല. ഇസ്രയേൽ ഞങ്ങൾക്ക് ചെല്ലും ചെലവും തരുന്നത് വെറുതേയല്ലല്ലോ.

നിഷേധാർഥത്തിൽ തലയാട്ടി
എന്നിട്ട് അത്യധികം രോക്ഷത്തോടെ ചോദിച്ചു.
പരസ്പര ബന്ധമില്ലാത്ത നിങ്ങളുടെ സിനിമാറ്റിക് ഡയലോഗ്സ് കേൾക്കാനല്ല ഞാൻ വന്നത്. എനിക്കറിയണം. എല്ലാം അറിയണം. എന്നെ മോസ്കോയില്‍ വെച്ച് കൊല്ലാൻ ശ്രമിച്ചത് നിങ്ങളാണോ എന്ന്? എങ്കിൽ അതെന്തിന്? എന്നോടൊപ്പം ഉണ്ടായിരുന്നു എന്ന് പറയുന്ന അങ്കിതാ ത്രിപാഠിയേക്കുറിച്ച് എനിക്കറിയണം. എന്റെ പേര്, ഡീറ്റെയിൽസ്... എല്ലാം നിങ്ങൾ നഷ്ട്ടപ്പെടുത്തിയതാണ്. എനിക്ക് സർവതിന്റേയും ഉത്തരം കിട്ടണം. ഈ ക്ലൈമാക്സിൽ ആര് ജയിച്ചാലും എനിക്കതെല്ലാം അറിഞ്ഞേ തീരൂ... അത് അറിയാൻ വേണ്ടി മാത്രമാണ് ഇത്രയും റിസ്കിൽ ഇവിടം വരെ ഞാൻ എത്തിയത്. പറയൂ, എന്തായിരുന്നു ഞാനും നിങ്ങളും തമ്മിലുള്ള ബന്ധം....???

കൂൾ മാൻ.... ഒരുപാട് ക്ഷോഭിച്ച് പൾസ് കൂട്ടരുത്.
മിസിസ് ബേർണി എന്നെ നോക്കി.
പറയാം. എല്ലാം പറയാം. ചുരുക്കത്തിൽ കാര്യങ്ങൾ നിങ്ങൾ അറിയുന്നത് നല്ലതാണ്. മരിക്കും മുൻപ് പരമമായ സത്യങ്ങൾ അറിയുന്നത് നല്ലതിനാവാം...


മിസിസ് ബേർണി എനിക്ക് മുൻപിൽ വന്ന് തുടർന്നു.

Point One:
നിങ്ങളുടെ പേര് കെവിൻ ആൻഡ്രൂസ്. ജനനം ഇൻഡ്യയിൽ. ഇൻഡ്യൻ ചാര സംഘടനയിലെ സമർഥനായ സ്പൈ. ഞങ്ങൾക്ക് മനസ്സിലായ നിങ്ങളുടെ ഔദ്യോഗിക ചരിത്രം ഇതാണ്. നിങ്ങൾ ആദ്യ കാലത്ത്, ഇൻഡ്യയിലെ ഇന്റലിജൻസ് ബ്യൂറോയിലായിരുന്നു. നിങ്ങളുടെ സാമർഥ്യ പാടവം നിങ്ങൾ റിസർച്ച് ആന്റ് അനലൈസിസ് വിംഗിലെ അഥവാ റോയിലെ അന്താരാഷ്ട്ര സീക്രട്ട് ഏജന്റ് ആക്കിത്തീർത്തു. പല വിദേശ രാജ്യങ്ങൾക്ക് ശേഷം, റഷ്യയിൽ നിങ്ങൾ സ്പൈ ഗെയിം കളിച്ച് തുടങ്ങുന്നത് ഒരു വർഷം മുൻപാണ്.

ഞാൻ അവർ പറയുനത് സാകൂതം കേട്ടു നിന്നു.
എനിക്കെല്ലാം പുതിയ അറിവുകളായിരുന്നു. എന്റെ പേര് കെവിൻ എന്നത് പോലും.
ഞാൻ ആരെന്നുള്ളതിന് സത്യസന്ധവും വ്യക്തവുമായ ആദ്യ വിവരണങ്ങളാണിവ. ഇവ വിശ്വസിക്കാൻ ഞാൻ ബാധ്യസ്ഥനാണ്....

മിസിസ് ബേർണി തുടർന്നു.-

Point Two:
ഇനി അങ്കിതാ ത്രിപാഠി.-
റഷ്യയിൽ നിങ്ങളുടെ ദൗത്യാന്വേഷണ സഹകാരിയായിരുന്നു മിസ്. അങ്കിതാ ത്രിപാഠി. അവരും റോയിലെ ഏജന്റ്. എന്നുമാത്രമല്ല നിങ്ങളുടെ കാമുകിയും. Moscow - യിലെ മിസ്റ്റർ അലക്സി ഗോർഗിയോപാവിന്റെ  ഇടത്തരം ഹോട്ടലായ,  Hotel Baltschug Kempinski - യിൽ വെച്ചാണ്, ഇന്ന് നിങ്ങൾ ഈ നിമിഷം, ഈ സിസിലിയാ കാസ വരെ വരെ എത്തിച്ചേരേണ്ടി വന്നതിന്റെ ആരംഭം കുറിയ്ക്കപ്പെടുന്നത്. കാരണം നിങ്ങൾ താമസിച്ചു കൊണ്ടിരുന്ന അതേ ഹോട്ടലിൽ ഞങ്ങൾക്കും ചില ദിവസങ്ങൾ ചിലവഴിക്കേണ്ടതായി വന്നു!

ഞാൻ ഈ യാത്രയുടെ ആരംഭത്തിൽ ആന്യയ്ക്കൊപ്പം Hotel Baltschug Kempinski - യിൽ പോയത് ഓർത്തു നോക്കി. അന്ന് ഗോർഗിയോപ്പാവ് പറഞ്ഞ കാര്യങ്ങളുമായി ഇവർ പറയുന്നത് പൊരുത്തപ്പെടുന്നുണ്ട്....
കാര്യങ്ങൾ വിശദമാക്കാൻ വേണ്ടി ഞാൻ മിസിസ് ബേർണിയോട് ചോദിച്ചു-
മനസ്സിലായില്ല, വ്യക്തമായി പറയൂ...

അവർ എന്റെ കണ്ണുകളിലേക്ക് ചൂഴ്ന്ന് നോക്കിക്കൊണ്ട് ഒരു ചോദ്യം ചോദിച്ചു.
ഞങ്ങൾ ആരാണെന്ന് മനസ്സിലായോ?

എന്നെ കൊല്ലാൻ ശ്രമിച്ചവർ..... എന്നു മാത്രമായിരുന്നു ഇതു വരെയുള്ള ധാരണ. പക്ഷേ ഇപ്പോൾ ദേ ഈ നിൽക്കുന്ന എന്റെ അപരനെ കണ്ടതോടെ മറ്റെന്തൊക്കെയോ ഉദ്ദേശങ്ങൾ നിങ്ങൾക്കുണ്ടാവണം എന്ന്  അനുമാനിക്കുന്നു..

അപ്പോൾ എന്റെ അപരനും മിസിസ് ബേർണിയും ചിരിച്ചു.

ആന്യയെ ഞാനൊന്ന് പാളി നോക്കി. അവൾ അസഹ്യമായ വേദനയോടെ തൂണിൽ അമർത്തിപ്പിടിച്ച് നിൽക്കുന്നു. എമ്മ എന്റെ പുറകിൽ മറഞ്ഞ് നിൽക്കുകയാണ്. അവളുടെ കിതപ്പ് കേൾക്കാനാവുന്നുണ്ട്..

മിസിസ് ബേർണി തുടർന്നു.
ഞങ്ങൾ മൊസാദിന് വേണ്ടി ഓൺ ഡ്യൂട്ടിയിലാണ്. ബേർണി എന്ന പേരൊക്കെ മൂടുപടമായി അണിയുന്നതാണ്. ഇപ്പോൾ ഇസ്രയേൽ അമേരിക്കൻ ദൗത്യ നിർവഹണമാണ് ഞങ്ങൾ നിർവഹിക്കുന്നത്.
ഇനി നിങ്ങളുമായി ഞങ്ങൾ കണ്ടു മുട്ടിയ ആ ദിവസത്തേക്കുറിച്ച് പറയാം

Point Three:
ഞങ്ങൾക്ക് മോസ്കോയിൽ ഒരു ഓപ്പറേഷൻ ഉണ്ടായിരുന്നു.
ഒരു അന്താരാഷ്ട്ര പ്രശസ്ഥനായ വി ഐ പി യെ വധിക്കുക എന്ന ദൗത്യം.
അത് മറ്റാരുമല്ല. സിറിയൻ പ്രസിഡന്റ് Bashar al-Massood ആയിരുന്നു അത്.

അതു കേട്ട് ഞാൻ ആന്യയെ നോക്കി.
അവളും അത് കേട്ടു കൊണ്ട് എന്നെ നോക്കുകയായിരുന്നു.
Russkiy Kurier പത്രത്തിൽ നിന്നും കണ്ടെത്തിയ ഒരു വാർത്താ ശകലത്തിലൂടെ ഞങ്ങൾ അനുമാനിച്ചിരുന്ന ഒരു വിവരത്തിന്റെ, തുറന്ന വെളിപ്പെടുത്തലാണ് ബേർണി നടത്തിയത്. ഞങ്ങളുടെ ഊഹം തെറ്റിയിരുന്നില്ല എന്ന ഭാവം വേദനയ്ക്കിടയിലും ആന്യയുടെ മുഖത്ത് തെളിഞ്ഞു.

പക്ഷേ ഞങ്ങളുടെ വധശ്രമം നിങ്ങളാണ് നശിപ്പിച്ച് ഇല്ലാതാക്കിയത്!!! പ്രത്യേകിച്ചും നിങ്ങളുടെ കൂടെയുണ്ടായിരുന്ന ആ പരിഷ, അങ്കിത
മിസിസ് ബേർണി ക്രോധത്തോടെ എന്നെ നോക്കി.

ഞാൻ അവരെ തന്നെ ശ്രദ്ദിച്ച് നോക്കി നിന്നു. അവർ കഥ പറയും പോലെ പറഞ്ഞു തുടങ്ങി.

*************************************************************

സിറിയൻ പ്രസിഡന്റും ജർമൻ ചാർസലർ ആംഗലാ മെർക്കലും മോസ്കോയിലെ ഒരു മീറ്റിങ്ങിനെ അഭിസംബോധന ചെയ്യുന്നുണ്ടായിരുന്നു. പ്രസ്ഥുത മീറ്റിങ്ങിൽ പങ്കെടുക്കുന്നതിന്റെ തലേന്ന് രാത്രിയിൽ, അവർ പ്രത്യക്ഷപ്പെടുന്ന വേദിയുടെ ഏറെ അടുത്തുള്ള  Baltschug Kempinski ഹോട്ടലിന്റെ മുകളറ്റത്തെ ഒരു മുറിയിലെ  ഞങ്ങൾ ഞങ്ങളുടെ ഓപ്പറേഷന് തയ്യാറെടുത്തു കൊണ്ടിരുന്നു.  പക്ഷേ ഞങ്ങളുടെ നീക്കങ്ങൾ നിങ്ങളോടൊപ്പമുണ്ടായിരുന്ന അങ്കിത എങ്ങനെയോ മനസ്സിലാക്കി.

... ഞങ്ങൾക്കൊപ്പമുണ്ടായിരുന്ന അന്താരാഷ്ട്ര തലത്തിൽ തന്നെ പ്രശസ്ഥനായ, ചാരനും ഷാർപ്പ് ഷൂട്ടറുമായ ആന്ദ്രേ ഗുസ്ഥാവോയെ അവൾ മണത്തറിഞ്ഞു. സത്യത്തിൽ ആന്ദ്രേ ഗുസ്ഥാവോയ്ക്ക് പോലും അറിയില്ലായിരുന്നു അവിടെ ഞങ്ങളോടൊപ്പം, അയാൾ എന്തിന് എത്തി എന്ന്. കാരണം ഷാർപ്പ് ഷൂട്ടിങ്ങിൽ അഗ്ര ഗണ്യനായ അയാളോട് സിറിയൻ പ്രസിഡന്റിനെ വധിക്കുന്നു എന്ന വിവരം മുന്നേ കൂട്ടി  അറിയിച്ചിരുന്നില്ല. അവസാന നിമിഷം ദൗത്യ വിവരം അറിയിച്ചിട്ട് കാര്യങ്ങൾ സ്മൂത്തായി നടത്താനായിരുന്നു ഞങ്ങളുടെ പ്ലാൻ. പക്ഷേ ഞങ്ങളുടെ ദൗത്യം മനസ്സിലാക്കിയ മിസ് അങ്കിത, അപ്രതീക്ഷിതമായി ആന്ദ്രേ ഗുസ്ഥാവോയുടെ നീക്കങ്ങളെ തടയാനുള്ള പദ്ദതി തയ്യാറാക്കി.

അന്ന് രാത്രിയിൽ ആന്ദ്രേ ഗുസ്ഥാവോ പുറത്ത് പോയ തക്കം നോക്കി മിസ് അങ്കിത അയാളുടെ മുറിയിലേക്ക് കയറി.....

അവർ പറയുന്നത് വളരെ ത്രില്ലിങ്ങിലാണ്. സസ്പെൻസ് ബാക്കി നിർത്തിക്കൊണ്ടെന്ന വണ്ണം. ഞാൻ മിസിസ്.  ബേർണിയുടെ ചുണ്ടുകളുടെ ചലനത്തിനൊത്ത് അതീവ തൽപ്പരനായി ബാക്കിയുള്ള ഭാഗങ്ങൾക്ക് കാതോർത്തു.

മിസിസ് ബേർണി കഥ, - അല്ല, കഥ പോലെ നടന്ന യധാർഥ സംഭവം - തുടർന്നു...
പക്ഷേ കഥയിലെ ആദ്യ ട്വിസ്റ്റ് അങ്കിതയെ അവിടെ കാത്തിരുന്നു.
അന്ന് ആ ഹോട്ടൽ മുറിയിൽ ഗുസ്ഥാവോ അല്ലാതെ മറ്റാരും ഉണ്ടാവില്ല എന്ന അവളുടെ കണക്കു കൂട്ടൽ പാളി.  ആ മുറിയിൽ അന്ന് നാല് പേരുണ്ടായിരുന്നു.  തോമസ് മനാമ, ദിമിത്രി ബാരോസ്, മിലാൻ ബാരോസ്, പിന്നെ  ഞങ്ങൾക്കൊപ്പം ഉണ്ടായിരുന്ന മറ്റൊരാളും. ഒരു അജ്ഞാതൻ!!!

എന്നിട്ട്?
ഞാൻ ആരാഞ്ഞു.

മിസിസ് ബേർണി ശബ്ദം താഴ്ത്തി ഒരു വലിയ ദുരന്തം വിവരിക്കും പോലെ പറഞ്ഞു-
എന്നിട്ടെന്താവാൻ
അന്ന് ആ മുറിയിൽ പതുങ്ങി കഴിയുകയായിരുന്ന നാലു പേരും ചേർന്ന്   മിസ്. അങ്കിതാ ത്രിപാഠിയെ കൊന്നു കളഞ്ഞു!

അങ്കിത കൊല്ലപ്പെട്ടു എന്ന് നേരത്തേ അറിഞ്ഞതാണെങ്കിൽ പോലും, മിസിസ്. ബേർണിയുടെ ശബ്ദത്തിലെ നിസ്സാരത എന്നിൽ ഒരു ഷോക്ക് ഉണ്ടാക്കി. എന്റെ കാമുകിയായിരുന്ന യുവതി......

നിങ്ങൾ നിരാശനാകേണ്ട.
അൽപ്പ സമയത്തിനുള്ളിൽ നിങ്ങൾക്കും നിങ്ങളുടെ കാമുകിയുടെ സമീപത്തേയ്ക്ക് പോകാം.
മിസിസ് ബേർണി ചിരിച്ചു

തുടരൂ.... മുഴുവനും കേൾക്കട്ടെ...
ഞാൻ അവരുടെ വാക്കുകളെ മറി കടന്നു കൊണ്ട്  ആവശ്യപ്പെട്ടു.

ഒരു മൂളലിന് ശേഷം ബേർണി വീണ്ടും സംസാരിച്ചു
അങ്കിതാ ത്രിപാഠിയുടെ ശവം മറവ് ചെയ്യുന്നതിനേക്കുറിച്ച് അവർ ആലോചിച്ച് നിക്കുമ്പോൾ അപ്രതീക്ഷിതമായി നിങ്ങൾ അവിടേക്കെത്തി.  നിങ്ങളും ഞങ്ങളുടെ സംഘാംഗങ്ങളും തമ്മിൽ  അവിടെ വെച്ച്  കണ്ടു മുട്ടി.  എനിക്ക് തോന്നുന്നത്, പുറത്തെവിടെയോ ആയിരുന്ന നിങ്ങളോട്, അങ്കിത ഫോണിൽ സംസാരിച്ചിട്ടാവണം, ഗുസ്ഥാവോയുടെ മുറിയിലേക്ക് കടന്നത്. അതു കൊണ്ട് നിങ്ങൾ സ്പഷ്ട്ടമായും നിങ്ങൾ അവിടെയെത്തി. അവിടെ വെച്ച് നിങ്ങൾ  അങ്കിതാ ത്രിപാഠി കൊല്ലപ്പെട്ടു എന്ന സത്യമറിഞ്ഞ് നടുങ്ങിക്കാണണം. അവിടെ അപ്പൊൾ ഉണ്ടായിരുന്ന നാല്വർ സംഘമാണ് അതിന്റെ പിന്നിലെന്ന് നിങ്ങൾക്ക് ഈസിയായി മനസ്സിലാകുന്നു.

മിസിസ് ബേർണിയുടെ സംസാരം ഞാൻ, ആർതർ കോനൻ ഡോയലിന്റെ സ്റ്റോറി വായിക്കുന്ന കൊച്ച് കുട്ടിയുടെ ജാഗ്രതയോടെ ഞാൻ ശ്രദ്ദിക്കുകയായിരുന്നു. ബേർണി തുടർന്നു-

തുടർന്ന്, ആ മുറിയിൽ വെച്ച് നിങ്ങളും ഞങ്ങളുടെ സംഘാംഗംഗളും തമ്മിൽ തീവ്ര പോരാട്ടം നടന്നു.   അന്ന് ആ രാതിയിൽ ആ നാല്വർ സംഘം നിങ്ങളെ  കശാപ്പ് ചെയ്തു.
നിങ്ങൾക്ക് വെടിയേറ്റു. കയ്യിൽ കിട്ടിയ ഇരുമ്പ് പൈപ്പ് കൊണ്ട്  നിങ്ങളുടെ തലയ്ക്ക് പലയാവർത്തി അടിച്ചത് ആ നാലാമത്തെ അജ്ഞാതനായ വ്യക്തിയായിരുന്നു. മരിച്ചെന്നുറപ്പിച്ച നിങ്ങളുടെ ബോഡി പിന്നീട് സംഘം ആന്ദ്രേ ഗുസ്ഥാവോയെ ഏൽപ്പിച്ചു. ആന്ദ്രേ ഗുസ്ഥാവോയോട് പോലും അറിയിക്കാതെ സംഘം വരച്ച് തയ്യാറാക്കിയ  സിറിയൻ പ്രസിഡന്റ്  Bashar al-Massood നെ വധിക്കുക എന്ന ഓപ്പറേഷൻ അവിടെ തന്നെ ഉപേക്ഷിച്ചു. അതായത്  വധിക്കുക എന്നത്.  ശേഷം നിങ്ങളുടെ ശരീരം, ആന്ദ്രേ ഗുസ്ഥാവോ മോസ്കോയിലെ Vozdvizhenka  തെരുവിൽ ഉപേക്ഷിച്ചു.  അയാൾക്ക് ഏറെ സുപരിചിതമായ സ്ഥലമായിരുന്നു അത്. അവിടെ ഉപേക്ഷിക്കപ്പെടുന്ന ഒരാൾ പോലും ജീവിതത്തിലേക്ക് തിരികെ വന്നിട്ടില്ല.

മിസിസ് ബേർണി ഒന്ന്, ഇടവേള നൽകിയിട്ട് എന്നോടായി ബാക്കി പറഞ്ഞു.
നിങ്ങൾ മരിച്ചു എന്നു തന്നെയായിരുന്നു ഞങ്ങളുടെ സംഘത്തിന്റെ ധാരണ.  പക്ഷേ നിങ്ങൾ ഫിനിക്സ് പക്ഷിയേപ്പോലെ ജീവിതത്തിലേക്ക് പറന്ന് വന്നത് എന്നത് തികച്ചും അപ്രതീക്ഷിതമായിരുന്നു.

*****************************************************************

എനിക്ക് എല്ലാം മനസ്സിലായി കഴിഞ്ഞിരുന്നു.
ഞാൻ ഒരു നിമിഷം അവരുടെ മുഖത്തേക്ക് നോക്കി നിന്നു. തുടർന്ന് ഞാനിങ്ങനെ സംസാരിച്ചു.

ഞാൻ അന്വേഷിച്ച് വന്നതെല്ലാം അറിഞ്ഞു കഴിഞ്ഞിരിക്കുന്നു.
എന്റെ പേരുൾപ്പെടെ.
നിങ്ങൾ പറഞ്ഞു നിർത്തിയിടത്ത് നിന്നും എനിക്കെല്ലാം അനുമാനിക്കാവുന്നതേയുള്ളു. മോസ്കോയിലെ Center for Mental Development ഹോസ്പിറ്റൽ, ആന്യ ഷെവ്ചെങ്കോവ്, Russia, China, Bolivia, Haiti., Bulgaria, Germany, ഇഗ്നാത്തിയോവ്, ഗുസ്ഥാവോ, തോമസ് മനാമ, ബാരോസ് ബ്രദേഴ്സ്, ഡ്യൂറ്റ്ച്ചസ് മ്യൂസിയം...
ഇവിടെ ഈ നിമിഷം വരെ....
പക്ഷേ ഇപ്പോൾ ബേർണി പറയുകയുണ്ടായ അജ്ഞാതനായ ഒരു വ്യക്തി കൂടിയുണ്ട്.
അത് ഇവരിൽ ആരാണ്. നിങ്ങളാണോ? അതോ ഇയാളോ?
ഞാൻ എന്റെ അപരനെ ചൂണ്ടിക്കാട്ടി.

അപ്പോൾ ബേർണി-
നിങ്ങൾ സമർഥനായിരുന്നു മിസ്റ്റർ കെവിൻ.
അവസാനത്തെ ആളെ എന്വേഷിച്ച് ഇവിടം വരെ എത്തിയില്ലേ.. സമ്മതിച്ച് തരണം നിങ്ങളെ. ഓർമ്മപ്പിശകിനെ അതിജീവിച്ച നിങ്ങളെ അദ്ഭുതത്തോടെയാണ് ഞങ്ങൾ നോക്കുന്നത്.

അതു വിട്. എനിക്ക് രണ്ട് കാര്യം കൂടി അറിഞ്ഞേ തീരൂ. അതിപ്പോ ചാവാനാണെങ്കിലും, കൊല്ലാനാണെങ്കിലും. കാരണം ഇപ്പോ ഇവിടെ വെച്ചാണ് അപ്രതീക്ഷിതമായ ആ രണ്ട്  ചോദ്യങ്ങൾക്കുള്ള സാഹചര്യം മുൻപിൽ വന്നത്. ഒന്ന്: എന്റെ അതേ രൂപത്തിലുള്ള ഈ നിൽക്കുന്ന ആൾ ആരാണ്? അയാളുടെ ഉദ്ദേശം എന്താണ്? രണ്ട്: അന്ന് അങ്കിതാ ത്രിപാഠിയെ വധിച്ച, എന്നെ വധിക്കാൻ ശ്രമിച്ച ആ ആ മുറിയിലുണ്ടായിരുന്നു എന്ന് നിങ്ങൾ പറഞ്ഞ അജ്ഞാത വ്യക്തി ആരാണ്?

മിസിസ്. ബേർണി ഗൗരവത്തിലായി
അതേ, അത് നിങ്ങൾ അറിയണം. അത് രണ്ടും അറിഞ്ഞേ തീരൂ. നിങ്ങളുടെ ആദ്യ ചോദ്യത്തിനുള്ള ഉത്തരം പിടിച്ചോളൂ., ഈ നിൽക്കുന്ന അപരൻ ആരാണെന്ന്...
നിങ്ങളെ ആക്രമിച്ചതിന് ശേഷം ഞങ്ങൾ ആദ്യം ചെയ്തത് നിങ്ങളുടെ റൂം മുഴുവൻ അരിച്ച് പെറുക്കി നിങ്ങളുടെ സകല രേഖകളും കൈക്കലാക്കുക എന്നതാണ്.  എ ടി എം കാർഡ്, ക്രെഡിറ്റ് കാർഡ്, വിസ, പാസ്പോർട്ട്, ഇന്റെർ നാഷണൽ ഡ്രൈവിങ്ങ് ലൈസൻസ് എല്ലാം ഞങ്ങൾ  അവിടുന്ന് സ്വന്തമാക്കി.... തുടർന്ന് തോമസ് മനാമ  ഇരുപത്തിനാല് മണിക്കൂറുകൾക്കുള്ളിൽ, നിങ്ങളുടെ പേരിൽ എട്ട് പാസ്പോർട്ടുകളും ക്രിത്രിമ രേഖകളും നിർമിച്ച് നിങ്ങളുടെ മുറിയിൽ പകരം വെച്ചു. അതു കൊണ്ടാണ് നിങ്ങളെ കെ ജി ബി അറസ്റ്റ് ചെയ്തത്. പക്ഷേ നിങ്ങളുടെ ഒറിജിനൽ പാസ്പോർട്ട് ഉപയോഗിച്ച്, ദേ ഈ നിൽക്കുന്ന ശ്രീലങ്കക്കാരനെ നിങ്ങളുടെ ജീവിച്ചിരിയ്ക്കുന്ന ഒറിജിനലാക്കി മാറ്റി. കാഴ്ച്ചയ്ക്ക് ഇയാൾ നിങ്ങളേപ്പോലെ തോന്നിപ്പിക്കുന്നു എന്ന ഞങ്ങളുടെ കണ്ടെത്തൽ, അൽപ്പം കോസ്മെറ്റിക് ശസ്ത്ര ക്രീയയിലൂടെ  ഞങ്ങൾ മുതലാക്കി.
ഇയാൾ ഇപ്പോൾ മിസ്റ്റർ കെവിൻ എന്ന പേരിൽ ജീവിക്കുന്നു.
ഞങ്ങൾക്ക് വേണ്ടി ഇൻഡ്യയിൽ ഓപ്പറേഷനുകൾ നടത്താൻ തയ്യാറെടുത്തു കൊണ്ടിരിക്കുന്നു. ഒറ്റ വാക്കിൽ പറഞ്ഞാൽ യഥാർഥ കെവിൻ ആൻഡ്രൂസിന്റെ പേരിലും രൂപത്തിലും രേഖകളിലും ജീവിക്കുന്ന ഒരു മൊസാദ് സ്പൈ!!!
മിസിസ് ബേർണി എന്റെ ഡ്യൂപ്ലിക്കേറ്റിനെ നോക്കി പ്രശംസയോടെ പുഞ്ചിരിച്ചു.


എന്റെ പേരിൽ എന്റെ രൂപത്തിൽ, എന്റെ പൗരത്വ രേഖകളുപയോഗിച്ച് മറ്റൊരുത്തൻ ജീവിച്ചു കൊണ്ടിരിക്കുന്നു. ഞാൻ മുഷ്ട്ടി ചുരുട്ടി എന്റെ തുടയിൽ ഇടിച്ചു.

മിസിസ് ബേർണി വീണ്ടും -
ഇനി രണ്ടാമത്തെ ചോദ്യം. ഞാൻ പരാമർശിച്ച അജ്ഞാത വ്യക്തി ആരെന്ന്. അത് എന്തായാലും ഞാനല്ല.

പിന്നെ?
ഞാൻ മിസിസ് ബേർണിയെ രോക്ഷത്തോടെ നോക്കി...

അന്നേരം എന്റെ പിന്നിലായി വലത് ചെവിയോട് ചേർന്ന് ഒരു ശബ്ദം മുഴങ്ങി.
ആ അജ്ഞാത വ്യക്തി ഞാനാണ്. ഞാൻ. എമ്മാ ഇസബേൽ എന്ന ഞാൻ

എന്റെ പിന്നിൽ നിന്നും എമ്മ ഇസബേൽ എന്ന ജർമൻ സുന്ദരി - ഡ്യൂറ്റ്ച്ചസ് മ്യൂസിയത്തിലെ ഉദ്യോഗ്സ്ഥ  - എനിക്ക്  മുൻപിലേക്ക് വന്നു നിന്നു.

അവരുടെ കയ്യിലെ വിക്ടോറിയാ ക്യൂൻ ജർമൻ പിസ്റ്റളിന്റെ ബാരൽ,  വെളിച്ചത്തിൽ മിന്നി...


********************************************************
അവിടെ ചില നിമിഷഷങ്ങൾ നിശബ്ദത നിറഞ്ഞു-

ആരെങ്കിലും നിശബ്ദതയുടെ കാഠിന്യത്തെ അവസാനിപ്പിക്കും എന്ന് കരുതിയെങ്കിലും നിശബ്ദത നിശബ്ദതയ്ക്ക് മേലേ ഉരുക്ക് മുഷ്ട്ടി അമർത്തിക്കൊണ്ട് തന്നെയിരുന്നു.

എമ്മാ ഇസബേൽ തന്നെ മൗനം ഭേദിച്ചു.

നിങ്ങളുടെ ഒരോ നീക്കത്തിന് പിന്നിലും ഞാൻ ഉണ്ടായിരുന്നു.  ക്രിത്യമായും തോമസ് മനാമ കൊല്ലപ്പെട്ട നിമിഷം മുതൽ. ഒരുതവണ നിങ്ങൾ എന്നെ കണ്ടിട്ടുണ്ട്. അവിടുന്ന് ഈ ഘട്ടം വരെയുള്ള നിങ്ങളുടെ അന്വേഷണ പാടവം എന്നെ അംബരപ്പിച്ചു കളഞ്ഞു. നിങ്ങളെ അഭിനന്ദിക്കാതെ വയ്യ കെവിൻ.... ഇപ്പോ.., ഈ നിമിഷം നിങ്ങൾ എന്റെ ശത്രു അല്ലായിരുന്നെങ്കിൽ ഈ രാത്രി നിങ്ങളോടൊപ്പം ഞാൻ കിടക്കുമായിരുന്നു... അത്രയ്ക്കും ആരാധനയുണ്ട് എനിക്ക് നിങ്ങളോട്. അന്ന് നിങ്ങളുടെ തലയിൽ ഇരുമ്പ് പൈപ്പ്കൊണ്ടുള്ള എന്റെ പ്രഹരം നിങ്ങളുടെ ഓർമ്മ നശിപ്പിച്ച് കളയാൻ മാത്രമേ പര്യാപ്തമായുള്ളു എന്നൊരു ദുഖം മാത്രമേ എനിക്കുള്ളു.  അന്നത്തെ പ്രഹരത്തിൽ നിങ്ങളേക്കുറിച്ച് തന്നെയുള്ള ഓർമകൾ മാഞ്ഞു പോകണമായിരുന്നു...

എമ്മാ ഇസബേലിന്റെ നക്ഷത്രക്കണ്ണുകളിൽ പുള്ളിപ്പുലിയുടെ ക്രൗര്യം തിളങ്ങി.
അവരുടെ കീഴ് അധരത്തിലെ മാദകത്വം എന്നെ നോക്കി പുശ്ചിച്ചു.

നമ്മൾ തമ്മിൽ എവിടെ വെച്ചും കണ്ടതായി ഞാൻ ഓർക്കുന്നില്ല.
ഞാൻ അലക്ഷ്യമായി പറഞ്ഞു.

പൊടുന്നനെ എമ്മാ ഇസബേൽ എന്ന ജർമ്മൻ സുന്ദരി തന്റെ മുഖത്തിന്റെ ഒരു ഭാഗത്ത് പിടിച്ച് മുകളിലേക്ക് വലിച്ചു. അവരുടെ മുഖം. സ്വർണ മുടിയുൾപ്പടെ അടർന്ന് മുകളിലേക്ക് പോകുന്നത് ഞാൻ കണ്ടു. ഞാൻ അംബരപ്പോടെ നോക്കി നിന്നു.കോസ്മെറ്റിക് മാസ്ക് അണിഞ്ഞ് രൂപ മാറ്റം വരുത്തിയ ഒരു പുരുഷനായിരുന്നു അത്.

എമ്മയുടെ സുന്ദരമായ മുഖത്തിന്റെ സ്ഥാനത്ത് പറ്റെ മുടി വെട്ടിയ, ക്ലീൻ ഷേവ് ചെയ്ത  ഒരു പുരുഷ മുഖം തെളിഞ്ഞു വന്നു. സംഭവ ഗതികൾക്ക് പൊടുന്നനെയുണ്ടായ ട്വിസ്റ്റ് എന്നെ നടുക്കിക്കളഞ്ഞു. എമ്മ എന്ന് ഞാൻ കരുതിയിരുന്ന രൂപം തന്റെ സ്കേർട്ട് ബട്ടണുകൾ ഊരിയെറിഞ്ഞു. മെലിഞ്ഞ പുരുഷ ശരീരത്തേക്ക് ഞാൻ നോക്കി. ആ മുഖം എന്റെ തലയിൽ വെള്ളിടികൾ മുഴക്കി.

ഇപ്പോൾ മനസിലായിക്കാണും നമ്മൾ തമ്മിൽ കണ്ടിട്ടുള്ള കാര്യം...
എമ്മ - അല്ല, - ആ പുരുഷൻ ചിരിച്ചു
***********************************************************************

ഓർമകൾ എന്നെ ഹെയ്റ്റിയിലേക്ക് കൊണ്ടുപോയി
Near: Plaine du Cul de Sac...
Port-au-Prince...
Haiti...
ബാരോസ് ബ്രദേഴ്സിന്റെ മുറി...
ഞങ്ങൾ കയറി ചെല്ലുമ്പോൾ മിലാൻ ബാരോസിനെ വധിച്ചിട്ട് രക്ഷപെടാൻ ശ്രമിക്കുന്ന ആൾ...
ഏജന്റ് B.Q.  എന്ന് പരിചയപ്പെടുത്തിയ ആൾ...
ദിമിത്രി ബാരോസ് ബൾഗേറിയയിലേക്ക് കടന്നു എന്ന് ഞങ്ങൾ പറഞ്ഞ് അയാൾ അറിയുന്നത്...
ഞങ്ങളോട് ഗുഡ് ബൈ പറഞ്ഞ് പിരിയുന്നു...
അതേ ആ  സിറിയൻ ചാരൻ......!!!
അയാളാണിത്. അയാൾ തന്നെ!!!

*************************************************************************

ഓർമകളിൽ നിന്ന് ഞാൻ വർത്തമാന കാലത്തേക്ക് വന്നു-
സിറിയൻ ഏജന്റ് ബി. ക്യു.!!!
ഞാൻ പല്ലു കടിച്ചു.

എനിക്ക് മുൻപിൽ നിന്ന് ഏജന്റ് ബി. ക്യു എന്ന അയാൾ ചിരിച്ചു-
അന്ന് അങ്ങനെ പറഞ്ഞതാണ്. സത്യത്തിൽ ഞാൻ മൊസാദ് ഏജന്റ് തന്നെ...
അന്ന് ഹെയ്റ്റിയിലെ ബാരോസിന്റെ റൂമിൽ വെച്ച് നിങ്ങളെ കൊല്ലാൻ നോക്കിയതാണ്. പക്ഷേ അന്നത് നടക്കുമായിരുന്നില്ല. അതാണ് കളവ് പറഞ്ഞ് ഞാൻ മുങ്ങിയത്. മിലാൻ ബാരൊസിനെ കൊല്ലുന്നത് ഞങ്ങളുടെ സേഫ്ടിക്ക് വേണ്ടിയായിരുന്നു. പക്ഷേ നിങ്ങൾ, അയാളുടെ സഹോദരൻ ദിമിത്രി ബാരോസിനെ അന്വേഷിച്ച് ബൾഗേറിയയിലേക്ക് എത്തി....

യുവാവ്  തുടർന്നു-
ബൾഗേറിയയിൽ അത് ലറ്റിക്  മീറ്റ് നടക്കുന്ന ആ വേദിയിൽ വെച്ച് ഞാനാണയാളെ - ദിമിത്രി ബാരോസിനെ - വെടി വെക്കുന്നത്. തുടർന്നാണ് പൊലീസിന്റെ വെടി അയാൾക്ക് കൊള്ളുന്നത്. അവിടം കൊണ്ട് നിങ്ങളുടെ വഴി അടയുമെന്നാണ് കരുതിയത്. പക്ഷേ നിങ്ങൾ അയാളുടെ മൊബൈൽ ഫോൺ കവർന്ന് ഞങ്ങളെ തേടി എത്തുകയായിരുന്നു

അയാൾ എന്റെ നെറുകയിലേക്ക് തോക്ക് ചൂണ്ടി.
മരണം ഡ്യൂറ്റ്ച്ചസ് മ്യൂസിയത്തിന്റെ അധോഭാഗത്തെ സിസിലിയാ കാസയെ വലയം ചെയ്തു. ആന്യയിൽ നിന്നും ഒരേങ്ങൽ ഉയർന്നു.

അയാളുടെ ഗൺ എന്റെ പോയിന്റ് ബ്ലാങ്കിലേക്ക് ഉന്നമിട്ടു.
സെക്കന്റുകൾ നീങ്ങി.

ഞാൻ എന്റെ പിസ്റ്റളിലേക്ക് കൈ തൊട്ടു...


**************************************************

വെടി ശബ്ദം മുഴങ്ങി. ഒന്നല്ല മൂന്ന് തവണ...

എനിക്ക് മുൻപിൽ, എന്നെ തോക്ക് ചൂണ്ടി നിന്നിരുന്ന മൊസാദ് ചാരൻ - എമ്മ ഇസബേൽ - യുവാവ് വട്ടം ചുഴറ്റി തറയിലേക്ക് വീണു. ഞാൻ വീണ്ടും ട്രിഗർ വലിച്ചു. അയാളുടെ തലച്ചോർ പീസുകളായി തെറിക്കുന്നത് ഞാൻ കണ്ടു.

അയാൾക്ക് പ്രവർത്തിക്കാനാവും മുൻപേ ഞാൻ പൂർത്തീകരിച്ചു കഴിഞ്ഞിരുന്നു.

മിസിസ് ബേർണി എനിക്ക് മുൻപിലേക്ക് ചാടി വീണൂ
പൊടുന്നനെ ആന്യ എഴുനേൽക്കുന്നത് കണ്ട് അവരുടെ ശ്രദ്ദ അങ്ങോട്ടേക്കായി
ആ നിമിഷത്തിന്റെ നൂറിലൊന്ന് മതിയായിരുന്നു എനിക്ക്.
ഒറ്റത്തട്ടിന് ഞാൻ അവരുടെ പിസ്റ്റൽ ദൂരേക്ക് പറപ്പിച്ചു. അവർ കമിഴ്ന്ന് തറയിലേക്ക് വീണു.

അതേ നിമിഷം തന്നെ എനിക്കു ചുറ്റും വെടുയുണ്ടകൾ മൂളിപ്പറന്നു. എന്റെ ഡ്യൂപ്ലിക്കേറ്റ് - ശ്രീലങ്കൻ വംശജൻ - തുരു തുരാ നിറയൊഴിക്കുകയായിരുന്നു. നിലം പറ്റിക്കിടന്ന് ഞാൻ തിരികെ ഷൂട്ട് ചെയ്തു കൊണ്ടിരുന്നു. മൂന്നു ബുള്ളറ്റുകൾ അയാളുടെ മുഖം തുളച്ച് കയറുന്നത് കാണാമായിരുന്നു. എന്റെ അപരൻ അവിടെ മലച്ചു വീണു.

എന്റെ പേരിൽ, എന്റെ രൂപത്തിൽ, എന്റെ രേഖകൾ ഉപയോഗിച്ച് സ്പൈ ഗെയിം കളിച്ച് കൊണ്ടിരുന്ന മഹാനായ അഭ്യാസി ഇതാ എന്റെ കൈ കൊണ്ട് തന്നെ.....!!!

*******************************************************

മിസിസ്. ബേർണി ചാടിയെഴുനേറ്റ് എന്റെ മുൻപിലേക്ക് നിന്നത് എന്നെ കീഴ്പ്പെടുത്താൻ വേണ്ടി മാത്രമാണ്. അവർ ഒരു സ്ത്രീയായിരുന്നെങ്കിലും മെയ് വഴക്കത്തിലും, അഭ്യാസ മുറകളിലും ഏതൊരു പുരുഷനേയും വെല്ലുമായിരുന്നു.

ഇരുപത് മിനിട്ടോളം അവരുമായി  ഞാൻ - രണ്ട് പുരുഷൻമ്മാർ  തമ്മിൽ   ഗോദയിൽ പോരാടും പോലെ - പോരാടി .

ആയോധാന മുറകളിൽ അവർ പ്രാവീണ്യയായിരുന്നു.
ശരീരത്തിന് വേദന അനുഭവപ്പെട്ടപ്പോൾ, ഞാൻ എന്റെ സ്മ്രിതി നാശം കൊണ്ട് വിസ്മ്രിതിയിലേക്ക് ഉപേക്ഷിച്ച എന്റെ റിഫ്ലക്സ്, പോരാട്ട വീര്യം,  അയോധന അഭ്യാസങ്ങൾ -  എല്ലാമെല്ലാം എന്റെ ശരീരത്തിലേക്കും കുടിയേറി.

അവർ ഒരു സ്ത്രീയാണന്ന പരിഗണന പോലും നൽകേണ്ടതായി എനിക്ക് തോന്നിയില്ല എന്നതാണ് വാസ്ഥവം. അവരുടെ കഴുത്തിന് പുറകിൽ കൊടുത്ത ഒരു പ്രഹരത്തിൽ തൂണിലേക്ക് തലയടിച്ച്  മഅവർ മലർന്നു പോയി.

അവിടെ നിന്നും എഴുനേൽക്കും മുൻപേ ഞാൻ അവരുടെ പോയിന്റ് ബ്ലാങ്കിലേക്ക് ഗൺ ഷൂട്ട് ഉതിർത്തു.
മിസിസ്. ബേർണി പരലോകം പൂകി.......

**********************************************************


ആ അധോഭാഗത്ത് രണ്ടു മുറികൾ കൂടിയുണ്ടായിരുന്നു. അങ്ങേ തലയ്ക്കൽ ഒരു നീണ്ട ഇടനാഴി കാണാമായിരുന്നു. അവശയായ ആന്യയെ തോളിൽ എടുത്ത് കൊണ്ട് ഞാൻ അതിലൂടെ നടന്നു. അത് പുറത്തേക്കുള്ള വഴിയായിരുന്നു എന്ന് അവസാനമാണ് മനസ്സിലായത്. മ്യൂസിയത്തിന്റെ കാർ പാർക്കിങ്ങ് ഏരിയയിലാണ് ഞങ്ങൾ എത്തിയത്. അവിടെ നിന്നും ഞങ്ങൾ വാടകയ്ക്കെടുത്തിരുന്ന volkswagen beetle- ലിൽ പുറത്തേക്ക് കുതിച്ചു.

ആന്യയെ  ഒരു ക്ലിനിക്കിലെത്തിച്ച്, എന്റെ തോക്കിൻ മുനയിൽ അവിടുത്തെ ചെറുപ്പക്കാരനായ ഡോക്ടറേക്കൊണ്ട് ഞാൻ  അവളുടെ ഇടുപ്പിലെ ബുള്ളറ്റ് നീക്കം ചെയ്യിച്ചു.
അവിടുന്ന് നേരേ പുറപ്പെട്ടത് ബെർലിനിലേക്ക്...
ബെർലിനിൽ നിന്ന്......

*********************************************************

ജൂലൈ പത്ത് വ്യാഴാഴ്ച്ച മോസ്കോയിലെ കെ ജി ബി ആസ്ഥാനത്ത് നിന്ന് തുടങ്ങിയ രാജ്യാന്തര യാത്രകളാണ്.  ജൂലൈ 30.  ചൊവ്വാഴ്ച്ച ഞങ്ങൾ എന്റെ സ്വന്തം രാജ്യമായ ഇൻഡ്യയിലെത്തി. റഷ്യ, ചൈന, ബൊളീവിയ, ഹെയ്തി, ബൾഗേറിയ, ജർമനി തുടങ്ങിയ രാജ്യങ്ങളിലൂടെ  നീണ്ട  യാത്രകൾ.... ഇരുപതാം ദിനം ഇൻഡ്യയിൽ....


*******************************************************

ന്യൂ ഡൽഹി.
ഇൻഡ്യ.

ജൂലൈ 30.
ബുധൻ.

RAW HEAD QUARTERS
[RAW - Research and Analysis Wing]
CGO COMPLEX [Central Government Offices]
LODHI ROAD
NEW DELHI

അപ്രതീക്ഷിതമായി എന്നെ കണ്ടതിന്റെ സന്തോഷത്തിലായിരുന്നു റോയിലെ ഓഫീസേഴ്സ്.
എനിക്ക് അവരെ ആരേയും തന്നെ ഓർമ്മയില്ലായിരുന്നു...
എന്റെ ബോസിനെ പോലും.... കാര്യങ്ങൾ ഞൻ ചുരുക്കത്തിൽ വിശദമാക്കി. അവരുടെയെല്ലാം മുഖത്ത് അദ്ഭുതം നിറയുന്നത് കാണാമായിരുന്നു. എന്റെ പേര് കെവിൻ എന്നാണെന്നും, ഞാൻ ഇൻഡ്യനാണെന്നും, പ്രത്യേകിച്ചും "റോ"യിലെ ഏജന്റ് ആണെന്നും അന്ന് അവിടെ വെച്ച് എനിക്ക് ഉറപ്പായി.....

എനിക്ക് എന്നെ പൂർണമായും തിരിച്ച് കിട്ടിയതിന്റെ അനന്ദം അന്നാദ്യമായി  ഞാൻ അനുഭവിച്ചു. അന്ന് അവിടെ വെച്ച് ഞാൻ  ആദ്യമായി പുഞ്ചിരിച്ചു...
സ്വന്തം സ്വത്വം വീണ്ടു കിട്ടിയവന്റെ സന്തോഷം...


******************************************************

ഗോവ
11  P.M.
വെള്ളി.



ഒരിറക്ക് കുടിച്ചിട്ട് ഞാൻ, ഫെനി ബോട്ടിൽ, ടേബിളിലേക്ക് വെച്ചു

അപ്പോഴേക്കുംബാത് റൂമിൽ നിന്നും  ആന്യ പുറത്തേക്ക് വന്നു.
എനിക്ക് മുൻപിൽ  വെട്ടിത്തിളങ്ങുന്ന നഗ്നമേനിയായി  അവളിങ്ങനെ നിന്നു.
ആന്യ അപ്സരസ്സിനേപ്പോലെ സുന്ദരിയായിരുന്നു.
അവളുടെ കണ്ണുകളിൽ കടലിരമ്പി...
ശരീരത്തിലെ ജല കണങ്ങൾ സ്ഫടികം പോലെ തിളങ്ങി...
മാദകമായ ഒരീർപ്പം എന്നെ തഴുകി കടന്നു പോയി.

എല്ലാ ടെൻഷനിൽ നിന്നും മുക്തനായ ഞാൻ അന്നാദ്യമായി ഒരു പച്ച മനുഷ്യനായി.....

ആന്യയുടെ തുളുമ്പുന്ന നഗ്ന മാറിടങ്ങൾക്ക് മേലേ മുഖം പൂഴ്ത്തിക്കൊണ്ട് അവളുമായി ഞാൻ കിടക്കയിലേക്ക് കെട്ടി മറിഞ്ഞു വീഴുമ്പോൾ, ഗോവയ്ക്ക് മേലേ കാമത്തിന്റെ സിൽക്കാരം നുരഞ്ഞു......


********************************************************

- അവസാനിച്ചു. -

______________________________________________________________
______________________________________________________________



***
ഈ കഥയും, കഥാ പാത്രങ്ങളും, സാഹചര്യങ്ങളും തികച്ചും സാങ്കൽപ്പികം മാത്രം


Real inspiration by: -

Matt Damon തകർത്തഭിനയിച്ച, The Bourne Identity, The Bourne Supremacy, The Bourne Ultimatum സിനിമകൾ...

പിന്നെ, പണ്ട് വായിച്ചു തളളിയ അനേകമനേകം ഷെർലക് ഹോംസ് കഥകളുടേയും, ആൽഫ്രഡ് ഹിച്കോക്ക് പുസ്തകങ്ങളുടേയും വിട്ടു മാറാത്ത ഹാങ്ങ് ഓവർ....

ഒപ്പം ജേംസ് ബോണ്ട് സീരീസിലെ quantum of solace എന്ന സിനിമ.....




വെള്ളിയാഴ്‌ച, സെപ്റ്റംബർ 21, 2012

സിസിലിയാ കാസാ. [ഏഴ്]

വ്യാഴം  8 A.M.
Deutsches Museum.
Munich
germany

ഇരുണ്ട ബ്രൗണിഷ് നിറമുള്ള ചുമരുകളിൽ  തലയേടുപ്പോടെ മ്യൂസിയം നിന്നു.

അനവധി റിസപ്ഷനുകളിലൊന്നിൽ മിസിസ് ബേർണി പുഞ്ചിരിയാർന്ന മുഖത്തോടെ ഞങ്ങളെ സ്വാഗതം ചെയ്തു.
ഞങ്ങൾ മ്യൂസിയത്തേക്കുറിച്ച് കൂടുതൽ പഠിക്കാൻ വന്ന ഗവേഷണ വിധ്യാർഥികളെന്ന നിലയ്ക്കാണവിടെ സംസാരിച്ചു തുടങ്ങിയത്.
ഞങ്ങളുടെ പേര് ജേംസ് എന്നും സോണിയ എന്നുമാണ് ഞങ്ങൾ പരിചയപ്പെടുത്തിയത്.

മ്യൂസിയത്തേക്കുറിച്ചും, മ്യൂസിയത്തിന്റെ ഘടനയേക്കുറിച്ചും മിസിസ് ബേർണിയിൽ  നിന്നുമാണ് കൂടുതൽ കാര്യങ്ങൾ ഞങ്ങൾ മനസിലാക്കുന്നത്.
തുടർന്ന് ആ സ്ത്രീ ഞങ്ങളെ മ്യൂസിയത്തിന്റെ ശാസ്ത്ര സാങ്കേതിക വിഭാഗങ്ങളുടെ ചുമതലക്കാരിയുടെ സമീപത്തേക്ക് കൂട്ടിക്കൊണ്ട് പോയി. ഞങ്ങൾക്ക് കൂടുതൽ വിവരങ്ങൾ മനസിലാക്കണമെങ്കിൽ കൂടുതൽ കാര്യങ്ങൾ അറിയാവുന്ന ആളെ തന്നെ കൂട്ടിന് കിട്ടണമായിരുന്നു...

മിസിസ് ബേർണിയ്ക്കൊപ്പം നടക്കുമ്പോൾ ഞാൻ സെൽഫോണിലെ ഞങ്ങൾ തേടുന്ന നംബർ വെറുതേ ഡയൽ ചെയ്തു കൊണ്ടിരുന്നു.

മിസിസ് ബേർണി പരിചയപ്പെടുത്തിയ വകുപ്പു മേധാവി ഒരു യുവതിയായിരുന്നു.
എന്നു മാത്രമല്ല അതി സുന്ദരിയായിരുന്നു.
ബ്ലാക്ക് നിറമുള്ള ലോംഗ് സ്ലീവ് കോക്ക്ടെയിൽ ഡ്രെസ്സ് ആയിരുന്നു അവരുടെ വേഷം.
 സ്വർണ മുടിയിഴകളും മലർന്ന അധരങ്ങളും അളവുകൾ അറ്റകുറ്റപ്പണിക്ക് ഇടനൽകാതെ പണിയപ്പെട്ട ഉടലഴകും ഒത്ത് ചേർന്ന അതീവ സുന്ദരി.മ്യൂസിയത്തേക്കുറിച്ച് അവഗാഹപരമായിത്തന്നെ ഒരു പഠനം തയ്യാറാക്കാൻ വന്നതാണ് എന്നു പറഞ്ഞപ്പോൾ ആ യുവതി ഹാർദ്ദവമായി പുഞ്ചിരിച്ചു. അവരുടെ പേര് എമ്മാ ഇസബേൽ എന്നായിരുന്നു.

ജർമൻ കാർ വളരെ സുന്ദരികളാണെന്ന് ആന്യ എന്റെ ചെവിയിൽ  പറഞ്ഞു.

എമ്മാ ഇസബേലിന്റെ സംസാരത്തിൽ നിന്നും ഇടപഴകലിൽ നിന്നും ആളൊരു പഞ്ചപ്പാവമാനെന്ന് തന്നെ ഞങ്ങൾ മനസിലാക്കി. ഇവളെ പറഞ്ഞ് പറ്റിച്ച് ഞങ്ങളുടെ ഓപ്പറേഷന് വേണ്ടുന്ന കാര്യങ്ങൾ വേഗത്തിലാക്കാം എന്നൊരു ചിന്ത എനിക്ക് വന്നു.
മ്യൂസിയത്തേക്കുറിച്ച് വിക്കീപീഡിയയിൽ നിന്ന് ആന്യ തന്നെ കണ്ടെത്തിയ വിവരങ്ങൾ അനുസരിച്ച് അവൾ പലതും ചോദിച്ചറിയാൻ ശ്രമിക്കുകയായിരുന്നു.

എമ്മാ ഇസബേലിനോട് ആന്യ സംസാരിച്ചു കൊണ്ടിരുന്നു.
ഞാൻ ഞങ്ങൾ തേടുന്ന ഫോൺ നമ്പരിലേക്ക് ഒരു വട്ടം ഡയൽ ചെയ്ത് നോക്കി. എന്തെങ്കിലും പ്രതികരണങ്ങൽ എവിടെ നിന്നെങ്കിലും.....

എമ്മയോട് അതിവേഗത്തിൽ തന്നെ ആന്യയും, ഞാനും ഒരു സൗഹ്രിദം പിടിച്ചു പറ്റി. ആരെങ്കിലും ഒരാൾ ഇടത്താവളമായി ഞങ്ങൾക്ക് ജർമനിയിൽ, പ്രത്യേകിച്ചും ഡ്യൂറ്റ്ച്ചസ് മ്യൂസിയത്തിൽ വേണമായിരുന്നു..
ആ മ്യൂസിയത്തിനുള്ളിൽ ദൗത്യാന്വേഷണം തുടങ്ങാൻ അത്യാവശ്യമായ ഒരു കാര്യമായിരുന്നു അത്..
ഞങ്ങൾ തിരഞ്ഞു വന്ന ആൾ ഒരു പക്ഷേ ഈ മ്യൂസിയത്തിനുള്ളിൽ എവിടെയോ ജെവിക്കുന്നു. അടുത്ത ഇരയെ അന്വേഷിച്ച് കൊണ്ട്.

*****************************************************************

പ്രപഞ്ചത്തിലെ നിലവിലുള്ള ഒട്ടു മിക്ക കണ്ടുപിടുത്തങ്ങളുടേയും ആദ്യ രൂപങ്ങൾ, വിവിധ അറകളിലായി ഞങ്ങളെ അദ്ഭുതപ്പെടുത്തി. സുരക്ഷാ ഉദ്യോഗസ്ഥരുടേയും, ക്ലോസ്ഡ് സർക്യൂട്ട് ക്യാമറകളുടേയും, ഒരോ റൂമിലേയും പ്രവേശന വാതിലിലെ മെറ്റൽ ഡിറ്റക്റ്ററുകളുടേയും  പരിശോധനകൾക്കുള്ളിൽ ഞങ്ങൾ ഇടനാഴികളിലൂടെയും, ലിഫ്ടുകളിലൂടെയും സഞ്ചരിച്ചു.

രാത്രി നേരത്ത് മ്യൂസിയം കാണാനുള്ള അനുവാദം ഉണ്ടാകുമോ എന്ന ആന്യയുടെ ചോദ്യത്തിന് തീർച്ചയായും അത് അനുവദനീയമാണ് എന്ന് എമ്മ പറയുകയുണ്ടായി. 24 X 7 എന്നതാണവിടുത്തെ പ്രദർശന സമയം എന്നറിഞ്ഞതോടെ ഞങ്ങൾക്ക് സന്തോഷമായി. അടുത്ത മൂന്നു ദിവസം കൂടി ഞങ്ങൾക്ക് മ്യൂസിയം സന്ദർശിക്കേണ്ടതുണ്ട് എന്നറിഞ്ഞപ്പോൾ, ഇവിടെ വരുന്ന വിസിറ്റേഴ്സിന് ഇത് എത്ര കണ്ടാലും മതി വരില്ല എന്നും, ഇവിടം വിട്ട് പോകാൻ തോന്നില്ല എന്നും എമ്മ ഇസബേൽ ഞങ്ങളോട് പറഞ്ഞു.

അന്ന് ഡ്യൂറ്റ്ച്ച് മ്യൂസിയത്തിൽ നിന്നിറങ്ങും മുൻപ് ഗ്ലോറിയാ ജീൻസിൽ [Gloria Jean's] 1*  കയറി ഞങ്ങൾ മൂവരും കോഫി കഴിക്കുകയുണ്ടായി.

***********************************************************

എന്റേയും ആന്യയുടേയും കണക്കു കൂട്ടലുകൾ പാളുന്ന രീതിയിലായിരുന്നു ആ മ്യൂസിയത്തിന്റെ ഘടന.

ഇത്രയധികം വലിയ കെട്ടിട സമുച്ചയത്തിനുള്ളിൽ, ഇത്രയധികം ജോലിക്കാരും, വിസിറ്റേഴ്സുമുള്ള  അന്തർ ഭാഗങ്ങളിൽ, എങ്ങനെ സ്പെസിഫിക് ആയി ഒരു മനുഷ്യനെ  കണ്ടെത്തും എന്നത് ഞങ്ങളെ ആശയകുഴപ്പത്തിലാക്കി.
പക്ഷേ നീണ്ട ആലോചനകൾക്കൊടുവിൽ ഒരു വഴി തെളിഞ്ഞു വന്നു.
ഒരൽപ്പം സാഹസികത ആവശ്യമായേക്കാവുന്ന ഒരു വഴി...

************************************************************

4. P.M.
വെള്ളി.

ECC [ European Cybercrime Center ]
central square
Munich.

യൂറോപ്യൻ സൈബർ സെന്റർ ഓഫീസിന്റെ ആ വലിയ കെട്ടിടത്തിനുള്ളിലേക്ക് അതി വിദഗ്ദമായാണ് ഞാൻ  പ്രവേശിച്ചത്. ജർമൻ സൈബർ പൊലീസിന്റെ തന്ത്രപ്രാധാന കേന്ദ്രം.

മിലാൻ ബാരോസിന്റെ റൂമിൽ നിന്ന് സംഘടിപ്പിച്ച ഇറ്റാലിയൻ   Beretta  92FS model  M9 pistol  ഞാൻ കയ്യിൽ കരുതിയിരുന്നു. പൊലീസ് സുരക്ഷയുടെ ധാരാളിത്തം കൊണ്ട് പേരുകേട്ട യൂറോപ്യൻ സൈബർ ക്രൈം സെന്ററിലേക്ക് കയറും മുൻപ് ഞാൻ, അന്ന് കാലത്ത് സംഘടിപ്പിച്ച വിഗ്ഗും,   15.5 mm കോണ്ടാക്ട് ലെൻസും,  ക്രിത്രിമ താടിയും അണിഞ്ഞ് വോക്സ് വാഗൺ ബീറ്റിലിലാണ് ഇ സി സിയിലേക്ക് എത്തുന്നത്.
കെട്ടിടത്തിന്റെ മുകൾ നിലയിലെ സെൽഫോൺ ട്രാക്കിങ്ങ് ഡിപ്പാർട്ട്മെന്റിലേക്ക് ഞാൻ നീങ്ങിയത് ആരുടേയും കണ്ണിൽ പെടാതെയാണ്.

Global Positioning System വുമായി ബന്ധിപ്പിച്ച അൾട്രാ ടെക്നോളജീ നെറ്റ്വർക്കിങ്ങ് റൂമായിരുന്നു അത്.

ഒട്ടോമേറ്റീവ് നാവിഗേഷൻ അലർട്ടുമായി മല്ലിട്ടു കൊണ്ടിരിക്കുന്ന ഒരു മധ്യ വയസ്കൻ മാത്രമേ ആ മുറിയിൽ ഉണ്ടായിരുന്നുള്ളു.  അകത്തേക്ക് കയറി വളരെ സാവധാനം ഡോർ ലോക്ക് ചെയ്ത് ഞാൻ അയാൾക്ക് പിന്നിലെത്തി.
കമ്പ്യൂട്ടർ മോണിട്ടറിൽ എന്തോ കൂലംകഷമായി വിശകലനം ചെയ്യുന്ന തിരക്കിലായതു കാരണം അയാൾ ഒന്നും അറിഞ്ഞില്ല.  എന്റെ കയ്യിലെ ഫോൺ നംബർ കുറിച്ച പേപ്പർ, മോണിട്ടർ റ്റേബിളിലേക്ക് വെച്ചു കൊണ്ട് ഞാൻ അയാളുടെ തലയോട്ടിയുടെ പിൻ ഭാഗത്ത് പിസ്റ്റൾ അമർത്തി. ഒരു ഞെട്ടലോടെ പാതി ചരിഞ്ഞ, ഓഫീസറുടെ തലയിലൂടെ മുഖത്തേക്ക് വിയർപ്പ് ചാലുകൾ ഒഴുകിയിറങ്ങി.

ഈ നംബർ കിടന്നു കളിക്കുന്നത്, ഡ്യൂറ്റ്ച്ചസ് മ്യൂസിയത്തിൽ.
പക്ഷേ എനിക്ക് അറിയണം, ഒരുപാട് ഫ്ലോറുകളും, മുറികളും, പ്രദർശന ശാലകളുമുള്ള ആ വലിയ കെട്ടിടത്തിൽ ക്രിത്യമായും  ഇതിന്റെ പ്രഭവ കേന്ദ്രം എവിടെയാണെന്ന്.
അതിന് നിങ്ങളുടെ സഹായം തേടിയാണ് ഞാൻ വന്നിരിക്കുന്നത്.

അയാളുടെ പകച്ച കണ്ണുകളിലൂടെ ഇരുളിമ തിങ്ങി.

*****************************************************************

ECC യിൽ നിന്ന്  പുറത്തേക്ക് വരുമ്പോൾ ദൗത്യം വിജയിച്ച സന്തോഷത്തേക്കാൾ ഉടനേ ഡ്യൂറ്റ്ച്ചസ് മ്യൂസിയത്തിലെ എന്റെ ശത്രുവിനെ തിരയേണ്ടതിനേക്കുറിച്ചാണ് ഞാൻ ചിന്തിച്ചത്.

എനിക്ക് കിട്ടേണ്ട വിവരം ലഭിച്ചതിന് ശേഷം, ആ സൈബർ ഉദ്യോഗസ്ഥനെ ഒരു ഇഞ്ചക്ഷനിലൂടെ  ബോധരഹിതനാക്കേണ്ടി വന്നു എന്നതൊഴിച്ചാൽ മറ്റു പ്രശ്നങ്ങളൊന്നും തന്നെയുണ്ടായില്ല. ഞാൻ പുറത്തേക്കിറങ്ങും മുൻപ് സർക്യൂട്ടിൽ ഒരു ചെറിയ കൈവേല കാട്ടി വയർലെസ് സംവിധാനം താറുമാറാക്കുകയും ചെയ്തു.

ഞങ്ങൾ അന്വേഷിച്ച  011 + 49 + 166 7878 133 (9) എന്ന നംബർ, ഡ്യൂറ്റ്ചസ് മ്യൂസിയത്തിലെ കിഴക്കു ഭാഗത്ത്, ഗ്രൗണ്ട് ഫ്ലോറിലെ വലതു മൂലയിലെ ഇടുങ്ങിയ കോറിഡോറുകൾക്കടുത്താണ് ലൊക്കേറ്റ് ചെയ്തിരിക്കുന്നത്.
ഇപ്പോഴും ആ നംബരിലേക്ക് ഫോൺ കോളുകൾ വരുന്നു.
കോളുകൾ പോകുന്നു....
പ്രസ്ഥുത നംബർ ഡ്യൂറ്റ്ച്ചസ് മ്യൂസിയത്തിനുള്ളിൽ ആക്ടീവാണ്....

ഞാൻ ടാർജറ്റ് ചെയ്ത ആളിലേക്ക് ഏതാനും ചുവടുകൾ മാത്രം...

*************************************************************
യിൽ നിന്നും ഞങ്ങൾ മനസിലാക്കിയ ഡ്യൂറ്റ്ച്ചസ് മ്യൂസിയത്തിന്റെ കിഴക്ക് ഭാഗത്തേക്കുറിച്ച് ഗൂഗിൾ എർത്തിൽ നിന്നും ഞങ്ങൾക്ക് ക്രിത്യമായ ഒരു സ്കെച്ച് ലഭിച്ചിരുന്നു. അത് വെള്ളക്കടലാസിലെക്ക് പകർത്തി ഞാൻ കയ്യിൽ കരുതി.

അമേരിക്കൻ പിസ്റ്റൾ,  PCA (Precision Small Arms) ആന്യയുടെ പക്കൽ ഞാൻ ഏൽപ്പിച്ചിരുന്നു. 25ACP- Baby Browning മോഡലാണത്. ആറ് ബുള്ളറ്റുകൾ നിറയ്ക്കാവുന്ന പോക്കറ്റ് പിസ്റ്റൾ. സ്വയ രക്ഷയ്ക്കും പ്രത്യാക്രമണത്തിനും ഏതു നിമിഷവും തയ്യാറെടുക്കണം എന്ന് ഞാൻ അവളെ ചട്ടം കെട്ടിയിരുന്നു. 9 mm ബുള്ളറ്റ് പാളുന്ന എം. 9 പിസ്റ്റളുകൾ രണ്ടെണ്ണം ഞാൻ ഇടുപ്പിൽ തിരുകി.

മ്യൂസിയത്തിലെ ഉരക്ഷാ ഉദ്യോഗസ്ഥരെ കടന്ന് ലക്ഷ്യ സ്ഥാനത്തെത്താൻ,  ആരുടെയെങ്കിലും സഹായം ആവശ്യമായിരുന്നു. മ്യൂസിയത്തിന്റെ കിഴക്ക് ഭാഗത്തെ  വലതു മൂലയിലെ ഇടുങ്ങിയ ഇടനാഴികളിൽ എത്തേണ്ടി വരണമെങ്കിൽ പതിനായിരം കണ്ണുകളെ സമർഥമായി അതിജീവിക്കേണ്ടിയിരിക്കുന്നു.

എമ്മാ ഇസബേലിനെ കൂടെ കൂട്ടിയാലോ എന്ന് ആന്യയാണ് ചോദിച്ചത്. പക്ഷേ എനിക്ക് താല്പര്യമില്ലായിരുന്നു. എമ്മയേപ്പോലൊരാൾ ഒപ്പമുണ്ടായാൽ ഓപ്പറേഷൻ പാളാൻ സാധ്യതയുണ്ട്. തന്നേയുമല്ല ഞങ്ങൾ അകത്താകാനും.

ആന്യ പക്ഷേ ഒരു പദ്ദതി വിശദീകരിച്ചു.
എമ്മയേയും കൂട്ടി നമുക്ക് ഏകദേശം നാം ഉദ്ദേശിച്ച ഭാഗം മനസിലാക്കി അവിടേക്ക് പോകാം. വഴിയിൽ അവളെ തന്ത്ര പൂർവം ഒഴിവാക്കാം എന്ന്.

എമ്മയെ കോണ്ടാക്ട് ചെയ്തപ്പോൾ അവൾ ഫ്ലാറ്റിലാണ്.
അന്ന് അവൾക്ക് ലീവാണത്രേ. ആന്യ പക്ഷേ എമ്മയെ തങ്ങൾക്കൊപ്പം കൂടാൻ നിർബന്ധിച്ചു. പിറ്റേന്ന് തങ്ങൾ ജർമനി വിട്ട് പോകുമെന്നും, ഇന്നത്തെ ഒരു ദിനം കൂടി എമ്മ തങ്ങളെ ഹെൽപ്പ് ചെയ്യാനുണ്ടാവണമെന്നും അഭ്യർഥിച്ചതോടെ ആ പാവം സമ്മതിക്കുകയായിരുന്നു.

എമ്മ അര മണിക്കൂറുകൾക്കുള്ളിൽ മ്യൂസിയത്തിലെ ഗ്ലോറിയാ ജീൻസ് കോഫീ ഷോപ്പിൽ എത്തി.   അവളുടെ കാമുകനൊപ്പമുള്ള നല്ല നിമിഷങ്ങൾ വഴിയിലുപേക്ഷിച്ചിട്ടാണ് അവൾ ഞങ്ങളോടൊപ്പം ചേരാനായി എത്തിയത്.

ആ പെൺകുട്ടിയെ വിളിച്ച് വരുത്തേണ്ട  യാതൊരു ആവശ്യവുമുണ്ടായിരുന്നില്ല എന്നു തന്നെയായിരുന്നു എന്റെ മനസ്സിൽ. ഇനിയുള്ള ചുവടുകൾ അപകടം പിടിച്ചതാണ്. മരണക്കളിയാണ്. തങ്ങളുടെ ജീവന് പോലും ഗ്യാരന്റി ഉറപ്പില്ലാത്ത ഒരു അവസാന ഗെയിമിലേക്ക് മറ്റ് ആളുകൾക്ക് കൂടി പങ്കുണ്ടാവേണ്ടി വരുന്നത് തികച്ചും അസ്വഭാവികം തന്നെ.

**************************************************************

7 P. M.
Deutsches Museum.

ഗവേഷണത്തിന്റെ ഭാഗമെന്നൊക്കെ എമ്മയെ വിശ്വസിപ്പിച്ച് അപ്പോഴപ്പോൾ വായിൽ തോന്നിയ നുണകൾ വാരി വിളമ്പിയാണ് ഞങ്ങൾ മ്യൂസിയത്തിന്റെ കിഴക്ക് ഭാഗം ലക്ഷ്യമാക്കി നീങ്ങിയത്.

എൽസാർ റിവറും മ്യൂസിയത്തിന്റെ കരിങ്കൽ ഭിത്തിയും സന്ധിക്കുന്ന ഒരു ഭാഗമായിരുന്നു കിഴക്ക് ഭാഗം.

എമ്മയുണ്ടായിരുന്നതിനാൽ ഞങ്ങൾക്ക് സുരക്ഷാ ഉദ്യോഗസ്ഥരെ ഭയക്കേണ്ടി വന്നില്ല.
ഞാൻ ഇടയ്ക്കിടെ എമ്മാ ഇസബേൽ അറിയാതെ ഗൂഗിൾ എർത്തിൽ നിന്ന് ഞങ്ങൾ പകർത്തിയ ഡ്യൂറ്റ്ച്ചസ് മ്യൂസിയത്തിന്റെ കിഴക്ക് ഭാഗത്തെ മാപ്പ് നോക്കി ഉറപ്പ് വരുത്തിക്കൊണ്ടിരുന്നു.

സന്ദർശകർ തീരെ കടന്നു ചെല്ലാത്ത ഭാഗമായിരുന്നു കിഴക്ക് ഭാഗം.  അവിടം വിജനമായി കിടന്നു. സുരക്ഷാ ഉദ്യോഗസ്ഥർ പോലും ആ വഴിയിൽ ഇല്ലായിരുന്നു.
പഴയകാല ഹിറ്റ്ലറുടെ കോണ്സെണ്ട്രേഷൻ ക്യാമ്പിന്റെ ഒരു ബ്രാഞ്ചായിരുന്നത്രേ അവിടം. പ്രേതാലയം എന്നറിയപ്പെട്ട അവിടേക്ക് എന്തിനാണ് പോകുന്നത് എന്ന് എമ്മ സംശയത്തോടെ ചോദിക്കുന്നുണ്ടയിരുന്നു.

കോറിഡോറുകൾക്ക് മുൻപിൽ കോറി ഡോറുകൾ രൂപപ്പെടുകയും, ഇലക്ട്രിക് വിളക്കുകളുടെ എണ്ണം കുറഞ്ഞ് കുറഞ്ഞ് വരികയും ഇരുൾ ആ മുറികൾക്കുള്ളിലേക്ക് പതിയിറങ്ങുകയും ചെയ്തു കൊണ്ടിരുന്നു.

ഞങ്ങളുടെ യാത്രയിൽ ഇടയ്ക്കെപ്പോഴോ പന്തികേട് തോന്നിയ എമ്മ പൊടുന്നനെ നിന്നു.
മതി നമുക്ക് യാത്ര മതിയാക്കാം എന്ന് പറഞ്ഞു. കാരണം എന്ത് എന്ന് ആന്യ അന്വേഷിച്ചപ്പോൾ, ഇവിടം അപകടം പിടിച്ച പ്രദേശമാണെന്ന് പൊതുവിൽ ഒരു സംസാരം ഉള്ളതായി എമ്മ മറുപടി പറഞ്ഞു.

പെട്ടന്നാണ് ഞങ്ങൾ നിന്നിരുന്ന കോറിഡോറിന്റെ ഇരുൾ മൂടിയ ഭാഗത്ത് ഒരു ഗർത്തം പോലെ തോന്നിപ്പിക്കുന്ന ഒരു ഭാഗം ഞങ്ങളുടെ ശ്രദ്ദയിൽ പെട്ടത്. എമ്മയും അത് ആദ്യമായി കാണുകയായിരുനു എന്ന് അവളുടെ മുഖഭാവത്തിൽ നിന്ന് ഞങ്ങൾ ഊഹിച്ചു.

അപ്പോഴേക്കും  ECCയിൽ നിന്ന് ലഭിച്ച വിവരത്തിന്റെ അടിസ്ഥാനത്തിൽ ഞാൻ ട്രാക്ക് ചെയ്ത സെൽ ഫോൺ ലൊക്കേഷന്റെ അടുത്തെത്തിക്കഴിഞ്ഞു എന്നെനിക്ക് മനസിലായി. കയ്യിൽ കരുതിയിരുന്ന സ്കെച്ച് ക്രിത്യമായിരുന്നു

ഉടനേ ഞാൻ എന്റെ മൊബൈൽ ഫോണിൽ നിന്നും ഞങ്ങൾ തേടിയെത്തിയ നംബരിലേക്ക് പരീക്ഷണാർഥം ഒന്ന് ഡയൽ ചെയ്തു.
റിങ്ങ് ടോൺ ശബ്ദമൊന്നും കേൾക്കാനായില്ല.
വീണ്ടും ഞാൻ ഫോൺ നമ്പർ ഡയൽ ചെയ്തു നോക്കി.
കാതോർത്തു പിടിച്ച എനിക്കും ആന്യയ്ക്കും അടുത്തെവിടെയോ നിന്ന് ഒരു കാൽപ്പാദത്തിന്റെ നനുത്ത ശബ്ദംഅനുഭവിക്കാൻ കഴിഞ്ഞു.
ഞാൻ ചെവി വട്ടം പിടിച്ചു...


ഒട്ട് നിശബ്ദതതയ്ക്ക് ശേഷം വീണ്ടും പദ പദന ശബ്ദം നേർത്ത ശബ്ദത്തിൽ കേൾക്കാനായി.
ആ കാലടി ശബ്ദം കേട്ടത് പിന്നിലായാണ്.
അൽപ്പം മാത്രം പിന്നിൽ....

ഞാൻ അതിവേഗം വെട്ടിത്തിരിഞ്ഞു നോക്കി.  ഒപ്പം പിസ്റ്റൾ കയ്യിലെടുത്തു.
ഞാൻ നോക്കുന്നത് കണ്ട ആന്യയും വേഗത്തിൽ തിരിഞ്ഞു.
ഞങ്ങൾ ഇരുവരുടേയും പ്രതികരണം കണ്ട എമ്മ കാര്യം അറിയാതെ പകപ്പോടെ പിന്നിലേക്ക് നോക്കി.

പൊടുന്നനെ ഒരു അപ്രതീക്ഷിത രൂപം ഇരുളിലൂടെ കോറിഡോറിന്റെ അങ്ങേ തലയ്ക്കൽ പ്രത്യക്ഷപ്പെട്ടു.
അയാളുടെ കൈ അതിവേഗം ചലിക്കുന്നത് അവ്യക്തമായി കണ്ട ഞാൻ, ഒരൊറ്റ കുതിപ്പിന് ആന്യയേയും എമ്മയേയും ഉന്തിമാറ്റാൻ ശ്രമിയ്ക്കുമ്പോഴേക്കും തുരുതുരാ നാല് വെടിശബ്ദം മുഴങ്ങി.
മുൻപോട്ടാഞ്ഞ ഞാൻ പെട്ടന്ന് ഭിത്തിയിലേക്ക് ചാഞ്ഞ്, നിലം പറ്റി കമിഴ്ന്ന് ചാടിയിട്ട് തോക്ക് ചൂണ്ടി.പക്ഷേ  കോറിഡോറിന്റെ അങ്ങേ മൂല ശൂന്യമായിക്കഴിഞ്ഞിരുന്നു. അതിനപ്പുറം ഇരുളിലേക്ക് അതിവേഗം അകന്ന് പോകുന്ന ബൂട്ടിന്റെ ശബ്ദങ്ങൾ മാത്രം മുഴങ്ങി.
എല്ലാം നിമിഷങ്ങൾ കൊണ്ട് സംഭവിച്ചു കഴിഞ്ഞിരുന്നു.

നിലത്ത് നിന്നും പൊടി പറന്നു.
കണ്ണ് തിരുമ്മി ഞാൻ കിടന്ന കിടപ്പിൽ തന്നെ നോക്കവേ ഒരുലച്ചിലോടെ ആന്യയും എമ്മയും ഇടതുഭാഗത്തേക്ക് മറിഞ്ഞു വീഴുന്നതാണ് കാണുന്നത്.
എനിക്ക് ആന്യയുടെ  കയ്യിൽ പിടിക്കാനാവും മുൻപേ ആന്യയും എമ്മയും നിശ്ച്ചലരായി, ഒരു പഞ്ഞിത്തുണ്ടു പോലെ ഇടതു വശത്തെ ഇരുളിലൂടെ ഭൂമിയുടെ അഗാധതയിലേക്ക് മറഞ്ഞു. ഞാൻ ഇരുളിലേക്ക് എന്റെ സെൽഫോൺ ഡിപ്ലേ പ്രകാാശിപ്പിച്ച് നോക്കവേ എനിക്ക് കാണാൻ കഴിഞ്ഞത് വലിയ ചതുരത്തിൽ ഇരുൾ മൂടിയ ഒരു തുരങ്കമാണ്.

ഞാൻ പോക്കറ്റിൽ നിന്നും നിന്നും പെൻ ടോർച്ച് പുറത്തെടുത്ത്, ആന്യയും എമ്മയും വെടിയേറ്റ് വീണ കുഴിപോലെ / തുരംകം പോലെ കാണപ്പെട്ട ഭാഗത്തേക്ക് നോക്കി.
അതിന്റെ അങ്ങേയറ്റം എനിക്ക് കാണാൻ പറ്റാത്ത വിധമായിരുന്നു....
ആന്യയും എമ്മയും വെടിയുണ്ടകളേറ്റ് വീണ ആഴത്തിന്റെ കരയിലിരുന്ന് ഞാൻ മുഷ്ട്ടി ചുരുട്ടി നിലത്തിടിച്ചു.


പിന്നെ ഒട്ടും തന്നെ ആലോചിച്ച് നിൽക്കാതെ  ആ ഗർത്തത്തിലേക്ക് ഞാനും കുതിച്ചു ചാടി....



**********************************************************

ഈ സീരീസ് അടുത്ത അധ്യായത്തോടെ അവസാനിക്കും.



____________________________________________________________
____________________________________________________________



1*
Gloria Jean's Coffees.
ആസ്ട്രേലിയയിൽ സ്ഥാപിതമായ ഗ്ലോബൽ സ്പെഷ്യാലിറ്റി കോഫീ കമ്പനി.
ലോകമാകമാനം 39 രാജ്യങ്ങളിലായി 1,000 കോഫീ ഷോപ്പുകൾ.

തുടർന്ന് വായിക്കുവാൻ ഈ ലിങ്കിലേക്ക് പോകുക

സിസിലിയാ കാസാ. [എട്ട്] - അവസാന ഭാഗം




തിങ്കളാഴ്‌ച, സെപ്റ്റംബർ 17, 2012

സിസിലിയാ കാസാ. [ആറ്]

ഇതുവരെയുള്ള കഥയറിയാൻ,

സിസിലിയാ കാസാ. [അഞ്ച്]

എന്ന അധ്യായം വായിച്ചതിന് ശേഷം,  തുടർന്ന് വായിക്കുക.







 __________________________________________________________________
 __________________________________________________________________


Double superior room
BB
Bon Voyage Hotel Alexander

Center
Sofia
Bulgaria


11. 10
രാത്രി
ശനി

ദിമിത്രി ബാരോസിന്റെ അപ്രതീക്ഷിത മരണം ഞങ്ങൾക്ക് മുൻപോട്ടുള്ള വഴി അടയ്ക്കുന്ന വിധത്തിലായിരുന്നു.

അവസാനത്തെ പിടിവള്ളിയാണോ നഷ്ട്ടപ്പെട്ടത്.
ആന്യ ആരാഞ്ഞു.

അല്ല. വഴിയുണ്ടാക്കണം.
ഞാൻ പുകച്ചുരുൾ ശൂന്യതയിലേക്ക് ഊതിയൂതി വിട്ടു.
ബാരോസ് ബ്രദേഴ്സ് രണ്ടുപേരും ഞങ്ങളുടെ തൊട്ട് മുൻപിൽ വെച്ച് ഞങ്ങൾ നോക്കി നിൽക്കേ മറ്റ് ആളുകളാൽ കൊല്ലപ്പെടേണ്ടി വന്നത്, ഈ വിഷയത്തിൽ ഞങ്ങളുടെ ജാഗ്രതയേക്കുച്ചിച്ച് ചിന്തിപ്പിക്കുന്ന ഒന്നായിരുന്നു.


ഞാൻ ആന്യയോട് തുടർന്നു
ബാരോസിന്റെ മൊബൈലിലേക്ക് അവസാനം വന്ന കോളുകൾ തുടർച്ചയായി ഒരു നംബരിൽ നിന്നാണ്. അത് എവിടുത്തെ ഫോൺ നംബരാണെന്ന് കണ്ടെത്തുന്നതോടെ നമ്മുടെ ദൗത്യം ടുത്ത ഘട്ടത്തിലേക്ക്. അന്ന് ആ സിറിയൻ ചാരൻ നൽകിയ വിവരം അനുസരിച്ചാണെങ്കിൽ, ഇനി ഒരേ ഒരാൾ കൂടി മാത്രമേ നമ്മുടെ ടാർജറ്റിലുള്ളു. അത് കണ്ടെത്തുന്നതോടെ ഈ കഥയ്ക്ക് ക്ലൈമാക്സ് ആകും.


*****************************************************************


DHL express courier services
Sofia circle.

ഡി എച്ച് എൽ ഓഫീസിലെ ഇൻഫർമേഷനിൽ ഇരുന്ന തടിയനോട് ഞാൻ കാര്യങ്ങൾ വിസദമാക്കിക്കൊണ്ടിരുന്നു. ഭാഷയുടെ പ്രശ്നമുള്ളത് കാരണം ആംഗ്യങ്ങൾ ഉപയോഗിക്കേണ്ടി വന്നു.
011 + 49 + 166 7878 133 (9)  ഈ നംബർ ഏതു രാജ്യത്തെ കോഡ് ആണെന്ന് പറഞ്ഞു തരാൻ കഴിയുമോ? ഒരു പാഴ്സൽ വന്നിരുന്നു. പാഴ്സൈലിൽ അഡ്രസ് ഇല്ല. പകരം ഈ  ഫോൺ നംബർ ആയിരുന്നു വെച്ചിരുന്നത്..

ഞാൻ സംസാരിക്കാൻ ശ്രമിച്ചത് മനസിലായ മട്ടിൽ മോണിട്ടറിലേക്ക് നോക്കി  സേർച്ച് ചെയ്തു.
നിമിഷത്തിനുള്ളിൽ അയാൾ പറഞ്ഞു,

ഇത് ജർമൻ നമ്പരാണ്. നിങ്ങൾക്ക് വന്ന പാഴ്സൽ ജർമനിയിൽ നിന്നാണ്. ജർമനിയിലെ നിങ്ങളുടെ ഏതു ബന്ധുവാണെന്ന് ഇപ്പോ മനസിലായിക്കാണുമല്ലോ...?!

പുഞ്ചിരിയോടെ നന്ദി പറഞ്ഞ് ഇറങ്ങിയ ഞങ്ങൾ, നേരേ ഹോട്ടലിലേക്ക് മടങ്ങി.

ഇന്ന് രാത്രി ഇവിടുന്ന് ജർമ്മനിക്ക് കടക്കണം.
റൂമിൽ വെച്ച് ഞാൻ ആന്യയോട് പറയുകയുണ്ടായി.

എങ്ങനെ പോകും. എല്ലായ്പ്പോഴും എയർപ്പോർട്ടിൽ  ഈസിയായി കടക്കാൻ ആവില്ലല്ലോ.

അതിനുള്ള മാർഗ്ഗം ഈ രാത്രി തന്നെ കണ്ടെത്തണം.

ഹില്‍ട്ടണ്‍ സിഗരറ്റിന്റെ പുക  ചുരുണ്ട് ചുരുണ്ട് നൃത്തം ചെയ്യവേ, അന്യ ബ്ലാങ്കെറ്റിനടിയിലേക്ക് നൂണ്ടു. എന്റെ തലച്ചോറിൽ വിവിധ പദ്ദതികളുടെ മാസ്റ്റർ പ്ലാനുകൾ ത്രീഡി ചിത്രങ്ങൾ വരച്ചു കൊണ്ടിരുന്നു....



*****************************************************************



Road Corner budapest.
അന്താരാഷ്ട്ര മോഷണമുതലുകൾ വിൽക്കുന്ന ബ്ലാക് മാർക്കറ്റ്.
റോഡ് കോർണർ ബുഡാപെസ്റ്റിൽ നിന്നും ആന്യയ്ക്ക് വേണ്ടി വിലയേറിയ കോസ്മെറ്റിക്സ് വാങ്ങാനെന്ന ഭാവത്തിൽ ഇറങ്ങിയതായിരുന്നു ഞങ്ങൾ.

Biotherm  സ്കിൻ കെയർ, Meritage ലിക്വർ, തുടങ്ങിയവ വാങ്ങി മടങ്ങാൻ നേരമാണ് ഒരു ട്രാവൽ ഏജൻസി ഞങ്ങളുടെ ശ്രദ്ദയിൽ പെടുന്നത്.

അവിടേക്ക് പ്രവേശിക്കാൻ പോകുമ്പോഴേക്കും പെട്ടന്ന് ഒരു മധ്യവയസ്കൻ ഓടിയെത്തി ഞങ്ങളെ തടഞ്ഞു. ഒപ്പം അടക്കിപ്പിടിച്ച ഒരു ചോദ്യവും.
നിങ്ങളെ കണ്ടിട്ട് സ്വൽപ്പം തരികിടയൊക്കെ തോന്നുന്നുണ്ട്. എന്നേക്കൊണ്ട് എന്തെങ്കിലും ഹെല്പ് വേണോ എന്നറിയാനാണ് ഞാൻ വന്നത്.

അയാളെ ഒഴിവാക്കി വിടാനാണ് ആദ്യം തോന്നിയത്. പക്ഷേ എന്തോ എന്റെ ആറാമിന്ദ്രിയം അത് തടഞ്ഞു.
ഞങ്ങൾക്ക് വിദേശത്തേക്ക് പോകാൻ ട്രാവൽ ഏജൻസിയിൽ ഒന്ന് അന്വേഷിക്കാൻ ഇറങ്ങിയതാണ്. അക്കാര്യത്തിൽ നിങ്ങൾക്ക് സഹായിക്കാൻ മാത്രം ഒന്നും ഇല്ല.

സീക്രട്ടായ യാത്രയാനെങ്കിൽ അത് വളരെ സ്മൂത്തായി ഞങ്ങൾ ചെയ്തു തരാം. പ്രതിഫലം അൽപ്പം കൂടുമെന്നേയുള്ളു.

സീക്രട്ടായ യാത്രയോ? നിങ്ങൾ എന്താണുദ്ദേശിക്കുന്നത്?

അതു തന്നെ. പലതരം യാത്രക്കാർ ഇവിടെ വരും. വിസ കാലാവധി കഴിഞ്ഞവർ, അനധിക്രിതമായി കുടിയേറിയവർ, ഒഫീഷ്യലായല്ലാതെ വിദേശത്തേക്ക് കടക്കേണ്ടവർ അങ്ങനെ അങ്ങനെ.... അത്തരം ഒരു യാത്രയാണ് നിങ്ങൾ ഉദ്ദേശിക്കുന്നതെങ്കിൽ ഞാൻ ഹെൽപ്പ് ചെയ്യാം.
അയാൾ ഒറ്റ ശ്വാസത്തിൽ തട്ടി മൂളിക്കുകയാണ്.

ഞങ്ങൾക്ക് സീക്രട്ട് യാത്രയാണ് വേണ്ടതെന്ന് നിങ്ങൾ തന്നെയങ്ങ് ഊഹിച്ചാൽ മതിയോ?
ഞാനയാളെ ചൂഴ്ന്നു നോക്കി.

എന്നല്ല, ഈ സ്ഥലം തരികിടകളുടെ കേന്ദ്രമാണ്. ഇവിടെ എത്തുന്നവർ പലരും നേരാം വണ്ണമുള്ളവരല്ല. ഇവിടുത്തെ ഷോപ്പുകളും അങ്ങനെ തന്നെ. നിങ്ങൾ ട്രാവൽ ഏജൻസിയിലേക്ക് പോകുന്നത് കണ്ടപ്പോൾ എന്തോ കുരുക്കിൽ പെട്ട അവസ്ഥയിലാണ് നിങ്ങളെന്ന് തോന്നി. അപ്പോൾ എനിക്ക് നിങ്ങളോട് സംസാരിക്കാനും തോന്നി. ഞാൻ ഈ ബിസിനസുമായി നടക്കാൻ തുടങ്ങീട്ട് കാലം കുറേ ആയില്ലേ. മനുഷ്യന്റെ മനസ് കാണാനാവുന്നതും മാർക്കറ്റിങ്ങിന്റെ ഭാഗമാണല്ലോ.

ഞാൻ ഒന്ന് ചിരിച്ചു.
അയാൾക്കൊപ്പം തെരുവിലെ ഒഴിഞ്ഞ കോണിലേക്ക് നീങ്ങിയിട്ട് ഞൻ സ്വകാര്യമായി ചോദിച്ചു.

നിങ്ങൾ ഊഹിച്ചത് പോലെ തന്നെ ഞങ്ങളുടേത് ഒരു രഹസ്യ യാത്രയാണ്. ഞങ്ങൾക്ക് രണ്ടു പേർക്കും ഇവിടുന്ന് ജർമനിയിലേക്ക്  എത്തിച്ചേരണം.അതിനു വേണ്ടുന്ന ഒരു സ്ജ്ജീകരണം...

ഞങ്ങളുടെ കമ്പനിക്ക് നാല് പൈവറ്റ് വിമാനങ്ങളുണ്ട്. എവിടുന്ന് എപ്പോ എവിടേക്ക് പോകണമെന്ന് പറഞ്ഞാൽ നിങ്ങളെ അവിടെ എത്തിക്കാം. പണം മാത്രം മുടക്കിയാൽ മതി.

നാളെ തന്നെ പോകണമെന്ന് ഞങ്ങൾ കരുതുന്നു.

ഓ. കെ. എങ്കിൽ, ഒരാൾക്ക് 1500  EUR  ആകും. രണ്ട് പേർക്ക് 3000 EUR യും


എങ്കിൽ നാളെ പുലർച്ചെ നാല് മണിക്ക്  അറീനാ തടാകക്കരയിലെത്തൂ. നിങ്ങളെ ഞങ്ങൾ ജർമനിയിലെത്തിക്കും.  അവിടെ ഞങ്ങളുടെ പൈലറ്റ് വിമാനവുമായി റെഡിയായിരിക്കും.


*****************************************************************

Lake Ariana
Sofia

ഞായർ
04.00

പറഞ്ഞുറപ്പിച്ച മുഴുവൻ തുകയും ഞങ്ങൾ അവിടെ വെച്ച് നൽകി.

സോഫിയയിൽ നിന്നും അയാൾ ഒരുക്കിയ പ്രൈവറ്റ് ജെറ്റിൽ  ഞങ്ങൾ സോഫിയ വിട്ടു.


*****************************************************************


Munich international airport.

Dortmund.
Germany.

ഡോർട്ട്മുണ്ട് സൗത്തിലെ വിജനമായ പ്രദേശത്താണ് ഞങ്ങൾ വിമാനം ഇറങ്ങിയത്.

നിരന്തരമായ യാത്രകൾ ഞങ്ങളെ മടുപ്പിക്കാൻ തുടങ്ങിയിരുന്നു.
എങ്കിലും അവസാന വട്ട ലക്ഷ്യങ്ങളിലേക്ക് എത്തിച്ചേർന്നു എന്ന പ്രതീക്ഷ ഞങ്ങളെ ഊർജ്വസ്വലരാക്കി.

ഡോർട്ട്മുണ്ടിലെ ഡി എച്ച് എൽ എക്സ്പ്രസ്സ് കൊറിയറിൽ നിന്നും ഞങ്ങൾ ഞങ്ങളുടെ പക്കലുള്ള ഫോൺ നംബരിന്റെ ജർമൻ ബന്ധം ഒന്നു കൂടി ഉറപ്പിച്ചു.

അടുത്ത പടി ഫോൺ നംബരിന്റെ ലൊക്കേഷൻ ട്രേസ് ചെയ്യലായിരുന്നു.
ഞങ്ങൾക്ക് ലൊക്കേഷൻ  കിറു ക്രിത്യം  കണ്ടെത്തേണ്ടതുണ്ടായിരുന്നു....

ഞങ്ങൾ ഒരു വഴി കണ്ടുപിടിച്ചു.
ഡോർട്ട്മുണ്ടിലെ പ്രൈവറ്റ് ഡിറ്റക്ടീവ് ഓഫീസിലേക്ക് കയറിച്ചെന്ന് അവരിൽ നിന്ന് ഒരു ഇന്വെസ്റ്റിഗേഷൻ ഞങ്ങൾ ആവശ്യപ്പെടുകയായിരുന്നു ചെയ്തത്.
ഞങ്ങളുടെ പക്കൽ നിന്ന് പണം വാങ്ങി മുങ്ങിയ ഒരാളുടെ ഫോൺ നമ്പരാണിതെന്നും, അതിന്റെ ക്രിത്യമായ ലൊക്കേഷൻ കണ്ടുപിടിച്ച് തരണമെന്നും ഞങ്ങൾ ഞങ്ങൾ അവരൊട് ആവശ്യപ്പെട്ടു.

ഡിറ്റക്റ്റീവ് ഓഫീസിൽ അവർക്കുള്ള തുക മുഴുവനും നൽകി ഹോട്ടൽ അന്വേഷിച്ച് നടക്കുമ്പോഴേക്കും എന്റെ ഫൊണിലേക്ക് ഡിറ്റക്ടീവ് ഏജൻസിയിൽ നിന്നും കോൾ വന്നു.

ലൊക്കേഷന്റെ ക്രിത്യമായ വിവരമായിരുന്നു അത്.
മ്യൂണിച്ചിലെ ഡ്യൂറ്റ്ച്ചസ് മ്യൂസിയമായിരുന്നു ഞങ്ങൾ അന്വേഷിച്ച നമ്പരിന്റെ ശ്രോതസ്!!!


*****************************************************************



ഡോർട്ട്മുണ്ടിൽ നിന്ന് മ്യൂണിച്ചിലേക്ക് 296.41  മൈൽ യാത്രയുണ്ടായിരുന്നു.
[477.01 K.M.]

ഞങ്ങൾ യാത്രയ്ക്കായി ട്രെയിൻ തിരഞ്ഞെടുത്തു.
Munich S-Bahn 1* ട്രെയിൻ.
ഡസൽ ഡോർഫിൽ നിന്നും ഹാംബർഗ്, ഹാനോവർ, ബെർലിൻ ഫ്രാങ്ക് ഫുർട്ട് വഴി ദീർഖയാത്രയായിരുന്നു.

സ്റ്റട്ട്ഗാർട്ടിലെത്തിയതോടെ അവിടെയിറങ്ങിയ ഞങ്ങൾ തുടർന്ന് Munich U-Bahn 2* റെയിലിലായി യാത്ര.

മ്യൂണിച്ച് സെന്റ്രൽ സ്റ്റേഷനിൽ നിന്നും പുറത്തിറങ്ങിയ ഞങ്ങൾ, വാടകയക്ക് ഒരു കാർ എടുക്കുകയായിരുന്നു അദ്യം ചെയ്തത്. വിടേക്കെല്ലാം യാത്ര പോകണം എന്ന് ഒരുറപ്പുമില്ലല്ലോ.
Volkswagen Beetle ആയിരുന്നു ഞങ്ങൾ സംഘടിപ്പിച്ചത്. 
തുടർന്ന്  Sofitel Munich Bayerpost ഹോട്ടലിൽ മുറിയെടുത്തു.
ഡ്യൂറ്റ്ച്ചസ് മ്യൂസിയത്തിന് അര കിലോ മീറ്റർ കലത്തായ് ആയിരുന്നു ഞങ്ങളുടെ ഹോട്ടൽ. മ്യൂസിയത്തിനു സമീപത്തായി നിരന്തരമായി ചുറ്റിക്കൊണ്ടിരിക്കുന്ന ഫോൺ സംഭാഷണങ്ങളെ തേടിയാണ് ഞങ്ങൾ എത്തിയിരിക്കുന്നത്.

ഹോട്ടലിൽ നിന്നും ഞങ്ങൾ മ്യൂസിയത്തേക്കുറിച്ച് പഠിക്കാൻ തുടങ്ങി.
അതിന്റെ ഘടനയും രൂപവും അറിയേണ്ടത് അത്യാവശ്യമായിരുന്നു.

എൽസാർ തടാകത്തിന് [lsar river] നടുവിലായി Deutsches Museum 3*   തലയെടുപ്പോടെ നിന്നു.
1903 ജൂൺ ഇരുപതിന് സ്ഥാപിതമായമ്യൂസിയമാണത്.
വർഷാവർഷം ഒന്നര മില്യൺ സന്ദർശകർ വരുന്ന മ്യൂസിയം.
28.000 ശാസ്ത്ര സാങ്കേതിക വസ്തുക്കളുടെ പ്രദർശനം....
അവിടെയാണ് ഞങ്ങൾ തിരയുന്ന ആ അജ്ഞാത ക്രിമിനലിനെ കണ്ടെത്തേണ്ടത്.

*****************************************************************




കളി അതിന്റെ അവസാന ഘട്ടത്തിലേക്ക് കടക്കുകയാണ്.

___________________________________________________________________
___________________________________________________________________




1*
Munich S-Bahn (suburban trains).

2*
Munich U-Bahn (ഭൂഗർഭ റെയിൽ / underground railway),

1*
Deutsches Museum (German: Deutsches Museum von Meisterwerken der Naturwissenschaft und Technik)
ലോകത്തെ ഏറ്റവും പഴക്കവും പാരമ്പര്യവുമുള്ള ശാസ്ത്ര സ്സങ്കേതിക മ്യൂസിയമാണ് ഡ്യൂറ്റ്ചസ് മ്യൂസിയം.[German Museum of Masterpieces of Science and Technology ] ശാസ്ത്ര സ്സങ്കേതിക വിദ്യയിലെ ചരിത്രപരമായ കണ്ടുപിടുത്തങ്ങളുടെ തിരുശേഷിപ്പ് ഡ്യൂറ്റ്ച്ചസ് മ്യൂസിയത്തെ ഇന്നും പ്രൗഡിയുടെ പെരുമയിൽ നില നിർത്തുന്നു. ലോകത്തെ ആദ്യ ഇലക്ട്രിക് ഡൈനാമോ, ആദ്യത്തെ ഓട്ടോ മൊബൈൽ, ആദ്യത്തെ ആറ്റം വിഘടനം,  തുടങ്ങി മറ്റെങ്ങുമില്ലാത്ത ഒട്ടനവധി കാഴ്ച്ച വസ്തുക്കൾ പ്രസ്ഥുത മ്യൂസിയത്തെ അലങ്കരിക്കുന്നു.  ആസ്ട്രൊണമി, ട്രാൻസ്പോർട്ടേഷൻ,  ഫോട്ടോഗ്രാഫി, പ്രിന്റിങ്ങ് തുടങ്ങി സകലത്തിന്റേയും ആദ്യ ചരിത്രം ഡ്യൂറ്റ്ചസ് മ്യൂസിയത്തിൽ ജനങ്ങളെ ആകർഷിക്കുന്നു. അതോടൊപ്പം ലോകമങ്ങുമുള്ള കുട്ടികൾക്ക് തികച്ചും ഒരു പാഠപ്പുസ്തകം കൂടിയാണ് ഡ്യൂറ്റ്ച്ചസ് മ്യൂസിയം.

തുടർന്ന് വായിക്കുവാൻ ഈ ലിങ്കിലേക്ക് പോകുക  സിസിലിയാ കാസാ. [ഏഴ്]  

തിങ്കളാഴ്‌ച, സെപ്റ്റംബർ 10, 2012

സിസിലിയാ കാസാ. [അഞ്ച്]








ഇതുവരെയുള്ള കഥയറിയാൻ, 

സിസിലിയാ കാസാ. [നാല്]

 എന്ന അധ്യായം വായിച്ചതിന് ശേഷം
 തുടർന്ന് വായിക്കുക.













______________________________________________________________________________________
______________________________________________________________________________________

 






Near: Plaine du Cul de Sac
Port-au-Prince.
Haiti.

വ്യാഴം
05. P.M.

എയർ പോർട്ടിൽ നിന്നും ആഡംബരക്കാറായ Volkswagen Beetle ലിൽ ആയിരുന്നു ഞങ്ങൾ Plaine du Cul de Sac എന്ന വിഖ്യാത ടൂറിസ്റ്റ് കേന്ദ്രത്തിലേക്ക് പോയത്. ഹെയ്റ്റിയിലെ ഇടുങ്ങിയ തെരുവുകളിൽ പോരു കോഴികൾ പരസ്പരം ഏറ്റുമുട്ടുന്നത് കാണാൻ അവിടവിടെ യായി കറുത്ത വർഗ്ഗക്കാർ  കൂട്ടം കൂടി നിൽക്കുന്നത് ഞങ്ങൾ കണ്ടു. ഞങ്ങളുടെ വാഹനം നാട്ടുകാർ കൗതുകത്തോടെ വീക്ഷിച്ചു കൊണ്ടിരുന്നു.

ലാ വില്ല ക്രെയോൾ ഹോട്ടലിൽ ഞങ്ങൾ സ്യൂട്ട് തരപ്പെടുത്തി.

അതേ ഹോട്ടലിൽ തന്നെയായിരുന്നു ബാരോസ് ബ്രദേഴ്സ് താമസിച്ചിരുന്നതും.

ഊശാൻ താടിയുള്ള നര വീണ നാൽപ്പത്തഞ്ചുകാരൻ ബാരോസിനെ ഞങ്ങൾ പടിക്കെട്ട് ഇറങ്ങി വരുമ്പോൾ കണ്ടുമുട്ടി. മണിക്കൂറുകളുടെ നിരീക്ഷണത്തിൽ ഒരേയൊരു ബാരോസ് മാത്രമേ അന്ന് അവിടെയുള്ളു എന്ന് ഞങ്ങൾ അനുമാനിച്ചു. രാത്രിയിൽ ഓപ്പറേഷൻ പ്ലാൻ ചെയ്തു കൊണ്ട് ഞങ്ങൾ കാത്തിരുന്നു.

********************************************************************************

ആന്യ എന്നെ പ്രണയിച്ചു തുടങ്ങിയിരിക്കുന്നു എന്ന് അവളുടെ  ഇടപ്ഴകൽ രീതികളിൽ നിന്നും ഞാൻ അനുമാനിച്ചു. ഇപ്പോൾ പ്രണയിക്കാനുള്ള സമയമല്ല എന്ന ബോധം എന്നെ അതൊന്നും കണ്ടില്ലെന്ന് നടിക്കാനാണ് പ്രേരിപ്പിച്ചത്. അവളുടെ വശ്യത എന്നെ മോഹിപ്പിക്കുവാൻ തുടങ്ങിയിരുന്നു എന്നത് ഒരു പരമാർഥമാനെങ്കിൽ പോലും.

House of Lords  ന്റെ ജിന്ന് അവൾ സിപ് ചെയ്തു കൊണ്ട് കിടക്കയിൽ ചാഞ്ഞിരിക്കുമ്പോൾ അവളുടെ അധരങ്ങളിൽ തേൻ തുള്ളികൾ തൂവാൻ വെമ്പി. Grand Marnier കോർഡിയൽ ഞാനും കഴിച്ചു കൊണ്ടിരുന്നു. അന്നാട്ടുകാരുടെ Pearl of Antilles [1*] ഞങ്ങൾക്ക് ശരിക്കും പിടിച്ചു പോയി.


********************************************************************************

രാത്രി 11.50

അതി വിദഗ്ദമായി ഞങ്ങൾ ഇരുവരും ബാരോസ് ബ്രദേഴ്സിന്റെ മുറിയിലേക്ക് കടക്കാൻ ശ്രമിക്കുന്ക്കുകയായിരുന്നു.

പൊടുന്നനെ ഞങ്ങൾ ആ മുറിയ്ക്കുള്ളിൽ നിന്നും ഒരു ശബ്ദം കേട്ടു.
ശബ്ദം കുറഞ്ഞ തോക്കു കൊണ്ട് എന്നതു പോലെ ഒരു വെടി ശബ്ദം...

അപകടം മണത്ത ഞാൻ വാതിൽപ്പൂട്ട് ഷൂട്ട് ചെയ്ത് തകർത്ത് അകത്ത് കയറുമ്പോൾ ഒരാൾ ജനൽ വഴി കുതിയ്ക്കാൻ ശ്രമിയ്ക്കുന്ന കാഴ്ച്ചയാണ് ഞങ്ങൾ കാണുന്നത്.
നൊടി നേരത്തെ എന്റെ മിന്നൽ ചുവടുകൾ കൊണ്ട് രക്ഷപെടാൻ ശ്രമിയ്ക്കുന്ന ആളെ ഞാൻ അകത്തേക്ക് വലിച്ചിട്ട്, ഒറ്റച്ചവിട്ടിന് മുറിയുടെ വലതു മൂലയിലേക്ക് വീഴ്ത്തി.

ജാഗ്രതയോടെ പൊസിഷനിലായ ഞാൻ നോക്കവേ ബെഡ്ഡിൽ ഒരാൾ വെടിയേറ്റു കിടക്കുന്നതാണ് കാണുന്നത്. അത് ബാരോസ് ബ്രദേഴ്സിലെ ഞങ്ങൾ പകൽ കണ്ടുമുട്ടിയ മനുഷ്യനായിരുന്നു.  ആന്യ അയാളുടെ പൾസ് പിടിച്ച് നോക്കിയിട്ട് നിരാശയോടെ തല കുലുക്കി.
 ബാരോസ് മരിച്ചു കഴിഞ്ഞിരുന്നു.

ചവിട്ടി വീഴ്ത്തിയ ആളിന് നേരേ ഞാൻ Springfield തോക്ക് ചൂണ്ടവേ അയാളും എനിക്ക് നേരേ ഗൺ ചൂണ്ടി.
ഒട്ടൊരു നേരം ഞങ്ങൾ അതേ നിലയിൽ തുടർന്നു

താൻ തേടിയെത്തിയ ശത്രുവിനെ കൊലപ്പെടുത്തിയ ആളാണയാൾ. അപ്പോൾ ഈ ബാരോസ് അയാളുടേയും ശത്രു ആയിരിക്കണം.
എങ്കിൽ തൽക്കാലം ബുദ്ധി പ്രയോഗിക്കുകയാണ് നല്ലത്.

ഞാൻ പതിയെ പറഞ്ഞു.
ഞാൻ വധിക്കാൻ പിൻ തുടർന്ന് വന്നയാളാണ് ഇപ്പോൾ കൊല്ലപ്പെട്ടു കിടക്കുന്ന മിസ്റ്റർ ബാരോസ്? എന്റെ ശത്രുവിനെ കൊന്ന നിങ്ങൾ തീർച്ചയായും എന്റെ ശത്രുവല്ല. ആ നിലയ്ക്ക് നമുക്ക് ഒരു ഗെയിം കളിക്കാതിരിക്കുകയാണ് നല്ലത്. പറയൂ നിങ്ങൾ ആരാണ്?

നിങ്ങൾ ആരാണെന്ന് പറയൂ?! എന്നിട്ട് സംസാരം തുടരാം.

ഞാനൊരു സ്പൈ ആണ്.
ഞാൻ പതിഞ്ഞ ശബ്ദത്തിൽ വെറുതേ പറഞ്ഞു.

അപ്പോൾ അയാളുടെ മുഖം ഒന്ന് വിടർന്നു.
ഞാനും സ്പൈ തന്നെ. ഏജന്റ് B.Q.  ഞാൻ സിറിയൻ ചാരനാണ്. നിങ്ങൾ?

പെട്ടന്ന് വായിൽ തോന്നിയത് പോലെ ഞാൻ പറഞ്ഞു.
ഞാൻ കെ ജി ബിയുടെ സൗത്ത് ഏഷ്യൻ ചാരനാണ്.

എനിക്കറിയാം. കെ ജി ബിയും മിസ്റ്റർ മിഖായേൽ ബാരോസിനെ തിരഞ്ഞു നടപ്പുണ്ടെന്ന കാര്യം. പക്ഷേ ഇന്ന് നിങ്ങളെ ഞാനിവിടെ പ്രതീക്ഷിച്ചില്ല.

നമുക്ക് തോക്ക് മാറ്റിപ്പിടിച്ച് സംസാരിക്കാവുന്ന നിലയിലായെന്ന് തോന്നുന്നു?!
ഞാൻ തല ചരിച്ച് അയാളോട് ചോദിച്ചു.

ഞാൻ പറഞ്ഞതു കേട്ട് ഒന്ന് ആലോചിച്ചിട്ട് അയാൾ ആന്യയെ നോക്കി. തുടർന്ന് അയാൾ തോക്ക് അരയിൽ തിരുകി.
ഞാനും തോക്ക് അരക്കെട്ടിലേക്ക് താഴ്ത്തി വെച്ചു.


സംശയ നിവാരണത്തീനന്ന വണ്ണം ഞാൻ അയാളോട് ചോദിച്ചു.
ഇത് മിഖായേൽ ബാരോസ് ആയിരുന്നു അല്ലേ?

അതേ. ഇയാളുടെ പേര് മീഖായേൽ ബാരോസ്.

ഇയാൾക്കൊരു സഹോദരൻ ഉണ്ടല്ലോ. ദിമിത്രി ബാരോസ്. അയാളെ ഞങ്ങൾ ഇതു വരെ കണ്ടില്ല...

അതേ. ദിമിത്രി ബാരോസ് ഞങ്ങൾക്കും വേണ്ടപ്പെട്ട  ഇര തന്നെയാണ്. പക്ഷേ ഇന്ന് പുലർച്ചെ അയാൾ ഇവിടം വിട്ടു കഴിഞ്ഞിരുന്നു. എന്റെ കണക്കു കൂട്ടലുകൾ അയാൾ തെറ്റിച്ചു.
സിറിയക്കാരനായ ആ  ചാരൻ നിരാശയോടെ പറഞ്ഞു

അന്നേരം ആന്യ പറഞ്ഞു.
ഞങ്ങൾക്ക് ലഭിച്ച വിവരം അനുസരിച്ച അയാൾ  ബൾഗേറിയയിലേക്ക് യാത്ര തിരിച്ചിട്ടുണ്ട്.

ഓഹോ?
അയാൾ ആലോചനാ നിമഗ്നനായി

നിങ്ങൾക്ക് അയാളെ പിന്തുടരണമെന്നുണ്ടോ?
ഞാൻ ആരാഞ്ഞു.

എന്റെ ലക്ഷ്യത്തിൽ അയാളും ഉണ്ടായിരുന്നു. പക്ഷേ നഷ്ട്ടപ്പെട്ടു. ഇനിയിപ്പോ ബൾഗേറിയൻ പ്രദേശങ്ങളിൽ ചാർജ്ജുള്ള ഞങ്ങളുടെ ഉദ്യോഗസ്ഥർ അയാളെ ലക്ഷ്യമിട്ടു കൊള്ളും. എന്റെ ഡ്യൂട്ടി അവസാനിച്ച നിലയ്ക്ക് എനിക്കിനി സിറിയയിലേക്ക് മടങ്ങേണ്ടി വരും...

പക്ഷേ എനിക്ക് അറിയേണ്ടുന്ന ചില നിർണായക വിവരങ്ങളാണ് നിങ്ങൾ ഒരൽപ്പം നേരത്തേ ഇവിടെത്തിയത് കാരണം എനിക്ക് നഷ്ട്ടപ്പെട്ടത്. സാരമില്ല,  ദിമിത്രി ബാരോസിനരുകിൽ ആദ്യമെത്തി അയാളെ വെടിയുണ്ടകൾ കൊണ്ട് അലങ്കരിക്കുന്ന കർത്തവ്യം ഞാൻ തന്നെ ചെയ്യണം എന്ന് ഞാൻ ആഗ്രഹിക്കുന്നു

തീർച്ചയായും. നിങ്ങൾ അത്തരമൊരു ഡ്യൂട്ടിയിലാണെങ്കിൽ അത് ഞങ്ങളുടെ ഭരണ കൂടത്തിനും സന്തോഷം തന്നെയാണ്.

എന്തിനാണ് നിങ്ങൾ ഇവരെ തിരഞ്ഞെത്തിയത്?

ഞങ്ങളുടെ പ്രസിഡന്റ് Bashar al-Massood നെ വധിക്കാൻ ഗൂഡാലോചന നടത്തിയ കുറ്റവാളികളാണ് ഈ മരിച്ചയാളും അയാളുടെ സഹോദരനും....

അന്ന് ആ മുറിയിൽ നിന്ന് ഞങ്ങൾ മൂവരും പുറത്തിറങ്ങുമ്പോൾ എന്നോടും ആന്യയോടും യാത്ര പറഞ്ഞ് ആ മിടുക്കനായ സിറിയൻ ചാരൻ അതിവേഗം അപ്രത്യക്ഷനായി.

********************************************************************************

പുകയൂതി വിട്ടു കൊണ്ട് ഞാൻ ആന്യയോട് ആരാഞ്ഞു.
ആന്യ, നാം അന്വേഷിക്കുന്ന അതേ വ്യക്തിയെ ഒരു സിറിയൻ സ്പൈ അന്വേഷിച്ച് കൊണ്ടിരിക്കുന്നു. എനിക്കും എന്റെ ശത്രുവിനും ഇടയിൽ സിറിയൻ ഗവണ്മെന്റിന് എന്ത് കാര്യം?

എന്റെ ചോദ്യം കേട്ട് ആന്യ അതേ ചോദ്യം തിരിച്ച് എന്നോട് ചോദിച്ചു .
അതേ നിങ്ങൾക്കിടയിൽ സിറിയയ്ക്ക് എന്താണ് കാര്യം???

എന്റെയൊരു തോന്നൽ പങ്ക് വെക്കട്ടെ...
ഞാൻ തുടർന്നു.
നാം ഇടയ്ക്ക് തീരെ പരിഗണന നൽകാതെ ഉപേക്ഷിച്ച ഒരു വലിയ വിഷയമുണ്ട്. അതിനേക്കുറിച്ച് കൂടുതലായി അന്വേഷിക്കണമെന്ന് എനിക്കിപ്പോ ഒരു ഉൾ വിളി.

എന്ത് വിഷയം?

ജർമ്മൻ ചാർസെലർ ആംഗല മെർക്കൽ...
ഞാൻ ആക്രമിക്കപ്പെടുന്നതിന് മുൻപ്, അങ്കിതാ ത്രിപാഠിക്കൊപ്പം കഴിഞ്ഞിരുന്ന ഹോട്ടലിന് സമീപത്തായിരുന്നല്ലോ ആംഗലാ മെർക്കലിൽ ജനങ്ങളെ അഭിസംബോധന ചെയ്യേണ്ടിയിരുന്ന ചടങ്ങ് നടക്കേണ്ടിയിരുന്നത്.

ഉം.. അങ്ങനെ എന്തോ നമ്മൾ കേട്ടിരുന്നു

Izvestia പത്രത്തിലായിരുന്നു അങ്ങനെ ഒരു വാർത്ത വന്നത്.
ഫെബ്രുവരി. 15. 2012.  എഡിഷൻ. എനിക്ക് അപകടം സംഭവിച്ചതിനേക്കുറിച്ച് പത്രങ്ങളുടെ ഓൺ ലൈന് എഡിഷൻ തിരയുന്ന വേളയിലായിരുന്നു നമ്മൾ അന്ന് ആ വാർത്ത കാണുകയുണ്ടായത്.  നാം പക്ഷേ അത് വേണ്ട വിധത്തിൽ പരിഗണിച്ചില്ല..  അതിനേക്കുറിച്ച് ഒന്നുകൂടി സേർച്ച് ചെയ്യാമോ?
എന്തെങ്കിലും ഒരു ഗ്രിപ്പ് തടയാതിരിക്കില്ല.....

ആന്യ ഒട്ടൊരു ആലോചനയിൽ മുഴുകിയതിന് ശേഷം വേഗം ലാപ്പ് തുറന്ന് ഗൂഗിളിൽ തിരയൽ തുടങ്ങി.
ഫെബ്രുവരി പതിനഞ്ചിന് മുൻപും പിൻപുമുള്ള ചില ദിവസങ്ങളിലെ പത്ര എഡിഷനുകൾ തിരയവേ, മുൻ ദിവസങ്ങളിലെ പ്രാമുഖ്യമുള്ള ഒരു വാർത്ത പല പത്രങ്ങളിലും ഞങ്ങൾക്ക് കാണാൻ കഴിഞ്ഞു.

ജർമൻ ചാർസലർ ആംഗലാ മെർക്കൽ, സിറിയൻ ആഭ്യന്തര മന്ത്രി  ബഷീർ - അൽ -  അസീസ് തുടങ്ങിയവർ റഷ്യയിലെ ഒരു മനുഷ്യാവകാശ സംഘടനയ്ക്ക് വേണ്ടി അവരെ അഭിസംബോധന ചെയ്തു സംസാരിക്കുന്നു എന്നതായിരുന്നു അത്. മോസ്കോയിലെ  Hotel Baltschug Kempinski യുടെ എതിർ വശത്തെ സോവിയറ്റ് ഗാലറിയിലാണ് ചടങ്ങ് നടക്കുന്നതെന്നും,  പ്രസ്തുത ചടങ്ങിൽ റഷ്യൻ പ്രസിഡന്റ് വ്ലാഡിമിർ പുടിൻ പങ്കെടുക്കില്ല  എന്നും വാർത്തയിലുണ്ടായിരുന്നു.

ഞാൻ ആക്രമിക്കപ്പെട്ടതിന് അടുത്ത ദിവസം നടക്കേണ്ടിയിരുന്ന ചടങ്ങായിരുന്നു അത്.....

തുടർന്നുള്ള ദിവസങ്ങളിലേക്ക് നോക്കവേ,ആംഗലാ മെർക്കൽ, ബഷീർ -അൽ- അസീസ് തുടങ്ങിയവരുടെ അഭിസംബോധനാ ചടങ്ങ് ഉപേക്ഷിച്ചതായും വാർത്തയിൽ കണ്ടു.

 ഞാൻ ആന്യയേ നോക്കുമ്പോൾ അവൾ എന്നെ നോക്കി പുഞ്ചിരിക്കുന്നുണ്ടായിരുന്നു.

ഇപ്പോൾ മനസ്സിലായോ നാം തിരയുന്നവരുമായുള്ള സിറിയൻ ബന്ധം.

തീർച്ചയായും!

ശരി, ആന്യ എന്താണ് അനുമാനിക്കുന്നത്?

ആന്യ സിസ്റ്റം ഷട്ട്ഡൗൺ  ചെയ്ത് കൊണ്ട് പറഞ്ഞു.

എനിക്ക് തോന്നുന്നു ആംഗല മെർക്കൽ, സിറിയൻ ആഭ്യന്തര മന്ത്രി തുടങ്ങിയവരെ വധിക്കാൻ ഒരു അന്താരാഷ്ട്ര ശ്രമം അവിടെ നടന്നിട്ടുണ്ട്. അതിനേത്തുടർന്നുള്ള സംഭവങ്ങളിൽ പെട്ടാവാം നിങ്ങൾ ആക്രമിക്കപ്പെട്ടത് പോലും.

യെസ്. അതു തന്നെ.
ഞാൻ ചിരിച്ചു.
പക്ഷേ ആംഗലാ മെർക്കൽ, വധശ്രമക്കാരുടെ ഇരയായിരുന്നില്ല എന്നു തോന്നുന്നു. ഇല്ലായിരുന്നെങ്കിൽ മിലാൻ ബാരോസിന്റെ മുറിയിൽ വെച്ച് നമ്മെ അപ്രതീക്ഷിതമായി കണ്ട ആ സിറിയൻ ചാരൻ ചോദിക്കുമായിരുന്നു, നമ്മൾ ജർമ്മൻ ചാരൻമ്മാരാണോ എന്ന്. അയാൾക്ക് അങ്ങനെ ഒരു സന്ദേഹവും ഇല്ലായിരുന്നു. അതിനർഥം, ജർമൻ കാരുടെ അന്വേഷണം ഈ വിഷയത്തിൽ ഇല്ല എന്നാണ്. പക്ഷേ സിറിയൻ ആഭ്യന്തര മന്ത്രിയുമായി ബന്ധപ്പെട്ട് സംഭവം ദുരൂഹമായി കിടക്കുന്നു. എന്റെ തോന്നൽ ശരിയാനെങ്കിൽ അന്ന്  ആചടങ്ങിൽ വെച്ച് സിറിയൻ മന്ത്രിയെ അപായപ്പെടുത്താനുള്ള ശ്രമം അവിറ്റെ നടന്നിട്ടുണ്ട്.

ആന്യ  എന്റെ കണ്ണിലേക്ക് നോക്കി ഒറ്റ ചോദ്യമാണ്.
ഇനി നിങ്ങളെങ്ങാനുമാണോ സിറിയൻ മന്ത്രിയെ വധിക്കാൻ ശ്രമിച്ച ആൾ? നിങ്ങൾക്ക് ആ സമയത്തെ ഓർമകൾ നഷ്ട്ടപ്പെട്ടത് കൊണ്ട് എനിക്കൊരു സംശയം.

ഏയ്, അതിന് യാതൊരു സാധ്യതയുമില്ല.
ഞാൻ എന്റെ കുറ്റിത്താടി രോമങ്ങളിൽ തഴുകി.-

എങ്കിൽ സിറിയൻ സ്പൈ എന്നെയന്വേഷിച്ച് ആദ്യമേ വരുമായിരുന്നു. ഇല്ലെങ്കിൽ, റഷ്യയിൽ വെച്ച് കെ ജി ബി ചോദിച്ച ചോദ്യങ്ങളിൽ സിറിയൻ പ്രശ്നം വിഷയമായി വന്നിരുന്നേനെ. അങ്ങനെയൊന്നും നടക്കാത്ത സ്ഥിതിയ്ക് സ്ഥിതിയ്ക്ക് ഞാൻ ഇതിലേക്ക് എങ്ങനെയോ ആക്സ്മികമായി പെട്ട് പോയതാണ്. അതാണ് നാം കണ്ടെത്താൻ പോകുന്നത്. എന്റെ ഒറിജിനൽ പാസ്പോർട്ട്, ഞാൻ ആരെന്ന ഐഡന്റിറ്റി, സർവോപരി എന്നെ കൊല ചെയ്യാൻ ശ്രമിച്ചവരെ കണ്ടെത്തണം എന്ന എന്റെ വാശി.., ഇതെല്ലാമാണ് എന്റെ ഈ യാത്രയെ നയിക്കുന്നത്.

നിങ്ങളിപ്പോൾ ഒരു അസ്സൽ ചാരന്റെ ബുദ്ധി വൈഭവം പ്രകടിപ്പിക്കുന്നു. മെഡിക്കൽ സയൻസിന് ഇതൊരു അദ്ഭുതമാണ്. എന്റെ ചികിത്സയിൽ കഴിഞ്ഞ നിങ്ങളും, ധീരവും, പൊടുന്നനെയുമുള്ള തീരുമാനങ്ങളിലൂടെ എന്നേയും കൂട്ടി ഇപ്പോൾ: നടത്തിക്കൊണ്ടിരിക്കുന്ന അന്വേഷണ യാത്രയുമായി നടക്കുന്ന നിങ്ങളും എനിക്ക് അദ്ഭുതം ഉളവാക്കുന്നു. സത്യത്തിൽ എനിക്ക് തോന്നുന്നത്, നിങ്ങൾക്ക് കഴിഞ്ഞ കാല ഓർമകളിലെ നഷ്ട്ടങ്ങൾ ഒഴിച്ചാൽ ആബ്സല്യൂട്ട്ലീ നിങ്ങളൊരു പെർഫെക്ട് പോരാളിയാണെന്നാണ്.

ആന്യ പറഞ്ഞതിൽ സത്യമുണ്ടെങ്കിലും, അവളുടെ ശബ്ദത്തിലെ ആരാധനയെ ഞാൻ വെറുമൊരു ചിരി കൊണ്ട് അവഗണിച്ചു വിട്ടു.

********************************************************************************

പിറ്റേന്ന്  തന്നെ  ഞങ്ങൾ -ഞാനും, ആന്യയും- ഹെയ്റ്റി വിട്ടു.


********************************************************************************



Sofia
Bulgaria

ശനി
06. 25 P.M.

Vasil Levski National Stadium

IAAF  [ 2*]   സംഘടിപ്പിക്കുന്ന
രാജ്യാന്തര അത്‌ലറ്റിക് മീറ്റ് നടക്കുകയാണവിടെ.

മൈതാനത്തെ ചുറ്റി 200 മീറ്റർ  സ്പ്രിന്റ് ഇനം ആരംഭിക്കാൻ തുടങ്ങുകയായിരുന്നു അപ്പോൾ. മൈതാന മധ്യത്ത് ഹർഡിൽ മത്സരം കഴിഞ്ഞതിന്റെ അടയാളങ്ങൾ ഇപ്പോഴും ശേഷിക്കുന്നുണ്ട്.
200 മീറ്റർസ്പ്രിന്റിനായി  ഉസൈൻ ബോൾട്ട്, അസഫ പവൽ, യോഹാൻ ബ്ലേക്ക് തുടങ്ങി വമ്പൻ താര നിര ട്രാക്കിൽ വാം അപ്പ് നടത്തുന്നുണ്ട്.

വി ഐ പി ഗാലറിയിൽ പഴയ വസന്തം മരിയൻ ജോൺസ്, ഇയാൻ തോർപ്പ് തുടങ്ങിയവർ സെലിബ്രിറ്റികളായി മത്സരം തുടങ്ങുന്നത് കാത്തിരിക്കുന്നു. ആൾക്കൂട്ടത്തില് രണ്ടുപേരായി ഞാനും ആന്യയും സീറ്റുകളിൽ അമർന്നപ്പോൾ ഞങ്ങളുടെ അതേ നിരയിൽ, ഞങ്ങളിൽ നിന്ന് ഏകദേശം എട്ടാമതോ ഒൻപതാമതോ ആയി അയാൾ ഇരിപ്പുണ്ടായിരുന്നു.
ദിമിത്രി ബാരോസ് എന്ന റഷ്യക്കാരൻ മധ്യ വയസ്കൻ!
ഹെയ്റ്റിയിൽ, ഞങ്ങളുടെ കൈപ്പാടകലെ വെച്ച് സിറിയൻ ചാരനാൽ കൊല്ലപ്പെട്ട മിഖായേൽ ബാരോസിന്റെ ഇരട്ട സഹോദരൻ.

ഗാലറിയിലെ ആഡംബരച്ചെയറിലിരിക്കവേ അന്ന് പകൽ  അവിടെ നിന്ന് വാടകയ്ക്കെടുത്ത lamborghini gallardo യുടെ കീ ചെയിൻ, ആന്യ കൈ വിരൽത്തുമ്പിലിട്ട് വട്ടം ചുഴറ്റിക്കൊണ്ടിരുന്നു.

calvin klein ജീൻസും, thomas dean നിന്റെ ഓഫ് വൈറ്റ് ഷേർട്ടും, Audemars Piguet വാച്ചും,  Oakley സൺ ഗ്ലാസും, nikeഷൂവും അണിഞ്ഞ് കുറ്റിത്താടിയും അലസമായ മുടിയുമായിരുന്ന എന്നെ അൽപ്പ വസ്ത്ര ധാരിണികളായ ബൾഗേറിയൻ യുവതികൾ പാളി നോക്കുന്നുണ്ടായിരുന്നു.

dylan & george ജീൻസും, 410 bc ടി ഷേർട്ടും,  Omega വാച്ചും, Prada സൺ ഗ്ലാസും, Prada യുടെ തന്നെ മെറ്റൽബ്ലാക്ക് ഹാഫ്ഷൂവും അണിഞ്ഞ്, ആന്യ അതി സുന്ദരിയായി എന്റെ സമീപത്ത്, ജനക്കൂട്ടത്തിന്റെ ആകർഷണ വലയത്തിൽ തിളങ്ങിയിരുന്നു. അവളുടെ ശരീരത്തിൽ നിന്നും Jovan Black  പെർഫ്യൂമിന്റെ മാസ്മരിക ഗന്ധം പ്രസരിച്ചു...

ദിമിത്രി ബാരോസ് ഫോൺ അറ്റന്റ് ചെയ്യുന്നത് ഞങ്ങൾ സാകൂതം വീക്ഷിച്ചു. അങ്ങേത്തലയ്ക്കലെ സംസാരം കേട്ടിട്ടാവാം അയാളുടെ മുഖത്ത് ഒരു നടുക്കത്തിന്റെ ചാല് കീറുന്നത് ഞങ്ങൾ കണ്ടു. സഹോദരന്റെ മരണ വിവരമാവാം അയാൾ വളരെ വൈകി അറിയുന്നതെന്ന് ഞങ്ങൾ ഊഹിച്ചു.
തുടർച്ചയായി മൂന്ന് തവണ അയാൾ ഫോൺ അറ്റന്റ് ചെയ്തു.
ദിമിത്രി ബാരോസ് അതു വരെ കണ്ട ആളല്ലാതായി.
അയാളുടെ മുഖത്ത് അസ്വസ്ഥതയുടെ വിവിധ ഭാവങ്ങൾ നിഴലിട്ടു.

ഈ സമയത്ത് മൈതാനത്തെ വലിയ സ്ക്രീനിൽ കൗണ്ട് ഡൗൺ ആരംഭിച്ചു കഴിഞ്ഞിരുന്നു. ആവേശഭരിതരായ ജനക്കൂട്ടം ഗാലറികളിൽ നാലുപാടും എഴുനേറ്റു നിന്നു. തിരക്കും ഉന്മാദവും വർദ്ധിച്ചു. ദിമിത്രി ബാരോസ് ചാടി എഴുനേൽക്കുന്നതും അതിവേഗം പുറത്തേക്കെന്ന വണ്ണം നടക്കുന്നതും ഞങ്ങൾ കണ്ടു.

പെട്ടന്ന് തന്നെ കർമ്മ നിരതരായ ഞാനും ആന്യയും അയാൾക്കെതിരേ തിരക്കിലൂടെ നടന്നു.

സ്ക്രീനിൽ കൗണ്ട് ഡൗൺ അക്കങ്ങൾ തെളിഞ്ഞു മാഞ്ഞു.
10... 9... 8... 7... 6... 5...

ദിമിത്രി ബാരോസുമായി മുഖാമുഖം എത്തിയതും അയാളുടെ അടിവയറ്റിലേക്ക് പിസ്റ്റൾ അമർത്തിക്കൊണ്ട് ഞാൻ പുറത്തേക്ക് കണ്ണ് കാട്ടി. അയാൾ പതറിപ്പോയി.

ഗാലറിയിലെ ഉന്മാദാരവത്തെ അയാൾ ഒരു വേള വിസ്മരിച്ച് നിന്നു. അയാളുടെ മുഖത്ത് വിവിധ വർണ്ണങ്ങൾ നിറമാടി.

പൊടുന്നനെ അയാൾ എന്റെ കൈ തട്ടിമാറ്റിയിട്ട് ഗാലറിയുടെ താഴെ മൈതാനത്തേക്ക് ഊളിയിടാൻ തുടങ്ങി.

ഒന്ന് അമ്പരന്ന ഞാൻ അയാൾക്ക് പിറകേ ജനങ്ങളെ വകഞ്ഞ്  സാമാന്യം വേഗതയിൽ  അയാളെ പിന്തുടരാൻ തുടങ്ങി. എന്നിലേക്ക് തിരിഞ്ഞു നോക്കി മുന്നോട്ടാഞ്ഞ അയാൾ, നിമിഷം കൊണ്ട് അത്‌ലറ്റിക്  മത്സരം നടക്കുന്ന ട്രാക്കിലേക്ക് ഇറങ്ങി.
ഒട്ടൊരു നിമിഷം ഞാൻ സ്തബ്ദനായി!!!

സ്റ്റാർട്ടറുടെ ഗണ്ണിൽ നിന്ന് വെടിയൊച്ച മുഴങ്ങിയതും ഉസൈൻ ബോൾട്ടും, യോഹാൻ ബ്ലെക്കും, അസഫ പവലും ഓടാൻ ആരംഭിച്ചു. ജനക്കൂട്ടത്തിന്റെ ആരവം  പ്രകമ്പനം കൊണ്ടു. സ്റ്റേഡിയം കുലുങ്ങി.

ദിമിത്രി ബാരോസ് എന്തു ചെയ്യാൻ പോകുന്നു എന്ന് ഞാൻ ആലോചിച്ച് നിൽക്കവേ, നിമിഷ നേരം കൊണ്ട് അയാൾ ട്രാക്കിലേക്ക് കുതിച്ചിറങ്ങി.

ദിമിത്രി ബാരോസ് അവർക്കൊപ്പം അമിത വേഗത്തിൽ ട്രാക്കിലൂടെ ഓടി. ഞാൻ വിട്ടില്ല. ഗാലറിയുടെ മുന്നിരയ്ക്ക് തിരശ്ചീനമായി ഞാനും അതിവേഗത്തിൽ ഓട്ടം തുടങ്ങി.

ട്രാക്കിൽ പുറത്ത് നിന്നൊരാളെ കണ്ട് ജനക്കൂട്ടം
സ്റ്റേഡിയം അന്തം വിട്ടതായി പൊടുന്നനേ പരന്ന ഒരു ആശ്ചര്യ മുഴക്കത്തിന്റെ അനന്തമായ ശബ്ദ വീചികളിൽ നിന്ന് ഞാൻ മനസ്സിലാക്കി.

ഗാലറികളിലെ ഹർഷോൻമ്മാദത്തിന് പകരം, ട്രാക്കിൽ തീവ്രവാദിയെ കണ്ടതു പോലെ ജനക്കൂട്ടം ഒന്നടക്കം അലറി വിളിച്ചു.
ഓട്ടത്തിലായിരുന്ന കായിക താരങ്ങൾ നടുക്കത്തോടെ  ട്രാക്കിൽ നിന്ന് മൈതാനമധ്യത്തേക്ക് ഓടി ഒഴിയാൻ തത്രപ്പെട്ടു.

എന്റെ മുന്നിൽ നിസ്ചല ദ്രിശ്യങ്ങൾ പോലെ എന്തൊക്കെയോ നടക്കുന്നതായാണ് എനിക്ക് അനുഭവപ്പെട്ടത്.

പെട്ടന്ന് എവിടെ നിന്നൊക്കെയോ ഒരു നൊറ് വിസിലുകൾ മുഴങ്ങി. സ്റ്റേദിയത്തിലെ ടെറർ അലർട്ട് സൈറൺ ചെവിക്കുള്ളിലേക്ക് ശബ്ദമായി പാനു വന്നു.

ഞാൻ നോക്കവേ ദിമിത്രി ബാരോസ് ഗാലറിയുടെ വലതു മൂലയിലെ ജനക്കൂട്ടത്തിലേക്ക് പാഞ്ഞു കയറി. പൊലീസും മറ്റു സുരക്ഷാ ഉദ്യോഗസ്ഥരും നിറ തോക്കുകളുമായി ഗ്രൗണ്ടിലേക്ക് പാഞ്ഞിറങ്ങി. ആകാശത്ത്, ബൾഗേറിയൻ എയർഫോഴ്സിന്റെ ഹെലികോപ്ടറിന്റെ കാറ്റാടി ശബ്ദം ഇരമ്പി. അസ്ത്ര പ്രജ്ഞരായ ജനക്കൂട്ടം ഓടുകയും തട്ടിത്തടഞ്ഞു വീഴുകയും മരണഭയത്താലെന്ന വണ്ണം അലർച്ച മുഴക്കുകയും ചെയ്തു.

ഞാൻ ആ ബഹളത്തിനിടയിലൂടെ ദിമിത്രി ബാരോസിനെ ലക്ഷ്യമാക്കി പാഞ്ഞു കൊണ്ടിരുന്നു.

ഞാൻ ഏകദേശം ദിമിത്രി ബാരോസിനടുത്തെത്തുകയും പൊലീസിന്റെ തോക്കുകൾ ഗർജിക്കുകയും ചെയ്തത് ഒരേ നിമിഷത്തിലാണ്.

ഒന്ന് നിന്ന്, തല ചരിച്ച് ഒരു ഉലച്ചിലോടെ ബാരൊസ് മലച്ചു വീണു.
നാശം എന്ന് എന്റെ വായിൽ നിന്ന് ശബ്ദം പുറത്തേക്ക് തെറിച്ചു. ജനക്കൂട്ടം പരക്കം പായുന്നതിനിടയിൽ നൊടിയിട കൊണ്ട് പഞ്ഞു ചെന്ന ഞാൻ, അയാളുടെ കീശയിൽ നിന്നും രണ്ട് മൊബൈൽ ഫോണുകൾ കയ്യിലാക്കി.

നിമിഷം കൊണ്ട് ഞാൻ ജനക്കൂട്ടത്തിനിടയിലൂടെ പുറത്തേക്ക് പാഞ്ഞു.
ഗാലറിയെ മിലിട്ടറി വലയം ചെയ്തു കൊണ്ടിരുന്നു....



********************************************************************************


- തുടരും -




_______________________________________________________________________
_______________________________________________________________________



1*
Pearl of Antilles  -
ഹെയ്റ്റിയിലെ ട്രഡീഷണൽ കുസിൻസിൽ പെട്ട പ്രത്യേക ഫുഡ്.

2*
IAAF
[International Association of Athletics Federations]

തുടർന്ന് വായിക്കുവാൻ ഈ ലിങ്കിലേക്ക് പോകുക -
സിസിലിയാ കാസാ ആറ്

വെള്ളിയാഴ്‌ച, സെപ്റ്റംബർ 07, 2012

സിസിലിയാ കാസാ. [നാല്]

ഇതുവരെയുള്ള കഥയറിയാൻ,

സിസിലിയാ കാസാ. [മൂന്ന്]  

എന്ന അധ്യായം വായിച്ചതിന് ശേഷം തുടർന്ന് വായിക്കുക.

_______________________________________________________________________
_______________________________________________________________________


yaangpu city.
Shanghai
china

ശനിയാഴ്ച്ച.
രാത്രി 11.P.M.


ഹോട്ടൽ മുറിയിലെ പഞ്ഞി മെത്തയിൽ കിടക്കുന്ന ആന്യയ്ക്ക് നേരേ ആ ഫോട്ടോഗ്രാഫ് തിരിച്ച് ഞാൻ പറഞ്ഞു

ഇതാണ് ആന്ദ്രേ ഗുസ്ഥാവോ. ഇഗ്നാത്തിയോവിന്റെ കയ്യിൽ നിന്ന് സംഘടിപ്പിച്ചതാണ്. നാളെ പുലർച്ചെ തന്നെ ഇയാളെ  കണ്ടെത്തണം.

എന്റെ പ്രെയോറ, റഷ്യൻ എയർപോർട്ടിൽ ഉപേക്ഷിച്ചിട്ടാണ് ഞാൻ നിങ്ങൾക്കൊപ്പം രാജ്യം വിട്ടത്. എന്റെ സ്വത്തായിരുന്നു അത്. ഇനി അതെനിക്ക് സ്വന്തമാകുമോ? എന്റെ രാജ്യത്ത് എനിക്കിനി എത്തിപ്പറ്റാൻ കഴിയുമോ? എല്ലാം നിങ്ങൾ നശിപ്പിച്ചില്ലേ...?!

ഞാൻ പറയുന്നതിലല്ലായിരുന്നു അവളുടെ ശ്രദ്ദ എന്ന് മനസ്സിലാക്കിയ ഞാൻ ഫോട്ടോ ഗ്രാഫ് എന്റെ നേരേ തിരിച്ച് ഒന്നുകൂടെ നോക്കി

ഒന്നാംതരം ക്രിമിനൽ ആണെന്ന് മുഖത്ത് എഴുതി വച്ചിട്ടുള്ള ഒരു മെലിഞ്ഞു നീണ്ട മനുഷ്യൻ, ഏതോ യവന സുന്ദരിക്കൊപ്പം ബീച്ചിൽ നിൽക്കുന്ന ഫോട്ടോഗ്രാഫാണിത്...

ഞൻ, സേഫ്റ്റീ പിൻ കൊണ്ട് ആ ഫോട്ടോഗ്രാഫ് ചുമരിലെ ചൈനീസ് കലണ്ടറിലേക്ക് പിൻ ചെയ്തു വച്ചു.

യാത്രാ ക്ഷീണം കാരണം ഉറങ്ങിപ്പോയ ആന്യയ്ക്കൊപ്പം ഞാനും മയക്കത്തിലേക്ക് വീണു


*****************************************************************************

ഗുസ്ഥാവോയെ ഇവിടെ എവിടെയാണ് നമ്മൾ കണ്ടു പിടിക്കുന്നത്?
എനിക്കെന്തോ നിങ്ങളുടെ നിഗമനങ്ങൾ തെറ്റാണെന്ന് തോന്നുന്നു. അല്ലെങ്കിൽ ശരിയായാൽ തന്നെ ഇത്ര ക്രിത്യമായി നിങ്ങൾക്ക് അയാളേപറ്റിയുള്ള മുഴുവൻ വിവരങ്ങളും നൽകണെമെന്ന് അലക്സാണ്ടർ ഇഗ്നാതിയോവിന് എന്താണിത്ര നിർബന്ധം.

മരണ ഭയം. കെ ജി ബിയിൽ നിന്ന് മൂന്നുപേരെ തട്ടിയിട്ട് ചാടിപ്പോന്ന ക്രിമിനലാണിപ്പോ ഞാൻ. എന്റെ തോക്കിൻ മുൻപിൽ നിന്ന് അയാൾ വെളിപ്പെടുത്തിയ കാര്യങ്ങൾ സത്യസന്ധമാണെന്നതിന് രേഖകൾ സഹിതം അയാൾക്ക് നൽകേണ്ടി വന്നു. എന്റെ കൊലപാതക ശ്രമവുമായി പൊലീസ് അന്വേഷിച്ചെത്തിയ ആദ്യ പ്രതി ഗുസ്ഥാവോയാണെന്ന് ഇഗ്നാത്തിയോസ് പറഞ്ഞത് അയാൾക്ക് കിട്ടിയ തെളിവുകള് മൂലമാണ്. അന്ന് ആ മുറിയിൽ വെച്ച് ഞാൻ ഇഗ്നാതിയോവിനേക്കൊണ്ട് മോസ്കോ പൊലീസ് ഹെഡ് ഓഫീസിലേക്ക് വിളിപ്പിച്ച് ഈ വിവരണങ്ങൾ സത്യസന്ധമാണെന്ന് ഉറപ്പിക്കുകയും ചെയ്തു. ഇപ്പോൾ നമ്മൾ തിരയുന്ന ഗുസ്ഥാവോ ഒരു പക്ഷേ എനിക്കു നേരേയുണ്ടായ ആക്രമണത്തിലെ ആദ്യ കണ്ണിയായിരിക്കാം.  എങ്കിൽ മുഴുവൻ പേരേയും കണ്ടെത്തി സത്യം അറിയേണ്ടത് എന്റെ ആവ്ശ്യം തന്നെയാണ്. എന്നോടൊപ്പം തുടരുന്നെങ്കിൽ തുടരാം. ഇല്ലെങ്കിൽ പിരിയാം. ഇവിടെ വച്ച് പിരിഞ്ഞാൽ കൂടുതൽ പ്രശ്നങ്ങളില്ലാതെ, ഞാൻ നിങ്ങളെ കിഡ്നാപ് ചെയ്തതാണ് എന്ന് വിശദീകരിച്ച് നിങ്ങൾക്ക് റഷ്യൻ കുറ്റാന്വേഷകരിൽ നിന്ന് രക്ഷപെടാം.

ആന്യ എന്നെ മുഖം ചുളിച്ച് നോക്കിയിരുന്നു

ഇതാണ് അയാൾ എത്തിച്ചേർന്നിരിക്കുന്ന സ്ഥലം എന്ന് റഷ്യൻ കുറ്റാന്വേഷണ വിദഗ്ദർ അനുമാനിക്കുന്നിടം

ഞാൻ ഒരു കടലാസു കഷണം നിവർത്തി വായിച്ചു


*****************************************************************************


Hotel Les Suites Orient
Near Huangpu River Cruise
Shanghai.

ഞായറാഴ്ച്ച സായാഹ്നം.
07.00 P.M.

താങ്ങ് ച്വാവോ*1 വസ്ത്രമണിഞ്ഞ ജിങ്ങ്ജു  ഓപെറ*2 നടന്നു കൊണ്ടിരിക്കുന്ന വേദിക്കരികിലെ ആൾക്കൂട്ടത്തിലേക്കാണ് ഞങ്ങൾ എത്തുന്നത്.

ജനക്കൂട്ടത്തിനിടയിൽ മുൻ നിരയിൽ ആറാമതായി രണ്ട് ചൈനീസ് സുന്ദരികൾക്കരികിലായി ഗുസ്ഥാവോയെ ഞാൻ കണ്ടു. 
ഞാൻ അയാളെ നിരീക്ഷിച്ചുകൊണ്ടിരുന്നു.
അയാളെ കുടുക്കാൻ ഒരു പഴുത് എവിടെയെങ്കിലും ഉണ്ടാവുമെന്ന് കാത്തിരുന്നു.  പക്ഷേ ഒന്നിനും കഴിഞ്ഞില്ല.

ഓപെറ അവസാനിച്ചപ്പോൾ മെലിഞ്ഞ് നല്ല പൊക്കം തോന്നിപ്പിക്കുന്ന, മുഖത്ത് പാണ്ടുകൾ നിറഞ്ഞ ആ റഷ്യക്കാരൻ തന്റെ വാഹനത്തിനരികിലേക്ക് നടന്നു.

 ആൾക്കൂട്ടത്തിനൊപ്പം ഒഴുകി നീങ്ങിയ ഞാൻ അയാളിൽ നിന്നും ഒരു പത്തടി അകലത്തിൽ പിന്തുടർന്നു.

ആന്ദ്രേ ഗുസ്ഥാവോയുടെ അത്യാഡംബര വാഹനം -Aston Martin v12 Vantage ,  ഷാങ്ങായുടെ രാത്രിയിലേക്ക് തെന്നി നീങ്ങി.
എന്റെ അടുത്തല്ലെങ്കിലും ഏറെ സമീപത്തായി ആന്യ ഷെവ്ചെങ്കോവ് നടന്നു വരുന്നുണ്ടായിരുന്നു. ഞാൻ അവരുടെ മുഖത്തേക്ക് നോക്കി. പാർകിങ്ങ് ഏറിയയിലേക്ക് നടന്നു നീങ്ങുന്ന ഒരു ചൈനീസ് യുവതിയുടെ കാലുകൾ ലഹരിയുടെ ആധിക്യം നിമിത്തം കുഴയുന്നത് ഞാൻ ശ്രദ്ദിച്ചിരുന്നു. അവൾ നടന്ന് ചെന്ന് നിന്നത് BMW ന്റെ 730Li മോഡൽ കാറിനരികിലാണ്.

അവരുടെ അടുത്തേക്ക് പെട്ടന്ന് നടന്നു ചെന്ന ഞാൻ, യുവതി തുറന്ന ഡോറിലൂടെ അവൾക്കൊപ്പം അകത്തേക്ക് കയറി. അമ്പരന്നു പോയ യുവതി എനിക്ക് നേരേ തിരിഞ്ഞപ്പോഴേക്കും അവളുടെ ചെകിട്ടത്തും ചെന്നിയ്ക്കുമായി കൈപ്പത്തികൊണ്ട് ഒരെണ്ണം കൊടുത്തു.
മദ്യത്തിന്റെ ലഹരിയിൽ നിൽക്കാൻ വയ്യാത്ത അവസ്ഥയിലായിരുന്ന യുവതി അവിടെ തന്നെ കറങ്ങി വീണു. അപ്പോഴേക്കും ആന്യ എനിക്കൊപ്പം കാറിനുള്ളിലേക്ക് കടന്നിരുന്നു.

ഞങ്ങളുടെ ബി എം ഡബ്ല്യൂ പാളി നീങ്ങി.

27 Shaoxing Lu - വിലെ പത്ത് വരി ആകാശപ്പാതയിലൂടെ നൂറിൽ പായുന്ന ആസ്റ്റിൻ മാർട്ടിൻ വാന്റേജിന് പിന്നിലായി ഞങ്ങളുടെ BMW 730Li പറന്നു നീങ്ങി.

ഓറിയന്റൽ പേളിന്റെ ഇടതു വശത്തേക്കുളള  കട്ടിങ്ങ് തിരിയുന്നതോടെ ആന്ദ്രേ ഗുസ്ഥാവോയുടെ കാറിന് വേഗത കുറയുകയും അത് ങ്ഷ്വാൻ അപ്പാർട്ട്മെന്റിനരികിൽ നിൽക്കുകയും ചെയ്തു. ഇരമ്പിപ്പറന്ന ഞങ്ങളുടെ വാഹനം അതിന്റെ മുൻപിലേക്ക് പാളിത്തെന്നിച്ച് നിർത്തിയിട്ട് ചാടിയിറങ്ങിയ ഞാൻ തോക്ക് ചൂണ്ടുമ്പോൾ ആന്ദ്രേ ഗുസ്ഥാവോ നടുങ്ങിത്തെറിച്ച് പോയിരുന്നു.

ഡോർ തുറന്ന് ഇറങ്ങിയ ചൈനീസ് സുന്ദരികളിലൊരുത്തി അവളുടെ തോക്കെടുക്കാൻ ശ്രമിയ്ക്കുമ്പോഴേക്കും എന്റെ ട്രിഗർ ഞാൻ വലിച്ചു. ഒരു എക്കിൾ മുഴക്കത്തോടെ അവൾ പിടഞ്ഞു വീണു.
രണ്ടാമത്തെ യുവതി ഭിത്തിയിൽ മാന്തിപ്പിടിച്ചും തിരിഞ്ഞും മറിഞ്ഞും നിലത്തു വീണുമൊക്കെ ജീവനും കൊണ്ട് എവിടേക്കോ ഓടിപ്പോകുന്നത് കണ്ടു.

ഗുസ്ഥാവോയുടെ മുഖത്ത് നോക്കി ഞാൻ കണ്ണും മുഖവും ചരിച്ച് കാട്ടി. അയാൾ എനിക്ക് പിറം തിരിഞ്ഞു നിന്ന് കൈകൾ പിന്നിലേക്ക് പിണച്ചു വെച്ചു. ഞാൻ അയാളുടെ കൈകൾ ബന്ധിക്കാൻ ശ്രമിക്കുന്ന നിമിഷം അയാൾ പിൻ കാൽ കൊണ്ട് എന്റെ കാല്മുട്ടിലേക്ക് ചവിട്ടി.
എന്റെ  തോക്ക് കയ്യിൽ നിന്ന്  താഴേക്ക് വീണൂ. അയാളുടെ കാൽ എന്റെ മുഖത്തിനു നേരേ ഉയർന്ന് വന്നത് ഞാൻ തടഞ്ഞു.
എന്നിട്ട് ഞാനും കൊടുത്തു ഒരെണ്ണം.
ഏകദേശം പത്ത് മിനിട്ടോളം ഞങ്ങൾ പൊരിഞ്ഞ പോരാട്ടം തന്നെ നടത്തി. തുടർച്ചയായി അയാളുടെ മൂക്കിനിട്ട് ഞാൻ മുഷ്ട്ടി കൊണ്ട് ആറേഴു പ്രഹരങ്ങൾ കൊടുത്തതോടെ അയാൾ താഴേക്ക് വീണു. പൊക്കിയെടുത്ത് അയാളെ അയാളുടെ വാഹനത്തിലേക്ക് ഇട്ടിട്ട് അതിൽ കയറി ഞാനും ആന്യയും യാത്ര തുടർന്നു.

Aston Martin v12 Vantage പറന്നു.


*****************************************************************************


ഹെങ്ങ് ഷാങ്ങ് ലു.

ഇടിഞ്ഞു തകർന്ന പഴയ കെട്ടിട സമുച്ചയത്തിന് മേൽ വശത്തെ നില.

നന്നായിട്ടൊന്ന് പെരുമാറിയതു കൊണ്ട്, തൂണിൽ ചാരിനിന്ന് കിതയ്ക്കുകയാണ് ആന്ദ്രേ ഗുസ്താവോ എന്ന ആ നീളം കൂടിയ ക്രിമിനൽ.

ആന്യ അയാളുടെ തൊട്ട് പിറകിൽ ചൂണ്ടിയ തോക്കുമായി നിൽക്കുന്നു.

എനിക്ക് വിശദമായി ഒന്നും അറിയില്ല. അന്താരാഷ്ട്ര ഓപ്പറേഷൻസ് നടത്തുന്ന ഒരാൾ മാത്രമാണ് ഞാൻ. നിങ്ങളുമായി ബന്ധപ്പെട്ട ഈ ഓപ്പറേഷൻ എന്താണെന്ന് പോലും എനിക്ക് ഐഡിയയില്ല. എല്ലാം അവസാന ഘട്ടത്തിൽ മാത്രം ഞാൻ അറിയുക എന്നതാണ് ഞങ്ങളുടെ സംഘത്തിന്റെ പദ്ദതി. നിങ്ങളെ തലയിൽ മാരകമായി പരുക്കേൽപ്പിച്ചതിന് ശേഷം വെടിവെയ്ക്കുകയായിരുന്നു. എല്ലാം കഴിഞ്ഞതിന് ശേഷമാണ് എനിക്കീ സംഭവവുമായും നിങ്ങളെ പോലീസ് കണ്ടെത്തുന്ന സ്ഥലവുമായും ബന്ധം. നിങ്ങളെ കാറിന്റെ ഡിക്കിയിലാക്കി അവിടെ തള്ളുന്ന സമയത്ത് മാത്രമാണ് ഞാൻ ആ വാഹനത്തിൽ ഉണ്ടായിരുന്നത്...
ഗുസ്ഥാവോ ഇടതടവില്ലാതെ പറഞ്ഞു കൊണ്ടിരുന്നു.

എന്തിനാണെന്നെ ആക്രമിച്ചതെന്ന് നിങ്ങൾക്ക് തീർച്ചയായും അറിയാം എന്നു തന്നെയാണെന്റെ വിശ്വാസം. എന്ത് ഓപ്പറേഷനായിരുന്നു നിങ്ങൾക്ക് ആ സമയത്ത് ചെയ്യാനുണ്ടായിരുന്നത്.
ഞാൻ എന്റെ സംശയത്തിൽ മുറുകെപ്പിടിച്ചു.

എന്ത് ഓപ്പറേഷനായിരുന്നു എന്ന് എനിക്ക് ധാരണയില്ല.  നിങ്ങൾ ഞങ്ങളുടെ സംഘത്തിലെ നേതാക്കൻമ്മാരെ പിന്തുടർന്ന് ഹോട്ടൽ മുറിയിൽ എത്തിയെന്നും അതു കൊണ്ട് നിങ്ങളെ ഷൂട്ട് ചെയ്തു എന്നുമാണ് ആകെക്കൂടി ഈ നിമിഷം വരെ അറിയാവുന്നത്. കൂടുതലൊക്കെ അറിയാവുന്നത് മുകളിലുള്ളവർക്ക് മാത്രമാണ്. അവസാന കണ്ണിയാണ് ഞാൻ. എനിക്ക് താഴെ ആരുമില്ല. ഞാൻ അറിയാൻ പാടില്ലാത്ത കാര്യങൾ അവരിൽ നിന്ന് അറിയാൻ ശ്രമിച്ചാൽ എന്റെ ജീവൻ പോകും. അതു കൊണ്ട് സംഘം ഏൽപ്പിക്കുന്ന ദൗത്യം പിഴവില്ലാതെ അവസാനിപ്പിക്കുക എന്നതിനപ്പുറം എനിക്ക് മറ്റൊരു കാര്യത്തേക്കുറിച്ചും അറിയേണ്ടതയി വരുന്നില്ല...
ഗുസ്ഥാവൊയുടെ ഭാവം കരയും പോലെ ആണെന്ന് എനിക്ക് തോന്നി.


എവിടെയായിരുന്നു നിങ്ങളുടെ ഓപ്പറേഷൻ പ്ലാൻ ചെയ്തിരുന്നത്?

അപ്പോൾ അയാൾ വെള്ളത്തിന് ആംഗ്യം കാട്ടി.
ഞാൻ മിനറൽ വാട്ടർ അയാളുടെ കയ്യിലേക്ക് നൽകി. കുപ്പിയുടെ പാതിയോളം വെള്ളം അയാൾ ഒരിരുപ്പിന് കുടിച്ചിട്ട് പറഞ്ഞു.

മോസ്കോയിലെ,  Hotel Baltschug Kempinski യിലായിരുന്നു. പക്ഷേ അവിടെയുള്ള ആരുമായിരുന്നില്ല ഞങ്ങളുടെ എയിം എന്നാണെന്റെ തോന്നൽ. അവിടെ നിന്ന് എയിം ചെയ്യാവുന്ന മറ്റെന്തോ, മറ്റാരോ അതായിരുന്നിരിക്കാം ഓപ്പറേഷന്റെ അന്തിമ ലക്ഷ്യം.

 ഇത്തരം ഓപ്പറേഷനുകളിൽ നിങ്ങളുടെ പങ്ക് എന്താണ്?

ഓപ്പറേഷന്റെ വിജയം എന്റെ കൈയ്യിലൂടെയാണ്. ഞാനൊരു ഷാർപ്പ് ഷൂട്ടർ തന്നെയാണ്. എനിക്ക് തോന്നിയത് ഏതോ വ്യക്തികളെ ഉന്നം വെച്ചാണ് സംഘം എന്നെയവിടെ ദൗത്യമേൽപ്പിച്ചതെന്ന്ആണ്.

നിങ്ങൾക്ക് മേലേയുള്ള മൂന്ന് പേർ എവിടെയുണ്ട് ?

അറിയില്ല! അവർ പലയിടങ്ങളിലായിരിക്കും. അവർ വല്ലപ്പോഴുമേ ഒരുമിച്ച് കാണാറുള്ളു. ഓപ്പറേഷൻ അവർ പ്ലാൻ ചെയ്യും. അവസാനം അത് ഞാൻ നടപ്പിലാക്കും. എനിക്ക് തോന്നുന്നത് അതിനും മേലേ ഒരാൾ ഉണ്ടെന്നാണ്.അയാളുടെ കാര്യം ഇടയ്ക്ക് രണ്ട് തവണ അവരുടെ ഫോൺ സംഭാഷണങ്ങളിൽ നിന്ന് മനസ്സിലാക്കാൻ കഴിഞ്ഞു.

അവർ ആരൊക്കെയാണ്?

മിഖായേൽ ബാരോസ്, ദിമിത്രി ബാരോസ്, തോമസ് മനാമ... ഇതിൽ ബാരോസ് എന്ന് പേരുള്ളവർ, സഹോദരങ്ങളാണ്.

വിലപ്പെട്ട വിവരങ്ങൾക്ക് നന്ദി.
ഞാൻ പറഞ്ഞു.

ഞാൻ തോക്കിന്റെ കാഞ്ചി വലിച്ചു.
ആന്ദ്രേ ഗുസ്ഥാവോ എന്ന ക്രിമിനൽ ഇനി ഭൂമുഖത്തില്ല...

അയാളുടെ കീശയിൽ നിന്ന് സെൽ ഫോൺ എടുത്തു. യു എസ് ഡോളർ  $300,000 മതിപ്പ് വില വരുന്ന Sony Ericsson Black Diamond ഫോൺ ആയിരുന്നു അയാളുടെ പക്കൽ ഉണ്ടായിരുന്നത്.

കഴിഞ്ഞ രാത്രി റിസീവ് ചെയ്ത കോൾസ് ഞാൻ പരിശോധിച്ചു.
011 + 591 + 6 + 100 2508. എന്ന നംബരിൽ നിന്ന് അഞ്ചു കോളുകൾ വന്നതായും, കോൾ ഡ്യുറേഷനിൽ മണിക്കൂറുകളുടെ സംസാരം നടന്നിട്ടുണ്ടെന്നും കാണാമായിരുന്നു.


ഞാൻ ആ നംബര് മനസ്സിലേക്ക് ആവാഹിച്ചു.
ആന്യയെ നോക്കി,
ഇന്ന് രാത്രി നമ്മൾ ചൈന വിടും.

ഇനി എങ്ങോട്ട്?

അവൾക്കിപ്പോൾ അമ്പരപ്പുകളില്ലായിരുന്നു...
ഞാൻ ചിരിച്ചു.

പീപ്പിൾസ് ലിബറേഷൻ ആർമി എന്ന ലോകത്തെ ഏറ്റവും വലിയ കാലാൾപ്പടയുടെ മൂക്കിൻ തുമ്പിൽ അധിക നാൾ ഇവിടെ വിലസാൻ കഴിയില്ല. അതു കൊണ്ട് രാത്രിക്ക് രാത്രി നമ്മൾ ഇവിടം വിടും. അതിനുള്ള വഴി ഞാൻ കണ്ടിട്ടുണ്ട്.ഇനി പോകേണ്ടുന്ന സ്ഥലത്ത് എത്രയും വേഗം എത്തിയേ തീരൂ.

ആന്യ ടെറസിൽ നിന്ന് താഴെ ഒതുക്കിയിട്ടിരിക്കുന്ന മാർട്ടിൻ വിന്റേജ് കാറിലേക്ക് നോക്കി നഷ്ട്ട ബോധം കൊണ്ടു.

ആ കാർ ഇവിടെ ഉപേക്ഷിച്ചിട്ട് പോകാനോ???

പിന്നല്ലാതെ..! അത് വല്ലവരുടേയും കാർ അല്ലേ..?!!!

ഇനി ഏതു നരകത്തിലേക്കാണോ നിങ്ങളെന്നെ കൊണ്ടു പോകുന്നത്?

ചുറ്റിനും ഷ്വാങ്ങായ് നഗരം വെള്ളി വെളിച്ചത്താൽ തുളുമ്പിക്കൊണ്ടിരുന്നു.


 *****************************************************************************


El Alto International Airport.
la paz.
bolivia.


03.A.M.
ചൊവ്വാഴ്ച്ച പുലർച്ചെ.

ലാ പാസിലെ*3 എയർ പോർട്ടിൽ 24 മണിക്കൂർ നേരം തുറന്ന് പ്രവർത്തിക്കുന്ന റഷ്യൻ മണി ചേഞ്ച് ഓഫീസിൽ നിന്നും, അന്യയുടെ ബാഗിലും എന്റെ ബാഗിലും സംഭരിച്ച് വച്ചിരുന്ന മുഴുവൻ റബ്ബിൾസും, ഞങ്ങൾ ബൊളീവിയൻ കറൻസിയായ ബൊളീവിയാനോയിലേക്ക് എക്സ്ചേഞ്ച് ചെയ്തു. റബ്ബിന്റേയും ബോബിന്റേയും നിലവാരം അനുസരിച്ച് ബൊളീവിയൻ കറൻസി ഞങ്ങൾക്ക് മെച്ചപ്പെട്ടതായിരുന്നു.*4

1 RUB = 0.2124 BOB / 1 BOB = 4.7092 RUB

super 8 plymouth in ഹോട്ടലിലെ 110-ആം നംബർ റോയൽ സ്യൂട്ടിലണ് ഞാനും ആന്യയും തങ്ങിയത്

അന്ന് വൈകിട്ട് ഞങ്ങൾ സിറ്റിയിലൂടെ വെറുതേ ചുറ്റിക്കറങ്ങാനാണ് വിനിയോഗിച്ചത്.
ഒരു ദിനം റിലാക്സേഷന് വേണ്ടി മന:പ്പൂർവ്വം വിനിയോഗിക്കുകയായിരുന്നു.


*****************************************************************************


09. 45 A.M.
തിങ്കൾ

തെരുവിലെ ടാക്സിക്കാരന്റെ കീശയിൽ നിന്നുമാണ് ഞാനൊരു മൊബൈൽ ഫോൺ ചൂണ്ടിയത്. ഹോട്ടലിലെ സപ്ലയറുടെ പക്കൽ നിന്നും ഇനിയൊരെണ്ണവും. രണ്ടിലേയും സിമ്മുകൾ പുറത്തെടുത്ത് എന്റേയും ആന്യയുടേയും സെൽ ഫോണുകളിൽ ഇട്ടു.

ആന്യയാണ് 011 + 591 + 6 + 100 2508. എന്ന നംബരിലേക്ക് വിളിച്ച് റഷ്യൻ ഭാഷയിൽ ആ മൊബൈൽ നംബരിന്റെ ഉടമയോട് സംസാരിച്ചത്. റഷ്യനിലായത് കൊണ്ടും പെൺസ്വരം ആയതു കൊണ്ടും അജ്ഞാതനായ ആ വ്യക്തി സംസാരിക്കാൻ താല്പര്യം പ്രകടിപ്പിച്ചത് ഞങ്ങൾക്ക് ലഭിച്ച ബോണസ് ആയിരുന്നു.

ആന്യയുടെ സംസാരം വശീകരണത്തോടെ തന്നെയായിരുന്നു.
അവൾ അതിൽ ഗംഭീരമായി തന്നെ വിജയിച്ചു. ഫോണിന്റെ ഉടമസ്ഥൻ ഞങ്ങൾ തേടിക്കൊണ്ടിരുന്ന മൂവർ സംഘത്തിലെ തോമസ് മനാമ എന്നയാൾ ആയിരുന്നു. ലാ പാസ് മെരിഡിയനിൽ വെച്ച് രാത്രി ഡിന്നറിന് അയാൾ ആന്യയെ ക്ഷണിക്കുമ്പോൾ അയാൾക്ക് മേൽ മരണ മണി മുഴങ്ങുന്നുണ്ടെന്ന് ആ പാവം സത്യമായും അറിഞ്ഞു കാണില്ല.


*****************************************************************************


രാത്രി
08. 10

ലാ പാസ് മെരിഡിയനിലെ ബാങ്ക്വിറ്റ് ഹാളിലെ ഇരുണ്ട വെളിച്ചത്തിൽ, ആന്യയുടെ വെട്ടിത്തിളങ്ങുന്ന സൗന്ദര്യം കൊതിയോടെ നോക്കിയിരുന്ന് Pepe Lopez ന്റെ  Tequila സിപ് ചെയ്തു കുടിക്കുന്ന യുവ കോമളനെ ഞാൻ അതേ മുറിയുടെ മറ്റൊരു മൂലയിലിരുന്ന് വീക്ഷിച്ചു കൊണ്ടിരുന്നു.

എന്റെ മുൻപിലെ കോക്ടെയിൽ ഗ്ലാസിൽ Black Velvet  വിസ്കി നുരഞ്ഞു കൊണ്ടിരുന്നു. തോമസ് മനാമ അവളുടെ കയ്യിൽ ചുംബിക്കാൻ ശ്രമിക്കുന്നതും അവൾ ലാസ്യമായി കൈ പിൻ വലിച്ച് എന്തോ സംസാരിക്കുന്നതും ഞാൻ കണ്ടു.

തോമസ് മനാമ അൽപ്പ സമയത്തിന് ശേഷം ആന്യയുമായി ബാങ്ക്വിറ്റ് ഹാളിന് പുറത്തേക്ക് നടക്കുന്നത് ഞാൻ കണ്ടു. അപ്പോൾ ആന്യ എനിക്ക് നേരേ കണ്ണുകൾ പായിച്ച് സിഗ്നൽ നൽകി.

ലിഫ്ടിൽ ഇരുപതാം നിലയിലേക്ക് പോകുന്ന അവർക്ക് പിന്നാലെ ഞാനും മറ്റൊരു ലിഫ്ടിൽ അതേ നിലയിലേക്ക് ഉയർന്നു.

റൂം നംബർ 718 ൽ അവരിരുവരും കയറുന്നതും ഡോർ അടയുന്നതും ഞാൻ കണ്ടു.
റൂമിന് പുറത്ത് നിന്ന് അകത്തേക്ക് ശ്രദ്ദിച്ചപ്പോൾ ബൂട്ടിട്ട കാല്പെരുമാറ്റം അകന്ന് പോകുന്നതും ഒരു ഡോർ തുറന്ന് അടയുന്നതും പിന്നെ വാഷ്ബേസിനിൽ വെള്ളം വീഴുന്നതിന്റേയും ശബ്ദം എനിക്ക് വ്യക്തമായി. തോമസ് മനാമ ബാത് റൂമിലേക്ക് കയറിയിരിക്കുന്നു. പെട്ടന്ന് ഡോർ മൃദുവായി തുറക്കപ്പെട്ടു.
ആന്യ തുറന്ന് തന്ന ഡോറിലൂടെ അകത്തേക്ക് കയറിയ ഞാൻ നിമിഷങ്ങൾക്കകം കബോഡിന് പിന്നിലായി മറഞ്ഞു.
എന്റെ തോക്ക് ഞാൻ കയ്യിലെടുത്തു കരുതലോടെ കാത്തിരുന്നു

ടവ്വൽ കൊണ്ട് കൈ തുടച്ച് കടന്നു വന്ന തോമസ് മനാമ ആന്യയുടെ തുടുത്ത മാറിടത്തിലേക്ക് നോക്കി കുഴഞ്ഞ ശബ്ദത്തിൽ പറയുന്നതു കേൾക്കാമായിരുന്നു.

നിങ്ങളുടെ മാറിടം അസാമാന്യ വലുപ്പമുള്ളതാണ്... ആകൃതിയൊത്തതും.

അവൾ കുലുങ്ങിച്ചിരിച്ചു.

തോമസ് മനാമ ആന്യയെ ചുംബിക്കാnaaഞ്ഞതും ഞാൻ ശബ്ദമുണ്ടാക്കിക്കൊണ്ട് എഴുനേറ്റ് അയാളുടെ പിൻ കഴുത്തിലേക്ക് തോക്കമർത്തിക്കഴിഞ്ഞിരുന്നു. അയാളുടെ തലയിൽ അപായത്തിന്റെ അലാറം മുഴങ്ങുന്നത് എനിക്കും ആന്യയ്ക്കും പോലും കേൾക്കാമായിരുന്നു.


*****************************************************************************


എന്റെ മുഖത്തേക്ക് നോക്കി ഞെട്ടിത്തരിച്ചിരുന്നു കൊണ്ട് അയാൾ ചോദിച്ചു.

നിങ്ങൾ അന്ന് മരിച്ചതല്ലേ. മരണം ഉറപ്പിച്ചിട്ടാണ് ഞങ്ങൾ അവിടം വിടുന്നത്. ഇത് അദ്ഭുതം തന്നെ.

ദൈവം ചിലപ്പോൾ അങ്ങനെയാണ്. മനുഷ്യന് വേണ്ടി  പ്രതീക്ഷിക്കാത്ത അദ്ഭുതങ്ങൾ കാത്തു വെച്ചിട്ടുണ്ടാവും.
ഞാൻ ചിരിച്ചു.

അയാൾ, താൻ സ്വപ്നം കാണുകയാണോ എന്നായിരിക്കാം ആലോചിക്കുന്നതെന്ന് തോന്നി.

ഞാൻ തുടർന്നു.
സത്യത്തിൽ എന്റെ അനുമാനങ്ങളാണ് നിങ്ങളെ തേടി എന്നെ ഇവിടെ വരെ കൊണ്ടെത്തിച്ചത്. ഇപ്പോൾ എനിക്ക് ഉറപ്പായി ഞാൻ വളരെ ശരിയായ പാതയിൽ തന്നെയായിരുന്നു എന്ന്. പറയൂ എന്തിനാണെന്നെ കൊല്ലാൻ തുനിഞ്ഞത്? ഞാനും നിങ്ങളും തമ്മിലുള്ള ബന്ധം എന്താണ്? സാവധാനം പറഞ്ഞാൽ മതി. നമുക്ക് പുലർച്ചെ വരെ സമയമുണ്ട്. നിങ്ങൾക്ക് ഉറക്കം വരുമ്പോൾ പറഞ്ഞോളൂ... ഇനി ഉണരാത്ത വിധം ഉറക്കാൻ എന്റെ തോക്ക് റെഡിയായിരിപ്പുണ്ട്.

നിങ്ങളും ഞാനും തമ്മിൽ എന്തു ബന്ധമാണ്. നിങ്ങളെ കൊല ചെയ്യാനുള്ള തീരുമാനം വന്നത് ബാരോസ് ബ്രദേഴ്സിൽ നിന്നാണ്..

ബാരോസ് ബ്രദേഴ്സ് ഇപ്പോ എവിടെയുണ്ട്.

അവരിപ്പോ എവിടെയുണ്ടെന്ന് എനിക്കറിയില്ല

ഞാൻ റൂമിനുള്ളിൽ ആകമാനം നോക്കി.
അന്ന് പകലെപ്പോഴോ തുറന്നു വെച്ച നിലയിൽ തോമസ് മനാമയുടെ   ലാപ് ടോപ്  ടേബിളിൽ ഇരിപ്പുണ്ടായിരുന്നു.   ലോഗൗട്ട് ചെയ്യാത്ത വിധം അയാളുടെ ഫേസ്ബുക്ക്, ജി മെയിലുകൾ ഇന്റെർ നെറ്റിൽ ഞങ്ങൾ കണ്ടു.

അയാളുടെ മെയിലുകളും, ഫേസ്ബുക്ക് പ്രൊഫൈലും വിവിധ ടാബുകളിലായി ആന്യ സേർച്ച് ചെയ്യാൻ തുടങ്ങി.

ആന്യ അയാളുടെ മെയിലിലെ ഇൻബോക്സിൽ നിന്നും , അയാളുടെ മെയിൽ ഐഡി,  thomasmanama.rsa@BigString.com എന്നാണെന്ന് മ്നസ്സിലാക്കി അത് എന്നോട് പങ്ക് വെച്ചു.

Aol Search എഞ്ചിനിൽ മറ്റൊരു ടാബ് ഓപ്പൺ ചെയ്ത് അവൾ  BigString.com മെയിൽ തുറന്നിട്ട്, അയാളുടെ ഐഡി ടൈപ്പ് ചെയ്യുകയും പാസ്വേഡ് ആവ്ശ്യപ്പെടുകയും ചെയ്തു. അയാൾ പറഞ്ഞു കൊടുത്ത പാസ്വേഡ് അവൾ ടേബിളിലെ ഒരു നോട്ട് പാഡിൽ കുറിച്ച് വെച്ചു.
ഒപ്പം പാസ്വേഡ് ടൈപ്പ് ചെയ്ത് അയാൾ പറഞ്ഞത് കറക്ട് തന്നെയെന്ന് ഉറപ്പിക്കുകയും ചെയ്തു.

അയാൾക്ക് വന്ന മെയിലുകളിൽ കുറേ ഫോട്ടോസ് പെട്ടന്നാണ് ആന്യ കാണുന്നത്. അവൾ അത് ഓപ്പൺ ചെയ്തു. ഇരട്ടകളെന്ന് ദ്യോതിപ്പിക്കുന്ന മുഖമുള്ള രണ്ടു പേരുടെ വിവിധ ഫോട്ടോകൾ.

കിട്ടിപ്പോയ് നീൽ.  ഇതാണ് ബാരോസ് സഹോദരൻമ്മാർ. ആന്യ വളരെ സന്തോഷത്തോടെ, എന്നോടായി ഉറക്കെ പറഞ്ഞു.

എന്റെ ശ്രദ്ദ ഒന്ന് പാളിയ നിമിഷമായിരുന്നു അത്.
ജനാലച്ചില്ലു തകർന്നുടയുന്ന ശബ്ദം കേട്ട് നോക്കുമ്പോൾ ഇരുപതാം നിലയിൽ നിന്ന് ഒരു പഞ്ഞിത്തൂവൽ പോലെ തോമസ് മനാമ താഴേക്ക് പതിക്കുന്നതാണ് ഞങ്ങൾ കാണുന്നത്.

ഞങ്ങൾ അപ്രതീക്ഷിതമായി നടുങ്ങിപ്പോയി.
എന്താണ് സംഭവിച്ചതെന്ന് ഞങ്ങൾക്ക് മനസ്സിലാക്കാൻ കഴിഞ്ഞില്ല.

അയാൾ ആ വലിയ കെട്ടിടത്തിന്റെ ഇരുപതാം നിലയിൽ നിന്നും  ജനാലച്ചില്ലുകളും തകർത്ത് താഴേക്ക് ചാടിയിരിക്കുന്നു.
അതോടെ ഞങ്ങൾ ആപത് ശങ്കയിലായി.

നാശം ഞാൻ തലയ്ക്ക് അടിച്ച് നിരാശയോടെ പല്ലിറുമ്മി.

ഒട്ടൊരു സംഭ്രമത്തിന് ശേഷം ആന്യ വീണ്ടും ആ ഫോട്ടോഗ്രാഫിലേക്ക് മിഴി പായിച്ചു.

അവൾ ആവേശത്തോടെ പറഞ്ഞു.-
ഇന്ന് പകൽ വന്ന മെയിലാണ്. മിലാൻ ബാരോസിന്റേതാണ് ഈ മെയിൽ. Plaine du Cul de Sac എന്ന ഉയരം കൂടിയ കോട്ടയിൽ വെച്ച് അവർ എടുത്തിരിക്കുന്ന ഫോട്ടോയാണിത്.ഹെയിറ്റിക്കും ഡൊമിനിക്കൻ സ്റ്റേറ്റിനും അതിർത്തി പ്രദേശത്തെ ഈ സുന്ദര സ്ഥലം, തോമസ് മനാമ നഷ്ട്ടപ്പെടുത്തരുത് എന്നും ഇനി ഒരാഴ്ച്ച കൂടി അവർ അവിടെയുണ്ടാവുമെന്നും ഈ മെയിലിൽ വിശദമാക്കിയിട്ടുണ്ട്. ഇതിൽ കൂടുതൽ വിവരങ്ങൾ നമുക്കിനി തോമസ് മനാമയിൽ നിന്നായാലും നിന്നായാലും കിട്ടാനില്ലല്ലോ.
ആന്യയുടെ മറുപടി, എന്റെ നിരാശയെ പറപ്പിച്ചു കളഞ്ഞു.

ഞാൻ അവൾക്കടുത്തേക്ക് ചെന്നു.
ഒരു നിമിഷം അവളുടെ മുഖത്തേക്ക് നോക്കി ഞാൻ നിന്നു.
അന്നാദ്യമായി അവളെ ഞാൻ ചുംബിച്ചു...

അവളുടെ തേൻ ചുണ്ടുകൾ ഒരു സിൽക്കാരത്തോടെ എന്റെ ചുണ്ടുകൾക്കിടയിൽ നിന്ന് വലിച്ചെടുത്തിട്ട് അവൾ എന്റെ കണ്ണിലേക്ക് രൂക്ഷമായൊന്ന് നോക്കി.

റൂം നംബർ 718 ൽ   നിന്നും, അയാളുടെ വില കൂടിയ ലാപ് ടോപ്,  Apple MacBook, സെൽ ഫോണായ Apple iPhone 4S, AUDEMARS PIGUET ന്റെ Royal Oak വാച്ച് എന്നിവ അതിവേഗം ഞങ്ങൾ ഒരു ബാഗിലാക്കി. 
smith & wesson, Springfield തുടങ്ങിയ രണ്ട് ഹാന്റ് ലോഡഡ് പിസ്റ്റളുകളും, ഒപ്പം മൂന്ന് കാർട്ടൺ ബോക്സ് നിറയെ winchester silvertip 10mm വെടിയുണ്ടകളും ഞങ്ങൾക്ക് അവിടെ നിന്ന്  ലഭിച്ചു.....

കെട്ടിടത്തിൽ നിന്ന് വീണ ആളിന്റെ മരണം അന്വേഷിച്ച് താഴെയെത്തിയ പൊലീസ് ജീപ്പിന്റെ സൈറണുകളുടെ നീണ്ട ശബ്ദം കേട്ടതോടെ ഞങ്ങൾ അവിടെ നിന്നും അതിവേഗം പുറത്തിറങ്ങി.
ലിഫ്ട് ഗ്രൗണ്ട് ഫ്ലോറിലേക്ക് താണിറങ്ങിക്കൊണ്ടിരിക്കുമ്പോൾ അന്ന് തന്നെ ബൊളീവിയ വിടുന്നതിന്റെ ആലോചനകളിലായിരുന്നു ഞാൻ.


*****************************************************************************


El Alto International Airport.

പാസ്പോട്ടിലെ ചില കള്ളത്തരങ്ങളും ചെറിയ ചില പൊടിക്കൈകളും വീശി, ഞങ്ങൾ സെക്യൂരിറ്റി  ക്ലിയറൻസ് കടന്ന് വിമാനത്തിൽ കയറിയിരുന്നു.

പിറ്റേന്ന് ഉച്ചയോടെ ഞങ്ങൾ ലാ പാസ് വിട്ടു.

ബൊളീവിയയിൽ നിന്നും അടുത്ത രാജ്യത്തേക്ക്....


*****************************************************************************



- ഇനി ഹെയ്റ്റിയിലെ അങ്കങ്ങളിലേക്ക്.... -



_______________________________________________________________________
_______________________________________________________________________

*1
താങ്ങ് ച്വാവോ ( Táng Cháo = Tang Dynasty):
ഒരുതരം ചൈനീസ് പരമ്പരാഗത വസ്ത്രം.

*2
ജിങ്ങ്ജു [jingju ] ഒരു ചൈനീസ് ഓപ്പെറ:
ചില സ്ട്രിങ്ങ് ഉപകരണങ്ങളും ചൈനീസ് സംഗീതോപകരണങ്ങളും ചേർന്ന് വേദിയിൽ സംഗീതവും അഭിനയവും ചേർത്ത് നടത്തുന്ന കലാപരിപാടിയാണ് താങ്ങ് ച്വാവോ.

*3
La paz.
ലാപ്പാസ് എന്ന നഗരം  മെക്സിക്കോയിലുമുണ്ട്. മെക്സിക്കോയിലെ ലാ പാസ് ആണ് പ്രശസ്ഥം. മെക്സിക്കോയിലെ   ലാ പാസ്,  അറിയപ്പെടുന്ന വിനോദ സഞ്ചാര കേന്ദ്രം കൂടിയാണ്.

*4
[A] റബ്ബിൾസ് [Russian Ruble] 
റഷ്യൻ കറൻസി

[B] ബോബ് / ബൊളീവിയാനോ [Bob]
ബൊളീവിയൻ കറൻസി .

തുടർന്ന് വായിക്കുവാൻ ഈ ലിങ്കിലേക്ക് പോകുക
http://padaarblog.blogspot.in/2012/09/blog-post_10.html



തിങ്കളാഴ്‌ച, സെപ്റ്റംബർ 03, 2012

സിസിലിയാ കാസാ. [മൂന്ന്]

ഇതുവരെയുള്ള കഥയറിയാൻ,

സിസിലിയാ കാസാ. [രണ്ട്]

എന്ന അധ്യായം വായിച്ചതിന് ശേഷം തുടർന്ന് വായിക്കുക.



 ______________________________________________________________________
 ______________________________________________________________________



മോസ്കോ.
06. A.M.
വെള്ളി.


Vozdvizhenka തെരുവിനേക്കുറിച്ച് എന്തെങ്കിലും വിവരങ്ങൾ ലഭിക്കും എന്ന ഉറച്ച വിശ്വാസത്തിലാണ് ആന്യ, തന്റെ സുഹ്രുത്തും പൊലീസ് ഡിറ്റക്ടീവുമായ വെറോണികാ തിമോത്തിയെ വിളിക്കുന്നത്.

അവർക്ക് സംശയമേ തോന്നാത്ത രീതിയിൽ അന്വേഷണം നടത്തിയപ്പോൾ വെറോണിക്കാ തിമോത്തി ചുരുക്കത്തിൽ കാര്യങ്ങൾ വിശദീകരിച്ചു.

അലക്സാണ്ടര്‍ ഇഗ്നാത്തീവ് ഒരു പഴയകാല അധോലോക നേതാവാണ്.  ഇപ്പോൾ പൊലീസിന് വിവരങ്ങൾ നൽകുന്ന ദൂതനാണയാൾ.  Vozdvizhenka  തെരുവ് അയാൾക്ക് മനപ്പാഠമാണ്. ആ തെരുവിലെ ഇന്നത്തെ പ്രമുഖ വിധ്വംസക ഗ്രൂപ്പുകളേക്കുറിച്ചൊക്കെ  പൊലീസിന് വിവരം നൽകുന്നത് ആ മനുഷ്യനാണ്. വലിയ അംഗ രക്ഷകരുടെ മദ്ധ്യത്തിൽ അതീവ സുരക്ഷിതനായി കഴിയുന്ന അയാളെ കാണുകയാണെങ്കിൽ മാത്രമേ ആ തെരുവിനേക്കുറിച്ചും, അവിടെ നടക്കുന്ന ക്രിമിനൽ നടപടികളേക്കുറിച്ചും അറിയാൻ കഴിയൂ... ആഭ്യന്തര മന്ത്രാലയത്തിന്റെ  അടുത്ത ആളായതിനാൽ  അയാളെ ഒന്ന് കണ്ടു കിട്ടുന്ന കാര്യം തന്നെ ബുദ്ധിമുട്ടാണ്.

ആന്യ, വെറോണിക്കയിൽ നിന്ന് - അലക്സാണ്ടർ ഇഗ്നാത്തീവിന്റെ -  ഫോൺ നംബരും  വിലാസവും  സംഘടിപ്പിച്ചു.

പ്രയോജനപ്പെടുമെങ്കിൽ അയാളെ എങ്ങനെയായാലും കണ്ടേ തീരൂ
ഞാൻ മനസ്സിലുറപ്പിച്ചു


*************************************************************



10. A.M.
വെള്ളി.

ഇരുണ്ട തെരുവിലെ കൊട്ടാരം പോലെയുള്ള വീടായിരുന്നു അത്.

മതില് ചാടിക്കടന്ന് ഞാൻ അകത്തെക്ക് കയറി. ഒരു ആയോധന വ്യായാമത്തിന് സന്നദ്ദനായാണ് ഞാൻ ആ വലിയ വീടിന്റെ മതിൽക്കെട്ടിനുള്ളിലേക്ക് കടന്നത്. തിര നിറച്ച മൂന്ന് കൈ തോക്കുകൾ എന്റെ പക്കലുണ്ടായിരുന്നു.

 ഉദ്യാനം നനച്ചുകൊണ്ടിരുന്നയാളെ കീഴ്പ്പെടുത്തി അയാളുടെ വസ്ത്രങ്ങളണിഞ്ഞ് ബംഗ്ലാവിന്റെ പുറകിലേക്ക് നടക്കുമ്പോൾ പകൽ നേരമായിട്ടും ഒരു കുഞ്ഞു പോലും ശ്രദ്ദിച്ചില്ലല്ലോ എന്ന് ഞാൻ അദ്ഭുതപ്പെട്ടു. പൊലീസ് , ഭയങ്കര സുരക്ഷാ സംവിധാനം എന്നൊക്കെ ഇതിനെയാണോ പറയുന്നത് എന്ന് ഞാൻ അമ്പരന്നു.

കിച്ചൺ ശൂന്യമായി കിടന്നിരുന്നു.
ഞാൻ അകത്തേക്ക് കയറിയപ്പോൾ ഒരു സ്ത്രീ എതിരേ വന്നെങ്കിലും അവർ എന്നെ ശ്രദ്ദിച്ചില്ല. മറ്റെന്തോ ആലോചനയിൽ അവർ നടന്നു പോയി.

മുകൾ നിലയിലെ ഇടനാഴിയിൽ വച്ച് എന്റെ പ്രതീക്ഷകളെ ആ വീട് തകർത്തു കളഞ്ഞു. ഇടനാഴിയിൽ ആയുധ ധാരികളായ നാലു പേർ ജാഗരൂകരായി നിന്നിരുന്നു. ഞാൻ ഒരു ഭിത്തിയുടെ മറവിൽ നിന്ന് അടുത്തത് എന്ത് ചെയ്യണമെന്ന് ആലോചിക്കുമ്പോഴാണ് ഒരു  സെർവന്റ്   ഒരു ട്രേയിൽ വൈനുമായി നടന്ന് വരുന്നത് കണ്ടത്.
ഞാൻ നിന്നിരുന്ന വശത്തെ,  ഡോറിൽ പതിയെ തള്ളി.  വാതിൽ അകത്തേക്ക് തുറന്നു.
മുറിയ്ക്കകം ശൂന്യമാണ്.
സെർവന്റ് നടന്ന് അടുത്തെത്തിയതും ഞാൻ അയാളെ ബലമായി പിടിച്ചു. ട്രേ താഴെ വീഴാത്ത രീതിയിൽ എനിക്ക് അത് ബാലൻസ് ചെയ്യാനും പറ്റി. അയാളുടെ തലയ്ക്ക് പിൻ വശത്ത് ഞാൻ കൊടുത്ത പ്രഹരം ആ മനുഷ്യന് നിത്യശാന്തി നൽകിയെന്നാണ് തോന്നുന്നത്.

അവിടുന്ന് അയാളുടെ  യൂണിഫോം ആണിഞ്ഞ് അലക്സാണ്ടർ ഇഗ്നോത്തീയോവിന്റെ റൂമിലേക്ക് കയറി. അവിടെ നിന്നിരുന്ന അംഗ രക്ഷകർ അലസൻമ്മാരായിരുന്നു എന്ന് തോന്നി. അവർ മറ്റെന്തോ സംസാരിച്ച് നിന്നതിനാൽ എന്നെ ശ്രദ്ദിച്ചതേയില്ല.

നിമിഷങ്ങൾ കൊണ്ട് കതക് ലോക്ക് ചെയ്ത്, ഞാൻ തോക്ക് ചൂണ്ടിയപ്പോൾ അയാളുടെ നെറ്റിയിൽ വിയർപ്പ് പൊടിഞ്ഞു.

എനിക്ക് ചില കാര്യങ്ങൾ അറിയാനുണ്ട്. നിങ്ങളെ കൊല്ലാൻ വന്നതല്ല. എന്ന ആമുഖത്തോടെ ഞാൻ കുറേ കാര്യങ്ങൾ ചോദിച്ചു.

അയാളുടെ മറുപടികളും കേട്ട് ഞാൻ തിരിച്ചിറങ്ങുമ്പോൾ ബെഡ് ഷീറ്റ് കൊണ്ട് കൈ കാൽകളും വായും മൂടിക്കെട്ടിയ നിലയിൽ വാല്യക്കാരൻ അകത്ത് തന്നെ കിടപ്പുണ്ടായിരുന്നു.

ഇഗ്നോത്തീയോവിന്റെ അംഗ രക്ഷകരെ സമർഥമായി പറ്റിച്ചതിന്റെ ത്രില്ലിലാണ് ഞാൻ ആന്യയുടെ പ്രിയോറയിലേക്ക് കയറിയിരിക്കുന്നത്.


*************************************************************

01. PM
വെള്ളി.


മോസ്കോയിൽ നിന്ന് തിരിക്കുമ്പോൾ എ ക്ലാസ് മെഴിഡസ് ബെൻസുകൾ നാലെണ്ണം ഞങ്ങളെ പിന്തുടർന്നു തുടങ്ങി.

കെ ജി ബി.... ആന്യയുടെ മുഖം ഭീതി കൊണ്ട് വിളറി.

ഒന്നും നോക്കണ്ട. എയർ പോർട്ടിലേക്ക്  വേഗത്തിൽ വിട്ടോളൂ!
ഞാൻ പിന്നിലേക്ക് നോക്കി പറഞ്ഞു.

ആന്യയുടെ കൈ വിറച്ചു. അവളെ വിയർത്തു... വാഹനത്തിന് സ്പീഡ് കുറയുന്നു എന്നു തോന്നിയ ഘട്ടത്തിൽ ഞാൻ അവളെ വലിച്ച് മാറ്റിയിട്ട് ഡ്രൈവിങ്ങ് നിയന്ത്രണം ഏറ്റെടുത്തു.
പ്രയോറി നൂറിൽ നൂറ്റിപത്തെന്ന മട്ടിൽ പറക്കാൻ തുടങ്ങി.

അവൾ അലറി.
നിങ്ങൾക്ക് ഡ്രൈവിങ്ങ് അറിയാമോ? നിങ്ങൾ കൊല്ലാൻ കൊണ്ടു പോകുകയാണോ മനുഷ്യാ...

വഴിയിൽ വെച്ച് ഞാൻ പിന്തുടർന്ന് വന്ന കാറുകളെ സമർഥമായി  കബളിപ്പിച്ച്, ഒരു സബ് വേയിലൂടെ പാഞ്ഞു. ആന്യ വഴി പറഞ്ഞു തന്നു കൊണ്ടിരുന്നു. എയർപോർട്ട് ലക്ഷ്യമാക്കി ഞങ്ങൾ വാഹനത്തിലിരുന്ന് ഉലഞ്ഞു...

റഷ്യ മുഴുവനും എന്റെ ഫൊട്ടോ പതിപ്പിച്ച ലുക്ക് ഔട്ട് നോട്ടീസ് ഇറക്കിയിട്ടുണ്ടാവും അവർ. ടാക്സി സ്റ്റാന്റ്, ബസ് സ്റ്റാന്റ്, റെയിൽവേ സ്റ്റേഷൻ, മെട്രോ, ട്രാം സ്റ്റേഷൻ, എയർപോർട്ട് എല്ലായിടത്തും.... ഇനി റഷ്യയിൽ എനിക്ക് നില നിൽപ്പില്ല. തന്നേയുമല്ല അലക്സാണ്ടർ ഇഗ്നാത്തിയോവ് നൽകിയ അറിവ് വെച്ച് എന്റെ ഇപ്പോഴത്തെ അവസ്ഥയ്ക്ക് കാരണമായ സങ്കീർണതകൾ കണ്ടു പിടിക്കാൻ നമുക്ക് മറ്റൊരിടത്തേക്ക് പോയേ തീരൂ

മറ്റൊരിടത്തേക്കോ എവിടേക്ക്?

ചൈന!

ചൈനയോ? ദൈവമേ... നിങ്ങളന്ത് അസംബന്ധമാണ് പറയുന്നത്?
ആന്യ ഞെട്ടി.

അലക്സാണ്ടർ ഇഗ്നാതിയോവ് വലിയ പുള്ളിയാണ്. അയാൾ എല്ലാം ഏർപ്പാടാക്കിയിട്ടുണ്ട്. ക്ലിയറൻസൊക്കെ പുല്ലുപോലെ നടത്തി നമുക്ക് വിമാനത്തിൽ കയറാനുള്ള എല്ലാ സൗകര്യങ്ങളും അയാളുടെ ഒറ്റ ഫോൺ കോളിലൂടെ കഴിഞ്ഞിട്ടുണ്ട്.
ഞാൻ ആന്യയെ നോക്കാതെ പറഞ്ഞു.

നിങ്ങളെ ചൈനയിലെത്തിക്കാനായി  വിമാന യാത്രയ്ക്ക് വേണ്ട ഒരുക്കങ്ങൾ അയാൾ നടത്തിയെന്നോ? ഒരു പരിചയവുമില്ലാത്ത നിങ്ങൾക്ക് വേണ്ടി? അവിശ്വസനീയം. നിങ്ങൾക്ക് മെന്റലാണോ എന്ന് സ്ഥിരീകരണം ലഭിച്ചാലല്ലാതെ പറയാൻ പറ്റാത്തൊരു സ്റ്റേജിലാണ് നിങ്ങളെ അവർ തടവിൽ കൊണ്ടു പോയത്. ഇപ്പോ സ്ഥിരീകരണം ആയിക്കഴിഞ്ഞു. നിങ്ങൾക്ക് മെന്റല് തന്നെ.

അലക്സാണ്ടർ ഇഗ്നാതിയോവിന്റെ ചെന്നിയിൽ റൈഫിൾ അമർത്തി അയാളുടെ ഫോണിൽ നിന്നും അയാളേക്കൊണ്ട് വിളിപ്പിച്ച് പറഞ്ഞിട്ടാണ് ഞാൻ അവിടുന്ന് ഇറങ്ങിയത്.

ആന്യ നിഷേധാർഥത്തിൽ തലയാട്ടി.
അയാൾ, ഇപ്പോൾ പൊലീസിനോട് പറഞ്ഞിട്ടുണ്ടാവില്ലേ. എയർ പോർട്ടിൽ നമ്മെ പ്രതീക്ഷിച്ച് അവർ ജാഗരൂകരായിരിക്കുകയാവും.

ഏയ് അയാൾ പറയാൻ വഴിയില്ല. അയാലെ ഞാൻ മയക്കി കിടത്തിയിരിക്കയാണ്. ഇനി അഞ്ചോ ആറോ മണിക്കൂർ കഴിയാതെ അയാൾ മയക്കം വിട്ടുണരില്ല.
ഞാൻ ചിരിച്ചു.

ജീസസ്...  ചൈനയിലേക്ക് എന്തിന് പോകണം? നിങ്ങൾക്ക് ഇൻഡ്യയല്ലേ നല്ലത്..?

എന്നെ ആക്രമിച്ചവരുടെ സംഘത്തേക്കുറിച്ച് ഇഗ്നാത്തിയോവിന്റെ സംശയം അയാൾ എന്റെ മുൻപിൽ പങ്കു വെച്ചു.  ഒരു ഇൻഡ്യൻ യുവതിയേയും, യുവാവിനേയും കൊലപ്പെടുത്തിയതോ, കൊലപ്പെടുത്താൻ ശ്രമിച്ചതോ ആയ കേസിൽ പൊലീസ് അന്വേഷണം നേരിട്ടയാൾ ആണ് അന്ദ്രേ  ഗുസ്താവോ. സമയവും സന്ദർഭവും സാഹചര്യങ്ങളും അറിഞ്ഞതിൽ നിന്ന് അലക്സാണ്ടർ ഇഗ്നാത്തിയോവ് അനുമാനിക്കുന്നത് എന്നേയും അങ്കിതാ ത്രിപാഠിയേയും ആക്രമിച്ചതിനാവാം അന്ദ്രേ  ഗുസ്താവോയെ പൊലീസ് തിരഞ്ഞതെന്നാണ്. തെളിവുകൾ ലഭ്യമല്ലാതിരുന്നതിനാലും, അറസ്റ്റ് ചെയ്യപ്പെടാഞ്ഞതിനാലും ആന്ദ്രേ ഗുസ്ഥാവോ എന്ന ബുദ്ധിമാനും സമർഥനുമായ ക്രിമിനൽ ചൈനയ്ക്ക് കടന്നു കഴിഞ്ഞു. അയാളെ തിരഞ്ഞാണ് നമ്മൾ പോകാൻ തുടങ്ങുന്നത്. ഗുസ്ഥവോയ്ടെ പിന്നിൽ ഇനിയും ചങ്ങലക്കണ്ണികളൂണ്ട്. എന്തിനാണെന്നെ കൊലപ്പെടുത്താൻ ശ്രമിച്ചതെന്ന് കണ്ടെത്തിയേ തീരൂ... ഒരു തടസ്സവും കൂടാതെ നമ്മൾ ചൈനയിലിറങ്ങാൻ പാകത്തിൽ വേണ്ട കാര്യങ്ങൾ എന്റെ തോക്കിൻ മുനയിലിരുന്ന് ഒരൽപ്പം വിറയലോടെ അയാൾ സംസാരിച്ച് ഏർപ്പെടുത്തിയിട്ടുണ്ട്. അതുകൊണ്ട് ആന്യ പേടിക്കണ്ട.

അയാളുടെ മൊബൈൽ ഫോണോ?

അയാളുടെ മൊബൈൽ ഫോൺ ഞാൻ കയ്യിൽ കരുതിയിട്ടുണ്ട്.

ആന്യ എന്നെ മിഴിച്ച് നോക്കി ഇരുന്നു.

പത്ത് മിനിട്ട് കൊണ്ട് നമ്മൾ എയർപ്പോർട്ടിലെത്തും.
പിന്നെയെല്ലാം വേഗത്തിൽ തീർക്കാനാവും

ഞങ്ങൾക്ക് മുൻപിൽ എയർപ്പോർട്ടിലേക്കുള്ള പാത തെളിഞ്ഞു വന്നു.
റഷ്യ വിട്ട് ചൈനയിലേക്കുള്ള സങ്കീർണ യാത്രയുടെ തുടക്കം.

*************************************************************





സാഹസിക യാത്ര തുടരുകയാണ് ...

__________________________________________________________________________



തുടർന്ന് ഈ പോസ്റ്റിലെക്ക് പോകുക:-

സിസിലിയാ കാസാ. [നാല്]